ସମ୍ବଲପୁର ୨୨।୧୨: ଆପଣ ମେଣ୍ଢା ଲଢ଼େଇ କଥା ଶୁଣିଥିବେ । ମାଲିକଙ୍କ ସ୍ୱାର୍ଥ ପାଇଁ ରକ୍ତାକ୍ତ ହେବା ପର୍ଯ୍ୟନ୍ତ ମେଣ୍ଢାମାନେ ଲଢ଼େଇ କରନ୍ତି । କିନ୍ତୁ ମାଲିକଙ୍କ ସ୍ୱାର୍ଥ ଓ ରାଗ ହେତୁ କାର୍କୁ କାର୍ ଲଢ଼େଇ କରିବା ହୁଏତ ଶୁଣି ନଥିବେ । ଏଭଳି ଏକ ଘଟଣା ଘଟିଛି ସମ୍ବଲପୁର ହୀରାକୁଦ-ରେମେଡ଼ ରାସ୍ତାରେ ।
ଦୁଇ ଗାଡ଼ି ଚାଳକ ଯୁକ୍ତି ତର୍କ ହୋଇ ଜାଣିଜାଣି କାର୍ ମୁହାଁମୁହିଁ ଧକ୍କା କରିବା ଘଟଣା ଏଠାରେ ଚର୍ଚ୍ଚାର ବିଷୟ ପାଲଟିଛି । ରେମେଡ଼ ଛକରେ ହୀରାକୁଦର ଜଣେ ଠିକାଦାରଙ୍କ ଅନ୍ୟ ଜଣେ ବ୍ୟକ୍ତି ସହିତ କୌଣସି କାରଣକୁ ନେଇ ବଚସା ହୋଇଥିଲା । ପାଟିତୁଣ୍ଡ ପରେ ହୀରାକୁଦର ଠିକାଦାର ଜଣକ ନିଜ ଘରକୁ ଫେରି ଯାଇଥିଲେ ହେଁ ତାଙ୍କ ରାଗ ଶାନ୍ତ ହୋଇ ନଥିଲା । କିଛି ସମୟ ପରେ ଦ୍ଵିତୀୟ ବ୍ୟକ୍ତି ଜଣକ ଏକ କାର୍ ନେଇ ଫେରୁଥିବା ସୂଚନା ପାଇ ଜାଣିଜାଣି ନିଜ କାର୍କୁ ନେଇ ମୁହାଁମୁହିଁ ଧକ୍କା କରିଥିଲେ । ଏହାପରେ ରାସ୍ତା ଉପରେ ପୁଣି ପାଟିତୁଣ୍ଡ ହୋଇଥିଲା । ହୀରାକୁଦ ପୋଲିସ ପହଞ୍ଚି ଦୁଇ ଗାଡ଼ିକୁ ଥାନାକୁ ନେବା ସହିତ ଉଭୟଙ୍କୁ ଶାନ୍ତ କରିଛି ।
You Can Read:
ଚାଷୀଙ୍କୁ ପର୍ଯ୍ୟାପ୍ତ ପରିମାଣରେ କ୍ଷୟକ୍ଷତି ପ୍ରଦାନ କରାଯିବ : ରାଜସ୍ବ ମନ୍ତ୍ରୀ
