ନୂଆଦିଲ୍ଲୀ: ଭାରତୀୟ କ୍ରିକେଟ୍ ବୋର୍ଡ(ବିସିସିଆଇ) ୨୦୨୪-୨୫ ଘରୋଇ ସିଜିନ ପାଇଁ ଭାରତୀୟ କ୍ରିକେଟ୍ ଦଳର କ୍ରୀଡ଼ାସୂଚୀ ଜାରି କରିଛି। ଆଗାମୀ ସେପ୍ଟେମ୍ବରରୁ ୨୦୨୫ ଫେବୃଆରୀ ପର୍ଯ୍ୟନ୍ତ ବଡ଼ ସିରିଜ୍ ଖେଳିବ ଭାରତ। ଏହି ସମୟରେ ଭାରତୀୟ ଦଳ ୫ଟି ଟେଷ୍ଟ, ୮ଟି ଟି-୨୦ ଅନ୍ତର୍ଜାତୀୟ ମ୍ୟାଚ୍ ଓ ୩ଟି ଦିନିକିଆ ଖେଳିବ। ଭାରତ ଏହି ସିଜିନର ଆରମ୍ଭ ବାଂଲାଦେଶ ବିପକ୍ଷ ଦୁଇ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ରୁ କରିବ।
ବାଂଲାଦେଶ
ଭାରତୀୟ ଦଳ ସେପ୍ଟେମ୍ବର ମାସରେ ବାଂଲାଦେଶ ସହ ଘରୋଇ ମଇଦାନରେ ମ୍ୟାଚ୍ ଖେଳିବ । ଭାରତ ବନାମ ବାଲାଦେଶ ସିରିଜ୍ ୧୯ ସେପ୍ଟେମ୍ବରରୁ ୧୨ ଅକ୍ଟୋବର ପର୍ଯ୍ୟନ୍ତ ଚାଲିବ । ଏହି ସମୟରେ ଦୁଇଟି ଟେଷ୍ଟ ମ୍ୟାଚ୍ ଚେନ୍ନାଇ ଏବଂ କାନପୁରରେ ଖେଳାଯିବ। ୬ରୁ ୧୨ ଅକ୍ଟୋବର ମଧ୍ୟରେ ଦୁଇ ଦଳ ମଧ୍ୟରେ ୩ ମ୍ୟାଚ୍ ବିଶିଷ୍ଟ ଟି-୨୦ ସିରିଜ୍ ଖେଳାଯିବ। ଏହି ୩ଟି ମ୍ୟାଚ୍ ଧର୍ମଶାଳା, ଦିଲ୍ଲୀ ଏବଂ ହାଇଦ୍ରାବାଦରେ ଖେଳାଯିବ ।
ନ୍ୟୁଜିଲାଣ୍ଡ
ବାଂଲାଦେଶ ବିପକ୍ଷ ସିରିଜ୍ ଶେଷ ହେବାର ୪ ଦିନ ପରେ ନ୍ୟୁଜିଲାଣ୍ଡ ସହ ୩ଟି ଟେଷ୍ଟ ମ୍ୟାଚ୍ ବିଶିଷ୍ଟ ସିରିଜ୍ ଖେଳିବ ଭାରତ । କିଓ୍ବି ଟିମ୍ ୧୬ ଅକ୍ଟୋବରରୁ ୧ ଡିସେମ୍ବର ପର୍ଯ୍ୟନ୍ତ ଭାରତ ସହ ୩ଟି ଟେଷ୍ଟ ମ୍ୟାଚ୍ ଖେଳିବ । ଏହି ମ୍ୟାଚ୍ ବେଙ୍ଗାଲୁରୁ, ପୁଣେ ଏବଂ ମୁମ୍ବାଇରେ ଖେଳାଯିବ ।
ଇଂଲଣ୍ଡ
୨୦୨୫ ଅର୍ଥାତ ନୂଆବର୍ଷ ଆରମ୍ଭରୁ ଇଂଲଣ୍ଡ ସହ ମୁହାଁମୁହିଁ ହେବ ଭାରତ । ଜାନୁଆରୀ ୨୨ରୁ ଫେବୃଆରୀ ୧୨ ପର୍ଯ୍ୟନ୍ତ ଭାରତରେ ରହିବ ଇଂଲଣ୍ଡ କ୍ରିକେଟ ଟିମ୍ ।ପ୍ରାୟ ୩ ସପ୍ତାହ ମଧ୍ୟରେ ଭାରତ ଏବଂ ଇଂଲଣ୍ଡ ମଧ୍ୟରେ ୫ଟି ଟି-୨୦ ଏବଂ ୩ଟି ଦିନିକିଆ ମ୍ୟାଚ୍ ଖେଳାଯିବ । ୮ଟି ମ୍ୟାଚ୍ ଭାରତର ୮ଟି ଷ୍ଟାଡିୟମରେ ଖେଳାଯିବ ।
ବାଂଲାଦେଶର ଭାରତ ଗସ୍ତ(୨୦୨୪)
ସେପ୍ଟେମ୍ବର ୧୯ରୁ୨୪- ପ୍ରଥମ ଟେଷ୍ଟ, ଚେନ୍ନାଇ
ସେପ୍ଟେମ୍ବର ୨୭ରୁ ଅକ୍ଟୋବର- ଦ୍ଵିତୀୟ ଟେଷ୍ଟ, କାନପୁର
ଅକ୍ଟୋବର ୬- ପ୍ରଥମ ଟି-୨୦, ଧର୍ମଶାଳା
ଅକ୍ଟୋବର ୯- ଦ୍ଵିତୀୟ ଟି-୨୦, ଦିଲ୍ଲୀ
ଅକ୍ଟୋବର ୧୨- ତୃତୀୟ ଟି-୨୦, ହାଇଦ୍ରାବାଦ
ନ୍ୟୁଜିଲାଣ୍ଡର ଭାରତ ଗସ୍ତ(୨୦୨୪)
ଅକ୍ଟୋବର ୧୬ରୁ ୨୦- ପ୍ରଥମ ଟେଷ୍ଟ, ବେଙ୍ଗାଲୁରୁ
ଅକ୍ଟୋବର ୨୪ରୁ ୨୮- ଦ୍ଵିତୀୟ ଟେଷ୍ଟ, ପୁଣେ
ନଭେମ୍ବର ୧ରୁ ୫- ତୃତୀୟ ଟେଷ୍ଟ, ମୁମ୍ବାଇ
ଇଂଲଣ୍ଡର ଭାରତ ଗସ୍ତ(୨୦୨୫)
ଜାନୁଆରୀ ୨୨- ପ୍ରଥମ ଟି-୨୦, ଚେନ୍ନାଇ
ଜାନୁଆରୀ ୨୫- ଦ୍ଵିତୀୟ ଟି-୨୦, କୋଲକାତା
ଜାନୁଆରୀ ୨୮- ତୃତୀୟ ଟି-୨୦, ରାଜକୋଟ
ଜାନୁଆରୀ ୩୧- ଚତୁର୍ଥ ଟି-୨୦, ପୁଣେ
ଫେବୃଆରୀ ୨- ପଞ୍ଚମ ଟି-୨୦, ମୁମ୍ବାଇ
ଫେବୃଆରୀ ୬- ପ୍ରଥମ ଦିନିକିଆ, ନାଗପୁର
ଫେବୃଆରୀ ୯- ଦ୍ଵିତୀୟ ଦିନିକିଆ, କଟକ
ଫେବୃଆରୀ ୧୨- ତୃତୀୟ ଦିନିକିଆ, ଅହମ୍ମଦାବାଦ
