ନୂଆଦିଲ୍ଲୀ: କେନ୍ଦ୍ର ସରକାର ଜାନୁଆରୀ-ମାର୍ଚ୍ଚ ତ୍ରୟ ମାସିକ ପାଇଁ ସ୍ମଲ ସେଭି ସ୍କିମର ସୁଧ ହାରରେ କ୍ରମାଗତ ଚତୁର୍ଥ ତ୍ରୟ ମାସିକ ପାଇଁ କୌଣସି ପରିବର୍ତ୍ତନ କରି ନାହାଁନ୍ତି। ମଙ୍ଗଳବାର (ଡିସେମ୍ବର ୩୧) ଅର୍ଥ ମନ୍ତ୍ରଣାଳୟ ଦ୍ୱାରା ପ୍ରକାଶିତ ବିଜ୍ଞପ୍ତୀରେ ଏହି ସୂଚନା ଦିଆଯାଇଛି।
ଏହାପୂର୍ବରୁ, ଏପ୍ରିଲ-ଜୁନ୍ (Q1FY25), ଜୁଲାଇ-ସେପ୍ଟେମ୍ବର (Q2FY25) ଏବଂ ଅକ୍ଟୋବର-ଡିସେମ୍ବର (ଜୁଲାଇ-ସେପ୍ଟେମ୍ବର) କ୍ୱାର୍ଟରରେ ସୁଧ ହାରରେ କୌଣସି ପରିବର୍ତ୍ତନ ହୋଇନଥିଲା। ଅର୍ଥାତ୍ ୨୦୨୫ ଆର୍ଥିକ ବର୍ଷ ପାଇଁ ପବ୍ଲିକ ପ୍ରୋଭିଡେଣ୍ଟ ଫଣ୍ଡ (ପିପିଏଫ), ନ୍ୟାସନାଲ ସେଭିଂ ସାର୍ଟିଫିକେଟ୍ (NSC) ଏବଂ କିସାନ ବିକାଶ ପତ୍ର (କେଭିପି) ସହିତ ସମସ୍ତ ଛୋଟ ସଞ୍ଚୟ ଯୋଜନା ଉପରେ ସୁଧ ହାର ଚତୁର୍ଥ ତ୍ରୟ ମାସରେ ଅପରିବର୍ତ୍ତିତ ରହିବ।
ବର୍ତ୍ତମାନ ପବ୍ଲିକ ପ୍ରୋଭିଡେଣ୍ଟ ଫଣ୍ଡ (ପିପିଏଫ) ଉପରେ ସୁଧ ହାର ୭.୧% ଏବଂ ସୁକନ୍ୟା ସମୃଦ୍ଧି ଯୋଜନା ୮.୨% ରହିଛି। ଛୋଟ ସଞ୍ଚୟ ଯୋଜନାର ସୁଧ ହାର ଉପରେ ନିଷ୍ପତ୍ତି ନେବା ପୂର୍ବରୁ ସରକାର ଦେଶର ଲିକ୍ୱିଡିଟି ସ୍ଥିତି ଏବଂ ମୁଦ୍ରାସ୍ଫୀତି ଉପରେ ମଧ୍ୟ ନଜର ରଖିଛନ୍ତି।
ପିପିଏଫ୍,ଏନଏସସି ଏବଂ କେଭିପି ସହିତ ଛୋଟ ଛୋଟ ସଞ୍ଚୟ ସ୍କିମ୍ ଉପରେ ପ୍ରତି ତିନିମାସରେ ସୁଧ ହାର ସମୀକ୍ଷା କରାଯାଏ। ଛୋଟ ସଞ୍ଚୟ ଯୋଜନା ଉପରେ ସୁଧ ହାର ୪% ରୁ ୮.୨% ମଧ୍ୟରେ ରହିଥାଏ। ଡିସେମ୍ବର ୨୦୨୩ ରେ ସରକାର ସୁଧ ହାର ବୃଦ୍ଧି କରିଥିଲେ।
