ନୂଆଦିଲ୍ଲୀ: ଆମେରିକୀୟ ପୋଡ୍କାଷ୍ଟର ଲେକ୍ସ ଫ୍ରିଡ୍ମ୍ୟାନଙ୍କ ସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଆଲୋଚନାକୁ ନେଇ ଚୀନ ପ୍ରଶଂସା କରିଛି । ଏହାସହ ହାତୀ ଓ ଡ୍ରାଗନ୍ ମିଶି ଉତ୍ସାହ ସହ କାମ କରିବା ହିଁ ଏକମାତ୍ର ବିକଳ୍ପ ବୋଲି କହିଛି । ପୋଡ୍କାଷ୍ଟରେ ପ୍ରଧାନମନ୍ତ୍ରୀ ମୋଦୀ ଦୁଇ ଦେଶର ସମ୍ପର୍କ ଉପରେ ସକାରାତ୍ମକ ଟିପ୍ପଣୀ କରିଥିଲେ, ଯାହାକୁ ଚୀନ ପ୍ରଶଂସା କରିଛି । ପିଏମ୍ ମୋଦୀ ଭାରତ ଓ ଚୀନ ସମ୍ପର୍କକୁ ଅଧିକ ମଜଭୁତ କରିବା ଉପରେ ଜୋର ଦେଇ କହିଥିଲେ ଯେ ପ୍ରତିଦ୍ୱନ୍ଦ୍ୱିତାକୁ ସଂଘର୍ଷରେ ନବଦଳାଇବା ଦରକାର ଓ ମତଭେଦ ବିବାଦରେ ପରିଣତ ନହେବା ଦରକାର ।
ପ୍ରଧାନମନ୍ତ୍ରୀଙ୍କ ଏହି ଟିପ୍ପଣୀକୁ ଚୀନ ବିଦେଶ ମନ୍ତ୍ରଣାଳୟ ମୁଖପାତ୍ର ମାଓ ନିଙ୍ଗ ପ୍ରଶଂସା କରିଛନ୍ତି । ସାମ୍ୱାଦିକଙ୍କୁ ସେ କହିଛନ୍ତି, '୨୦୦୦ରୁ ଅଧିକ ବର୍ଷର ଇତିହାସରେ ଦୁଇ ଦେଶ ବନ୍ଧୁତାପୂର୍ଣ୍ଣ ଆଦାନ-ପ୍ରଦାନ ବଜାୟ ରଖିଛନ୍ତି ଓ ଦୁଇ ଦେଶ ସଭ୍ୟତାଗତ ଉପଲବ୍ଧି ଏବଂ ମାନବ ପ୍ରଗତିରେ ଯୋଗଦାନ କରି ପରସ୍ପରଠାରୁ ଶିଖିଛନ୍ତି ।'
Mao also noted that being partners in mutual success and achieving “Dragon-Elephant Dance” cooperation is the only correct choice for China and India. China is willing to work with India to fully implement the consensus reached by their leaders, take the 75th anniversary of… https://t.co/o5ClYudyPJ
— Global Times (@globaltimesnews) March 17, 2025
ପୋଡ୍କାଷ୍ଟରେ ପିଏମ୍ ମୋଦୀ କହିଥିଲେ, 'ଯଦି ଆପଣ ଐତିହାସିକ ଅଭିଲେଖକୁ ଦେଖିବେ, ତେବେ ଶତାବ୍ଦୀ ଶତାବ୍ଦୀ ଧରି ଭାରତ ଓ ଚୀନ ପରସ୍ପରଠାରୁ ଶିଖିଛନ୍ତି । ମିଳିତ ଭାବେ ସେମାନେ ବିଭିନ୍ନ ମାର୍ଗରେ ବୈଶ୍ୱିକ ବୃଦ୍ଧିରେ ଯୋଗଦାନ କରିଛନ୍ତି । ପୁରୁଣା ଅଭିଲେଖାରୁ ଜଣାପଡ଼େ ଯେ ଏକଦା ଭାରତ ଓ ଚୀନ ଦୁନିଆର ଜିଡିପିରେ ୫୦ ପ୍ରତିଶତରୁ ଅଧିକ ଯୋଗଦାନ କରୁଥିଲେ । ମୋ ମତରେ ଆମର ସମ୍ପର୍କକୁ ମଜଭୁତ ଅଛି, ଯାହା ଆମର ଗଭୀର ସାଂସ୍କୃତିକ ସମ୍ପର୍କରେ ଲୁଚି ରହିଛି ।' ଏହାସହ ଦୁଇ ଦେଶ ମଧ୍ୟରେ କିଛି ମତଭେଦ ଥିବା କଥାକୁ ସେ ସ୍ୱୀକାର କରିଥିଲେ । ମତଭେଦ ବିବାଦରେ ଯେପରି ପରିଣତ ହେବ ନାହିଁ ତାହା ଉପରେ ଆମର ଧ୍ୟାନ ରହିଛି । ଆମେ ଏହି ଦିଗରେ ସକ୍ରିୟ ରୂପେ କାମ କରୁଛୁ ବୋଲି ସେ କହିଥିଲେ ।
ଚୀନ ମୁଖପାତ୍ର ଆଜି କହିଛନ୍ତି ଯେ ଭାରତ ଓ ଚୀନ ପରସ୍ପର ଏପରି ସହଯୋଗୀ ହେବା ଦରକାର, ଯେଉଁଥିରେ ପରସ୍ପରର ସଫଳତାରେ ଯୋଗଦାନ କରିପାରିବେ । ସେ କହିଛନ୍ତି ଯେ ଉଭୟ ପକ୍ଷଙ୍କ ପାଇଁ ଏକମାତ୍ର ବିକଳ୍ପ ଏହା ଯେ ଡ୍ରାଗନ ଓ ହାତୀ ମଧ୍ୟରେ ବେଲି ଡ୍ୟାନ୍ସ ଆୟୋଜିତ ହେଉ ।
