ନୂଆଦିଲ୍ଲୀ: ଦିଲ୍ଲୀର ରାଷ୍ଟ୍ରୀୟ ସ୍ମୃତି ପରିସରରେ ନିର୍ମାଣ ହେବ ଦିବଙ୍ଗତ ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କ ସମାଧି । ଏଥିପାଇଁ ଦିଲ୍ଲୀର ରାଷ୍ଟ୍ରୀୟ ସ୍ମୃତି ପରିସର ଅର୍ଥାତ୍ ରାଜଘାଟ ପରିସର ଭିତରେ ଏକ ସ୍ୱତନ୍ତ୍ର ସ୍ଥାନ ଚିହ୍ନଟ କରିବା ପାଇଁ କେନ୍ଦ୍ର ସରକାର ମଞ୍ଜୁରି ଦେଇଛନ୍ତି । ପ୍ରଣବ ମୁଖାର୍ଜୀଙ୍କ ଝିଅ ତଥା ଜାଣାଶୁଣା ଲେଖିକା ଶର୍ମିଷ୍ଠା ମୁଖାର୍ଜୀ ଟ୍ୱିଟ୍ କରି ଏହି ସୂଚନା ଦେଇଛନ୍ତି ।
ସୋସିଆଲ୍ ମିଡିଆ ପ୍ଲାଟଫର୍ମ ଏକ୍ସରେ ଶର୍ମିଷ୍ଠା ଲେଖିଛନ୍ତି, 'ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଜୀଙ୍କୁ ଭେଟିଲି ଏବଂ ବାବାଙ୍କ ପାଇଁ ଏକ ସ୍ମାରକ ନିର୍ମାଣ ନେଇ ତାଙ୍କ ସରକାରଙ୍କ ନିଷ୍ପତ୍ତି ପାଇଁ ହୃଦୟରୁ କୃତଜ୍ଞତା ଜଣାଇଲି । ଏହା ଆହୁରି ଅଧିକ ପ୍ରଶଂସନୀୟ, କାରଣ ଆମେ ଏଥିପାଇଁ କହିନଥିଲୁ । ପ୍ରଧାନମନ୍ତ୍ରୀଙ୍କ ଏହି ଦୟାଭାବ ଏବଂ କୃତଜ୍ଞତାରେ ମୁଁ ଅଧିକ ପ୍ରଭାବିତ ଅଛି ।'
Called on Hon’ble PM @narendramodi ji to express thanks & gratitude from core of my heart 4 his govts’ decision 2 create a memorial 4 baba. It’s more cherished considering that we didn’t ask for it. Immensely touched by this unexpected but truly gracious gesture by PM🙏 1/2 pic.twitter.com/IRHON7r5Tk
— Sharmistha Mukherjee (@Sharmistha_GK) January 7, 2025
ପ୍ରଧାନମନ୍ତ୍ରୀ ମୋଦୀଙ୍କ ସହ ସାକ୍ଷାତ ଏବଂ କେନ୍ଦ୍ର ଗୃହ ଏବଂ ନଗର ମନ୍ତ୍ରଣାଳୟର ଚିଠି ମଧ୍ୟ ସୋସିଆଲ୍ ମିଡିଆରେ ସେୟାର କରିଛନ୍ତି । ସେ ଲେଖିଛନ୍ତି, 'ବାବା (ପ୍ରଣବ ମୁଖାର୍ଜୀ) କହୁଥିଲେ ଯେ ରାଷ୍ଟ୍ରୀୟ ସମ୍ମାନ ପାଇଁ ନକୁହାଯିବା ଦରକାର, ବରଂ ତାହା ଅଫର୍ କରଯାଇଥାଏ । ପ୍ରଧାନମନ୍ତ୍ରୀ ମୋଦୀ ବାବାଙ୍କ ସ୍ମୃତି ଏବଂ ସମ୍ମାନ ପାଇଁ ଏପରି କରିଥିବାରୁ ମୁଁ କୃତଜ୍ଞତା ଜଣାଉଛି । ତେବେ ଏଥିରେ ବାବାଙ୍କ ଉପରେ କୌଣସି ଫରକ ପଡ଼ିବ ନାହିଁ କାରଣ ସେ ଏବେ ଏହି ଦୁନିଆରେ ନାହାନ୍ତି ଏବଂ ସେ ପ୍ରଶଂସା ଏବଂ ସମାଲୋଚନାଠାରୁ ବାହାରେ ଥିଲେ । କିନ୍ତୁ ତାଙ୍କ ଝିଅ ହୋଇଥିବାରୁ ମୁଁ ନିଜ ଖୁସିକୁ ଶବ୍ଦରେ ବ୍ୟକ୍ତ କରିପାରିବି ନାହିଁ ।'
