ନୂଆଦିଲ୍ଲୀ ୧୭/୦୨: ଟିମ୍ ଇଣ୍ଡିଆର ପୂର୍ବତନ ଓପନର ଶିଖର ଧୱନ । ଅନ୍ତର୍ଜାତୀୟ କ୍ରିକେଟରୁ ନେଇ ସାରିଛନ୍ତି ଅବସର । କ୍ରିକେଟରେ ତାଙ୍କର ଚମତ୍କାର ପ୍ରଦର୍ଶନ ସରିଛି । ଯେତିକି ସେ ତାଙ୍କ ଖେଳକୁ ନେଇ ଚର୍ଚ୍ଚିତ ସେତିକି ତାଙ୍କ ବ୍ୟକ୍ତିଗତ ଜୀବନକୁ ନେଇ ଚର୍ଚ୍ଚିତ । କାରଣ ଦୀର୍ଘଦିନ ଧରି ଏକୁଟିଆ ଜୀବନ କାଟୁଛନ୍ତି ଶିଖର । ପତ୍ନୀ ଆୟଶା ମୁଖାର୍ଜୀଙ୍କୁ ଠାରୁ ଅଲଗା ହୋଇ କାଟୁଛନ୍ତି ନିସଙ୍ଗ ଜୀବନ ।
ଏମିତିକି ନିଜ ପିଲା ପାଖରୁ ବି ସେ ଦୂରରେ । ଗତ ଦେଢ ବର୍ଷ ହେବ ସେ ତାଙ୍କ ପୁଅକୁ ପାଖରୁ ଦେଖିନାହାଁନ୍ତି । ସୋସିଆଲ ମିଡିଆରେ ବଖାଣିଛନ୍ତି ନିଜର ମନ କଥା । କହିବାକୁ ଗଲେ ସେପ୍ଟେମ୍ବର ୨୦୨୧ରେ ଅଲଗା ହୋଇଥିଲେ ଆୟଶା ମୁଖାର୍ଜୀ, ଶିଖର ଧୱନ । ଉଭୟଙ୍କର ଗୋଟିଏ ପୁତ୍ର ସନ୍ତାନ ବି ଅଛି । ଯାହାର ନା ଜୋରାବର । ସେ କହିଛନ୍ତି ମୋ ପୁଅ କଥା ଭାରି ମନେ ପଡୁଛି.. ସେ ମୋ ଠୁ ଦୂରରେ ଅଛି.. ଦେଢ ବର୍ଷ ହେଲା ତାକୁ ଦେଖିନି.. ଯଦି କେବେ ଦେଖା ହୁଏ ତାକୁ ମୁଁ ଛାତିରେ ଜାବୁଡି ଧରିବି.. । ପୁଅ କଥା ମନେପକାଇ ଭାବୁକ ହେଲେ ଶିଖର ଧୱନ ।
ଜୋରାବର ଏବେ ଶିଖରଙ୍କ ପତ୍ନୀଙ୍କ ସହ ଅଷ୍ଟ୍ରେଲିଆରେ ରହୁଛନ୍ତି । ଅକ୍ଟୋବର ୨୦୨୩ରେ କୋର୍ଟ ପରସ୍ପରଙ୍କୁ ଛାଡପତ୍ର ନେବା ପାଇଁ ମଞ୍ଜୁରୀ ଦେଇଥିଲେ । ସେତେବେଳେ ଅଷ୍ଟ୍ରେଲିଆରେ ରହୁଥିବା ଆୟଶାଙ୍କୁ କୋର୍ଟ ନିର୍ଦ୍ଦେଶ ଦେଇଥିଲେ ଯେ, ପୁଅ ଜୋରାବରକୁ ଧଓ୍ୱନ ଏବଂ ତାଙ୍କ ପରିବାର ସହ ସାକ୍ଷାତ କରିବା ପାଇଁ ଭାରତ ଆଣିବାକୁ । କିନ୍ତୁ ଏପର୍ଯ୍ୟନ୍ତ ଧୱନ ତାଙ୍କ ପୁଅକୁ ଭେଟି ପାରୁନାହାଁନ୍ତି । ଏବେ ପୁଅ ଜୋରାବରକୁ ମନେ ପକାଇ ଭାବୁକ ହୋଇଛନ୍ତି ବାପା ଶିଖର ଧଓ୍ୱନ ।
ନିକଟରେ ଗୋଟିଏ ସାକ୍ଷାତକାରରେ ଧଓ୍ୱନ କହିଛନ୍ତି ମୋ ପୁଅ ଏବେ ୧୧ ବର୍ଷର ହୋଇଗଲାଣି । କିନ୍ତୁ ମୁଁ ତାକୁ ଅଢେଇ ବର୍ଷ ହେବ ଦେଖି ନାହିଁ। ମୋତେ ସବୁଥିରୁ ବ୍ଲକ କରିଦେଇଛନ୍ତି ଆୟଶା । ତେଣୁ ପୁଅକୁ ଭର୍ଚୁଆଲି ମଧ୍ୟ ଦେଖିପାରୁନି । ଏପରି ଦୁଃଖ ପ୍ରକଶ କରି କହିଛନ୍ତି ଧୱନ । ଗତ ଡିସେମ୍ବରରେ ପୁଅ ଜୋରାବରର ଜନ୍ମ ଦିନ ଥିଲା । ସେହିସମୟରେ ଶିଖର ଧୱନ ସୋସିଆଲ ମିଡିଆରରେ ଏକ ପୋଷ୍ଟ ସେୟାର କରିଥିଲେ । ଏହି ପୋଷ୍ଟରେ ସେ ଲେଖିଥିଲେ ଦୂରତା ଯେତେ ବି ଥାଉ.. ପୂର୍ବ ଭଳି ଆମ ସାକ୍ଷାତ ହୋଇନପାରୁ କିନ୍ତୁ ମୋ ହୃଦୟରେ ତୁମେ ସବୁବେଳେ ରହିବ ଜୋରା ..
