କଟକ: କଲେଜ ଛାତ୍ରୀଙ୍କୁ ଗଣଦୁଷ୍କର୍ମ ଅଭିଯୋଗରେ ବାଦାମବାଡ଼ି ପୋଲିସ ୬ ଜଣଙ୍କୁ ଗିରଫ କରିଛି । ଛାତ୍ରୀ ପଢୁଥିବା କଲେଜର ଚାରି ଛାତ୍ର ଏବଂ ଦୁଇ ଜଣ ଅଣଛାତ୍ରଙ୍କୁ ଗିରଫ କରାଯାଇଛି । ଗିରଫ ଅଭିଯୁକ୍ତଙ୍କ ବିରୋଧରେ ପୋକ୍ସୋ ଏବଂ ଏସସି/ଏସଟି ଆକ୍ଟରେ ମାମଲା ରୁଜୁ କରାଯାଇଛି ।
କଟକର ବାଦାମବାଡ଼ି ଥାନା ଅନ୍ତର୍ଗତ ଏକ ଅନୁଦାନ ପ୍ରାପ୍ତ କଲେଜର ଛାତ୍ରୀଙ୍କୁ ଗଣଦୁଷ୍କର୍ମ ଏବଂ ପରେ ଭିଡିଓ ଭାଇରାଲ୍ କରିବା ନେଇ ଅଭିଯୋଗ ହୋଇଥିଲା । ନାବାଳିକା ଛାତ୍ରୀଙ୍କୁ ଏକ ସାଇବର୍ କଫେ ସମେତ ବିଭିନ୍ନ ସ୍ଥାନକୁ ନେଇ ଅଭିଯୁକ୍ତମାନେ ଗଣଦୁଷ୍କର୍ମ କରିଥିବା ଥାନାରେ ଅଭିଯୋଗ ହୋଇଛି । ମାମଲା ପୋଲିସରେ ପହଞ୍ଚିବା ପରେ ଗୁରୁବାର ୬ ଅଭିଯୁକ୍ତଙ୍କୁ ଗିରଫ କରାଯାଇଛି । ଏହାସହ ପୋଲିସ ମାମଲାର ତଦନ୍ତ ଜାରି ରଖିଛି ।
