ଭୁବନେଶ୍ବର ୪।୧୨: ବିଜେଡିର ବରିଷ୍ଠ ବିଧାୟକ ବଦ୍ରି ପାତ୍ରଙ୍କ ବିସ୍ଫୋରକ ବୟାନ । କହିଲେ, ଅତୀତରେ ଆମ ଦଳ ଭୁଲ କରିଛି । ବିଜେପିରେ ଟିକେଟ ପାଇଥିବା କିଛି ପ୍ରାର୍ଥୀଙ୍କୁ ଆଣିକି ଆମ ଦଳରେ ନେଲେ । ବର୍ତ୍ତମାନ ସେମାନେ ସାଂସଦ ମାନଙ୍କୁ ନେଇଯାଉଛନ୍ତି । ଏହା ଉଭୟ ଦଳ ପାଇଁ କ୍ଷତିକାରକ । ଏତେ ବର୍ଷ କ୍ଷମତାରେ ରହିଲା ପରେ ଗୋଟେ ନିର୍ବାଚନ ମଣ୍ଡଳୀ ପାଇଁ ଭଲ ସବଳ ପ୍ରାର୍ଥୀ ତିଆରି କରିପାରିଥାନ୍ତୁ । ଅନ୍ୟ ଦଳରୁ ଧାର ଆଣି ଆମେ ଭୁଲ କରିଛୁ । ବିଜେପି ଯାହା କରୁଛି ସେଟା ବି ଭୁଲ । ଏହା ବୁମେରାଙ୍ଗ ହେବ । ଆଦର୍ଶ ବଦଳିନଥିବା ଲୋକଙ୍କୁ ଆଣି ରାତି ଅଧରେ ଆଣି ସକାଳୁ ପ୍ରାର୍ଥୀ କଲେ ସେମାନେ ହାରୁଛନ୍ତି । ଆଦର୍ଶ ଜନିତ ସଙ୍କଟ ରହୁଛି । ସେମାନଙ୍କୁ ଭରସା କରି ଦଳ ଆଗେଇପାରିବ ନାହିଁ । ଏହାଦ୍ୱାରା ଦଳର କ୍ଷତି ହେଉଛି । ଏହା ଭଲ ପରମ୍ପରା ନୁହେଁ ।

ସେପଟେ ନବୀନ ବାବୁ ବିଧାନସଭା ଆସିବା ଫଳରେ ଭଲ ମେସେଜ ଯାଉଛି । କର୍ମୀ ଉତ୍ସାହିତ ହେଉଛନ୍ତି । ନବୀନ ଜିଲ୍ଲା ଗସ୍ତ କଲେ ଭଲ । କର୍ମୀଙ୍କ ମନୋବଳ ବଢିବ । କିଛି ଲୋକ ଆଶା ଛାଡି ଦଳ ଛାଡ଼ୁଛନ୍ତି । କିଛି ବ୍ଲକରେ ଅଧ୍ୟକ୍ଷ ଛାଡିକି ପଳେଇଲେଣି ।

You Can Read:

ରାଜ୍ୟରେ ବର୍ତ୍ତମାନ କୌଣସି ବି ସୂତା କଳ କାର୍ଯ୍ୟକ୍ଷମ ନାହିଁ : ହସ୍ତତନ୍ତ ଓ ବୟନ ଶିଳ୍ପ ମନ୍ତ୍ରୀ