ସମ୍ବଲପୁର୧୭/୧: ମାନାପୁରମ ଗୋଲ୍ଡ ଲୋନ୍ ଶାଖାରୁ ସୁନା ଲୁଟ୍ ଘଟଣା । ରିମାଣ୍ଡରେ ଯିବେ ୨ ଅଭିଯୁକ୍ତ ଅଜୟ ପାଶୱାନ ଓ ପଙ୍କଜ ପାଶୱାନ । ଉଭୟଙ୍କୁ ୩ ଦିନିଆ ରିମାଣ୍ଡରେ ନେବାକୁ ପୋଲିସକୁ ଅନୁମତି ମିଳିଛି । ଗୁରୁବାର ବିଳମ୍ବିତ ରାତିରେ ୨ ଜଣଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିଲା ।
ଗତ ୪ ତାରିଖ ସକାଳୁ ଅଫିସ ଖୋଲିବା ପରେ ମାନାପୁରମ ଶାଖାରେ ପଶିଥିଲେ ୧୦ ଦୁର୍ବୃତ୍ତ । କର୍ମଚାରୀଙ୍କୁ ବାନ୍ଧି ନିସ୍ତୁକ ମାଡ ମାରିଥିଲେ । ତାପରେ ଲୁଟ୍ କରିଥିଲେ । ପ୍ରାୟ ୩୦କୋଜି ସୁନା ଓ ନଗଦ ଟଙ୍କା ଲୁଟି ନେଇଥିଲେ ଲୁଟେରା । ଅଭିଯୁକ୍ତଙ୍କୁ ଧରିବାକୁ ପୋଲିସ ୪ଟି ଟିମ୍ କରି ବିଭିନ୍ନ ସ୍ଥାନରେ ଚଢାଉ କରିଥିଲା । ରାଜ୍ୟ ବାହାରେ ମଧ୍ୟ ଛାନ୍ଭିନ୍ ଚଳାଇଥିଲା ପୋଲିସ ।
୧୨ ଦିନ ତଳେ ଅର୍ଥାତ ଗତ ୫ ତାରିଖରେ ସାମ୍ନାକୁ ଆସିଥିଲା ଲୁଟ୍ ବେଳର ସିସିଟିଭି ଫୁଟେଜ । ଏଥିରେ ଲୁଟ୍ କରିସାରି ଲୁଟେରାମାନେ ଫେରାର ହେଉଥିବାରୁ ଭିଜୁଆଲ କଏଦ ହୋଇଥିଲା । ସ୍ପଷ୍ଟ ଭାବରେ ଜଣାପଡୁଥିଲା ଜଣେ ଲୁଟେରା ବାଇକରେ ଅପେକ୍ଷା କରିଥିବାବେଳେ ବ୍ୟାଗ ଭର୍ତ୍ତି ସୁନା ନେଇ ଆସିଥିଲେ ଅନ୍ୟ ଲୁଟେରା । ସୁନା ନେଇ ବାଇକରେ ୨ ଜଣ ପଳାଇଥିବାବେଳେ ଅନ୍ୟମାନେ ଅଲଗା ପଳାଇଥିଲେ । ।
You Can Also Read
ରାତି ଅଧରେ ମହିଳା କନଷ୍ଟେବଳଙ୍କୁ ପ୍ରେମ ନିବେଦନ କଲେ ଆଇଆଇସି, ଏସପିଙ୍କ ପାଖରେ ପହଞ୍ଚିଲା ମାମଲା