କ୍ଷୁଦ୍ର ସଞ୍ଚୟ ଯୋଜନା(ସ୍ମଲ ସେଭିଂ ସ୍କିମ)ର ସୁଧ ହାର ପ୍ରତ୍ୟେକ ତ୍ରୟ ମାସରେ ସମୀକ୍ଷା କରାଯାଏ। ସେମାନଙ୍କର ସୁଧ ହାର ନିର୍ଣ୍ଣୟ କରିବାର ସୂତ୍ର ଶ୍ୟାମଲା ଗୋପୀନାଥ କମିଟି ଦ୍ୱାରା ଦିଆଯାଇଥିଲା। ଏହି ଯୋଜନାଗୁଡ଼ିକର ସୁଧ ହାର ସମାନ ମ୍ୟାଚୋରିଟି ଥିବା ସରକାରୀ ବଣ୍ଡର ୟିଲ୍ଡରୁ ୦.୨୫ ରୁ ୧.୦୦ ପ୍ରତିଶତରୁ ଅଧିକ ହେବା ଉଚିତ ବୋଲି କମିଟି ପରାମର୍ଶ ଦେଇଛି।
ସ୍ମଲ ସେଭିଂ ସ୍କିମ ହେଉଛି ଭାରତରେ ହାଉସହୋଲ୍ଡିଂ ସେଭିଂର ମୁଖ୍ୟ ଉତ୍ସ ଏବଂ ଏଥିରେ ୧୨ ଟି ଇନଷ୍ଟୁମେଣ୍ଟ ସାମିଲ୍ ରହିଛି। ଏହି ଯୋଜନାଗୁଡ଼ିକରେ, ଜମାକାରୀମାନେ ସେମାନଙ୍କ ଟଙ୍କା ଉପରେ ନିର୍ଦ୍ଧାରିତ ସୁଧ ପାଆନ୍ତି। ସମସ୍ତ ଛୋଟ ସଞ୍ଚୟ ଯୋଜନାରୁ ହୋଇଥିବା କଲେକ୍ସନକୁ ଜାତୀୟ କ୍ଷୁଦ୍ର ସଞ୍ଚୟ ପାଣ୍ଠି (NSSF) ରେ ଜମା ରଖାଯାଏ। ଆଉ ସ୍ମଲ ସେଭିଂ ସ୍କିମ ସରକାରୀ କ୍ଷତିର ଫାଇନାନ୍ସିଂର ସୋର୍ସ ଭାବରେ କାମ କରୁଛି। ସରକାରୀ ନିଅଣ୍ଟ ପାଇଁ ଆର୍ଥିକ ଉତ୍ସ ଭାବରେ ଉଭା ହୋଇଛି।
ସ୍ମଲ ସେଭିଂ ଇଷ୍ଟୁମେଣ୍ଟକୁ ୩ଟି ଭାଗରେ ଭାଗ କରାଯାଇଛି।
୧ ପୋଷ୍ଟାଲ ଡିପୋଜିଟ୍: ସେଭିଂ ଆକାଉଣ୍ଟ, ରିକରିଙ୍ଗ ଡିପୋଜିଟ,ଟାଇମ ଡିପୋଜିଟ ଓ ମନ୍ଥଲି ଇନ୍କମ ସ୍କିମ୍
୨. ସେଭିଂ ସାର୍ଟିଫିକେଟ: ନ୍ୟାସନାଲ ସ୍ମଲ ସେଭିଂ ସାର୍ଟିଫିକେଟ୍ (NSC) ଏବଂ କିସାନ୍ ବିକାଶ ପତ୍ର (KVP)
୩. ସୋଶାଲ ସିକ୍ୟୁରିଟି ସ୍କିମ: ସୁକନ୍ୟା ସମୃଦ୍ଧି ଯୋଜନା, ପବ୍ଲିକ୍ ପ୍ରୋଭିଡେଣ୍ଟ୍ ପାଣ୍ଠି (ପିପିଏଫ୍) ଏବଂ ବରିଷ୍ଠ ନାଗରିକ ସଞ୍ଚୟ ଯୋଜନା(ଏସସିଏସଏସ୍)
