ନୂଆଦିଲ୍ଲୀ: ଶୁଳ୍କ ଯୁଦ୍ଧ ପରେ ଆମେରିକାର ଇସ୍ରାଏଲ ଏଜେଣ୍ଡା । ଆତଙ୍କୀ ସଂଗଠନ ହମାସକୁ ଡୋନାଲ୍ଡ ଟ୍ରମ୍ପଙ୍କ କଡ଼ା ଚେତାବନୀ । ଇସ୍ରାଏଲ ବନ୍ଧକଙ୍କୁ ତୁରନ୍ତ ଫେରାଇବାକୁ କହିଛନ୍ତି ଆମେରିକା ରାଷ୍ଟ୍ରପତି । ଯଦି ପଣବନ୍ଦୀଙ୍କୁ ମୁକ୍ତ ନକରନ୍ତି ତେବେ ଗାଜାରେ ତାଣ୍ଡବ ରଚିବ ଆମେରିକା । ପୂରା ଗାଜାକୁ ଧ୍ବଂସସ୍ତୁପରେ ପରିଣତ କରିଦିଆଯିବ । ଆତଙ୍କ ସଂଗଠନକୁ ସଫା କରି ଦିଆଯିବ । ସେମାନଙ୍କ ମୃତ୍ୟୁ ସୁନିଶ୍ଚିତ ବୋଲି କହିଛନ୍ତି ଡୋଲାନ୍ଡ ଟ୍ରମ୍ପ। ସୋସିଆଲ ମିଡିଆ ଆକାଉଣ୍ଟରେ ଏନେଇ ଅଲ୍ଟି ମେଟମ୍ ଦେଇଛନ୍ତି ।
ଟ୍ରୁଥ୍ରେ ଟ୍ରମ୍ପ ଲେଖିଛନ୍ତି, ସମସ୍ତ ବନ୍ଧକଙ୍କୁ ଏବେ ମୁକ୍ତ କରିବା ସହ ହତ୍ୟା କରିଥିବା ଲୋକଙ୍କ ମୃତଦେହକୁ ତୁରନ୍ତ ଫେରାଇ ଦିଅ। ନଚେତ୍ ମୃତ୍ୟୁ ପାଇଁ ପ୍ରସ୍ତୁତ ରୁହ । କେବଳ ମାନସିକ ବିକୃତ ଲୋକମାନେ ମୃତଦେହକୁ ନିଜ ପାଖରେ ରଖନ୍ତି, ତାହା ବି ପ୍ରମାଣ ଦେବାକୁ ପଡ଼ିବ ବୋଲି ଟ୍ରମ୍ପ କହିଛନ୍ତି । ଆତଙ୍କବାଦୀଙ୍କୁ ଗାଜା ଛାଡ଼ି ଚାଲିଯିବାକୁ ଚେତାବନୀ ଦେଇଛନ୍ତି । ଇସ୍ରାଏଲକୁ କାମ ସମାପ୍ତ କରିବାକୁ ଯାହା ଆବଶ୍ୟକ ଅସ୍ତ୍ରଶସ୍ତ୍ର ତାହା ପଠାଉଛି, କଥା ନଶୁଣିଲେ ଜଣେ ବି ହମାସ ସଦସ୍ୟ ବଞ୍ଚିବେ ନାହିଁ ବୋଲି କଡ଼ା ଚେତାବନୀ ଦେଇଛନ୍ତି ଡୋନାଲ୍ଡ ଟ୍ରମ୍ପ ।
ଆମେରିକା ରାଷ୍ଟ୍ରପତିଙ୍କ ଏହି ଟିପ୍ପଣୀ, ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁ ଚେତାବନୀ ଆସିଛି । ସେ କହିଥିଲେ , ଆକ୍ଟୋବର ୭ ତାରିଖରେ ହମାସ ପଣବନ୍ଦୀ କରି ରଖିଥିବା ଇସ୍ରାଏଲୀଙ୍କୁ ମୁକ୍ତ ନକଲେ, ପରିଣାମ ଅତି ଭୟଙ୍କର ହେବ ବୋଲି ସେ କହିଛନ୍ତି । ଇସ୍ରାଏଲ୍ ଲାଗୁ ହୋଇଥିବା ପ୍ରଥମ ଚରଣ ସିଜ୍ଫାୟାରକୁ ଏପ୍ରିଲ୍ ୧୫ ପର୍ଯ୍ୟନ୍ତ ବୃଦ୍ଧି କରିବାକୁ ଚାହୁଁଛି । ପଣବନ୍ଦୀ ମୁକ୍ତ ନହେଲେ ସ୍ଥିତି ଅତି ଖରାପ ହେବ ବୋଲି ନେତାନ୍ୟାହୁ କହିଥିଲେ । ....
