କାଶ୍ମୀର ୨୧/୧୦: ଜାମ୍ମୁ କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ତଥା ଜାତୀୟ ସମ୍ମିଳନୀ (ଜେକେଏନ୍ସି) ମୁଖ୍ୟ ଫାରୁକ୍ ଅବଦୁଲ୍ଲାଙ୍କୁ ଆଜି ୮୪ ବର୍ଷରେ ପାଦ ଥାପିଛନ୍ତି । ଫାରୁକ୍ ଅବଦୁଲ୍ଲା ୨୧ ଅକ୍ଟୋବର ୧୯୩୭ରେ କାଶ୍ମୀରରେ ଜନ୍ମଗ୍ରହଣ କରିଥିଲେ । ଫାରୁକ୍ ଅବଦୁଲ୍ଲା କାଶ୍ମୀର ଅଞ୍ଚଳର ଏକ ବିଶିଷ୍ଟ ରାଜନୈତିକ ପରିବାରରେ ଜନ୍ମଗ୍ରହଣ କରିଥିଲେ । 

ପିତା ଶେଖ ମହମ୍ମଦ ଅବଦୁଲ୍ଲା JKNC ପ୍ରତିଷ୍ଠା କରିଥିଲେ । କାଶ୍ମୀରର ଭାରତୀୟ ଶାସିତ ଅଂଶରେ ଜାମ୍ମୁ କାଶ୍ମୀରର ଏକ ଅର୍ଦ୍ଧ ସ୍ୱୟଂଶାସିତ ରାଜ୍ୟ ଭାବରେ ସୃଷ୍ଟିରେ ଏହା ପ୍ରମୁଖ ଭୂମିକା ଗ୍ରହଣ କରିଥିବା କୁହାଯାଉଛି । ଫାରୁକ୍ ଅବଦୁଲ୍ଲା ରାଜସ୍ଥାନର ଜୟପୁରର ଏସଏମଏସ ମେଡିକାଲ କଲେଜରେ ଡାକ୍ତରୀ ଡିଗ୍ରୀ ହାସଲ କରିଥିଲେ ଏବଂ ସାମାଜିକ କାର୍ଯ୍ୟ ଏବଂ ଚିକିତ୍ସା କ୍ଷେତ୍ରରେ କ୍ୟାରିୟର ପ୍ରତିଷ୍ଠା କରିଥିଲେ।

ଫାରୁକ୍ ଅବଦୁଲ୍ଲା ପ୍ରଥମେ ରାଜନୀତିରେ ଜଡିତ ହୋଇଥିଲେ ଯେତେବେଳେ ସେ ତାଙ୍କ ପିତା ୧୯୭୭ରେ ରାଜ୍ୟସଭାକୁ ପୁନଃ ନିର୍ବାଚିତ ହୋଇଥିଲେ । ଏଥିରେ ବାପାକୁ ପୂର୍ଣ୍ଣ ସହଯୋଗ କରିଥିଲେ ଫାରୁକ୍ । ୧୯୮୦ରେ ସେ ଲୋକସଭାକୁ ନିର୍ବାଚିତ ହୋଇଥିଲେ ସେ । ତାଙ୍କ ପିତାଙ୍କ ନେତୃତ୍ୱ ସରକାରରେ ସ୍ୱାସ୍ଥ୍ୟମନ୍ତ୍ରୀ ଭାବରେ ମିଳିଥିଲା ଦାୟିତ୍ୱ । ସେପ୍ଟେମ୍ବର ୧୯୮୨ରେ ଶେଖ ମହମ୍ମଦ ଅବଦୁଲ୍ଲାଙ୍କ ଦେହାନ୍ତ ପରେ ଫାରୁକ୍ ଅବଦୁଲ୍ଲା ଜେ.କେ.ଏନ୍.ସିର ସଭାପତି ଭାବରେ ଦଳର ଦାୟିତ୍ୱ ନେଇଥିଲେ ।

୧୯୮୩ ରାଜ୍ୟ ବିଧାନସଭା ନିର୍ବାଚନରେ ଫାରୁକ୍ ଅବଦୁଲ୍ଲା JKNC ର ନେତୃତ୍ୱ ନେଇଥିଲେ । ପରେ ଦଳ ମୋଟ ୭୬ଟି ସିଟ୍ ମଧ୍ୟରୁ ୪୬ଟି ଜିତିଥିଲା । ଏହି ସମୟ ମଧ୍ୟରେ ସେ ମଧ୍ୟ ମୁଖ୍ୟମନ୍ତ୍ରୀ ହୋଇଥିଲେ । ୧୯୮୭ରେ ସେ ପୁନର୍ବାର ବିଧାନସଭାକୁ ନିର୍ବାଚିତ ହୋଇଥିଲେ । ୧୯୯୦ ପର୍ଯ୍ୟନ୍ତ ସେ JKNC- କଂଗ୍ରେସ ମିଳିତ ସହଯୋଗରେ ମୁଖ୍ୟମନ୍ତ୍ରୀ ରହିଥିଲେ।

ଅଗଷ୍ଟ ୨୦୧୯ରେ କେନ୍ଦ୍ର ସରକାର ଜାମ୍ମୁ କାଶ୍ମୀରରେ ଧାରା ୩୭୦ ଲାଗୁ କରିଥିଲେ । ଏହି ସମୟ ମଧ୍ୟରେ ଫାରୁକ୍ ଅବଦୁଲ୍ଲା ଏବଂ ଜାମ୍ମୁ କାଶ୍ମୀରର ଅନ୍ୟ ରାଜନୈତିକ ନେତାମାନଙ୍କୁ ଗୃହରେ ଅଟକ ରଖାଯାଇଥିଲା । ସେପ୍ଟେମ୍ବରରେ ତାଙ୍କ ତରଫରୁ ଏକ ହାବିସ୍ କର୍ପସ ଆବେଦନ କରାଯିବା ପରେ ସେ ସାଧାରଣ ଜନତାଙ୍କ ବ୍ୟାଘାତ ଘଟାଇଥିବାର ଅଭିଯୋଗ ହୋଇଥିଲା । ତେବେ ଗିରଫ ଆଦେଶ ଶେଷ ହେବା ପରେ ମାର୍ଚ୍ଚ ୨୦୨୦ରେ ତାଙ୍କୁ ମୁକ୍ତ କରାଯାଇଥିଲା ।