ନୂଆଦିଲ୍ଲୀ: ଆଗାମୀ ଦୁର୍ଗା ପୂଜା ମହୋତ୍ସବ ପାଇଁ ହାଇ ଆଲର୍ଟରେ ବାଂଲାଦେଶ। ସଂଖ୍ୟାଲଘୁ ହିନ୍ଦୁ ସମ୍ପ୍ରଦାୟକୁ ଟାର୍ଗେଟ କରୁଯାଉଥିବାରୁ ବାଂଲାଦେଶରେ ହିଂସା ସୃଷ୍ଟି ହୋଇପାରେ। ସୁରକ୍ଷା ବ୍ୟବସ୍ଥାକୁ ନେଇ କଡ଼ା ନଜର ରଖିଛନ୍ତି ବାଂଲାଦେଶ ସରକାର। ହିନ୍ଦୁଙ୍କ ଉପରେ ହେଉଥିବା ହିଂସାକୁ ନେଇ ହିନ୍ଦୁମାନେ ଶାହାବାଗ ଛକ ରାସ୍ତା ଅବରୋଧ କରିଥିଲେ। ଅକ୍ଟୋବର ୯ ରୁ ୧୩ ପର୍ଯ୍ୟନ୍ତ ଦୁର୍ଗା ପୂଜା ପାଳନ ହେବ। ବାଂଲାଦେଶର ପ୍ୟାଭିଲିୟନରେ ଏହି ଉତ୍ସବ ଅନୁଷ୍ଠିତ ହେବ ବୋଲି ପୋଲିସ କହିଛି।

ପୂଜା ମଣ୍ଡପଗୁଡିକର ସୁରକ୍ଷା ଦିଗରେ ପୋଲିସ ସର୍ବାଧିକ ସତର୍କତା ଅବଲମ୍ବନ କରିବ ବୋଲି ପୋଲିସ ମୁଖ୍ୟାଳୟ ପକ୍ଷରୁ କୁହାଯାଇଛି। ଦୁର୍ଗା ପୂଜା ପାଇଁ ଆଇନ ଶୃଙ୍ଖଳା ଏବଂ ସୁରକ୍ଷା ବୈଠକରେ ଅଧ୍ୟକ୍ଷତା କରିଥିବା ବାଂଲାଦେଶର ଇନ୍ସପେକ୍ଟର ଜେନେରାଲ୍ (ଆଇଜିପି) ଏମଡି ମୋଇନୁଲ ଇସଲାମ କହିଛନ୍ତି। 

ସୋମବାର ଆଇଜିପି କହିଛନ୍ତି ଯେ ଦୁର୍ଗା ପୂଜା ଓ ମୂର୍ତ୍ତି ବିସର୍ଜନ ସମୟରେ ତ୍ରିସ୍ତରୀୟ ସୁରକ୍ଷା ବ୍ୟବସ୍ଥା କରାଯିବ। ଏହି ପର୍ବରେ କୌଣସି ଅଘଟଣ ଘଟିବ ନାହିଁ ବୋଲି ପୋଲିସ ଚେଷ୍ଟା କରୁଛି। ସୋସିଆଲ ମିଡିଆରେ ଗୁଜବ ପ୍ରଚାର ନହେବା ପାଇଁ ପୋଲିସର ସାଇବର ମନିଟରିଂକୁ ମଜବୁତ କରାଯାଇଛି ବୋଲି ଆଇଜିପି କହିଛନ୍ତି। ଜରୁରୀକାଳନ ସ୍ଥିତିରେ ଜାତୀୟ ଜରୁରୀକାଳୀନ ସେବା 999 କିମ୍ବା ନିକଟସ୍ଥ ପୋଲିସ ଷ୍ଟେସନ ସହିତ ଯୋଗାଯୋଗ କରିବାକୁ ହିନ୍ଦୁ ନେତାମାନଙ୍କୁ ପରାମର୍ଶ ଦିଆଯାଇଛି।

ସେ କହିଛନ୍ତି ଯେ ଅପରାଧୀମାନେ ସାଧାରଣତଃ ମଧ୍ୟରାତ୍ରିରେ କିମ୍ବା ନବରାତ୍ର ପର୍ବର ଶେଷ ରାତିରେ ପୂଜା ମଣ୍ଡପରେ ଅଯଥା ଘଟଣା ସୃଷ୍ଟି କରିବାକୁ ଚେଷ୍ଟା କରନ୍ତି। ସିସିଟିଭି / ଆଇପି କ୍ୟାମେରା ପୂଜା ଉପରେ ସକ୍ରିୟ ଭାବେ ନଜର ରଖିବ। ପୂଜା ଉତ୍ସବ ଦାୟିତ୍ୱରେ ଥିବା ପରିଷଦଙ୍କୁ ଆଇନ ଶୃଙ୍ଖଳା ଉପରେ ଧ୍ୟାନ ଦେବାକୁ କୁହାଯାଇଛି। ପ୍ରତ୍ୟେକ ମଣ୍ଡପରେ ସ୍ୱେଚ୍ଛାସେବୀମାନେ ଦିନରାତି ରହିବାକୁ କୁହାଯାଇଛି।

ସାମ୍ପ୍ରଦାୟିକ ସୌହାର୍ଦ୍ଦ୍ୟ ପାଇଁ ଆଗାମୀ ଦୁର୍ଗା ପୂଜାକୁ ଆନନ୍ଦମୟ ପରିବେଶ ଓ ସୁରକ୍ଷିତ ତଥା ସୁରୁଖୁରୁରେ ପାଳନ କରିବାକୁ ଆହ୍ୱାନ କରାଯାଇଛି। ଦୁର୍ଗା ପୂଜା ସମୟରେ ୟୁନିଫର୍ମ ଏବଂ ସାଦା ପୋଷାକଧାରୀ ପୋଲିସ, କୁଇକ୍ ରେସପନ୍ସ ଟିମ୍, କ୍ରାଇମବ୍ରାଞ୍ଚ ୱାନ୍ ଏବଂ ବୋମା ନିଷ୍କ୍ରିୟକାରୀ ଟିମ୍‌ ପ୍ରସ୍ତୁତ ରହିବେ।