ଆଠଗଡ ୯।୧: ପୁଣି ନରସିଂହପୁର ପୂର୍ବାଞ୍ଚଳ ରେଞ୍ଜରେ ଛୁଆ ଦନ୍ତା ହାତୀର ସନ୍ଦେହ ଜନକ ଭାବେ ମୃତ୍ୟୁ । ଆଠଗଡ଼ ବନଖଣ୍ଡ ନରସିଂହପୁର ପୂର୍ବାଞ୍ଚଳ ରେଞ୍ଜ ଅଧୀନ ଦେବଭୂମି ସଂରକ୍ଷିତ ଜଙ୍ଗଲ ଅନ୍ତର୍ଗତ ଦଲକ ବିଟର କମ୍ପାଟମେଣ୍ଟ ୧୦ ରେ ଏକ ୫ ବର୍ଷ ଛୁଆ ଦନ୍ତା ହାତୀର ମୃତ୍ୟୁ । ହାତୀ ମୃତ୍ୟୁର କାରଣ ଅସ୍ପଷ୍ଟ। ଦୁଇ ଦିନ ତଳେ ହାତୀର ମୃତ୍ୟୁ ହୋଇଥିବା ବେଳେ ବୁଧବାର ବନ ବିଭାଗ ଘଟଣାସ୍ଥଳରେ ପହଞ୍ଚି ଥିଲା। ଗୁରୁବାର ପ୍ରାଣୀଧନ ଚିକିତ୍ସା ଅଧିକାରୀ ପହଂଚି ଶବ ବ୍ୟବଚ୍ଛେଦ କରିଥିବା ଏବଂ ମୃତ ହାତୀର ବ୍ୟବଚ୍ଛେଦ ରିପୋର୍ଟ ଆସିବା ପରେ ହିଁ ହାତୀ ମୃତ୍ୟୁର ପ୍ରକୃତ କାରଣ ଜଣାପଡ଼ିବ ବୋଲି ନରସିଂହପୁର ପୂର୍ବାଞ୍ଚଳ ରେଂଜର ସୁବାସ ରାଉତ ସୂଚନା ଦେଇଛନ୍ତି । ସନ୍ଦେହଜନକ ଭାବେ ଗୋଟିଏ ପରେ ଗୋଟିଏ ହାତୀ ମୃତ୍ୟୁ ନେଇ ଏବେ ନରସିଂହପୁର ବନ ବିଭାଗର କର୍ମଚାରୀ ମାନଙ୍କ କାର୍ଯ୍ୟଦକ୍ଷତା ଉପରେ ପ୍ରଶ୍ନବାଚୀ ସୃଷ୍ଟି କରିଛି।
