ତେଲକୋଇ ୧୬।୦୯ : କେନ୍ଦୁଝର ଜିଲ୍ଲା ତେଲକୋଇ ରେଞ୍ଜ ତେଲକୋଇ ଫରେଷ୍ଟ ବିଟ୍ ବେଣା ଗାଁରେ ୫ଟିକିଆ ହାତୀପଲଙ୍କ ଉପଦ୍ରବ । ଦୁଇଟି ଘର ଭାଙ୍ଗି ଧାନ ଚାଉଳ ଖାଇବା ସହ ୧୦ ହଜାର ଟଙ୍କା ମଧ୍ୟ ଖାଇଦେଲେ ହାତୀପଲ । ଘରେ ଶୋଇଥିବା ଲୋକେ ଅଳ୍ପକେ ବର୍ତ୍ତିଯାଇଛନ୍ତି ।
ଖବର ଅନୁଯାୟୀ, ରବିବାର ବିଳମ୍ବିତ ରାତି ପ୍ରାୟ ୧୧ଟା ସମୟରେ ପାଞ୍ଚ ଟିକିଆ ହାତୀପଲ ବେଣା ଗାଁ ମୁଣ୍ଡାସାହିରେ ଧଶେଇ ପଶିଥିଲେ । ପ୍ରଥମେ ରବିନ୍ଦ୍ର ପାତ୍ରଙ୍କ ବାଇଗତ ବାଡିକୁ ଦଳିମକଚି ନଷ୍ଟ କରିବା ସହ ଘର ଭାଙ୍ଗି ଧାନ ଚାଉଳ ଟେକି ନେଇଯାଇଥିଲେ । ତେବେ ଧାନ ଡୋଲି ଭିତରେ ରବିନ୍ଦ୍ର ୧୦ ହଜାର ଟଙ୍କା ରଖିଥିଲେ । ଯାହାକୁ ହାତୀ ପଲ ଧାନ ସହିତ ଖାଇ ଦେଇଥିଲେ ।
ସେପଟେ ହାତୀ ପଲ ଘର ପଶିବା ବେଳେ ଜୀବନ ବଞ୍ଚାଇ ପଳାଇଥିଲେ ପରିବାର ଲୋକ । ଏହାପରେ ବାବୁରାମ ମୁଣ୍ଡାଙ୍କ ଘର ଭାଙ୍ଗିବା ସହ ଅନେକ ସାମଗ୍ରୀ ଦଳିଚକଟି ନଷ୍ଟ କରିଦେଇଛନ୍ତି । ପୀଡିତ ପରିବାରକୁ ବନବିଭାଗ ପକ୍ଷରୁ ସହାୟତା ଦେବାକୁ ଗ୍ରାମବାସୀ ଦାବି କରିଛନ୍ତି ।
