ପ୍ରୟାଗରାଜ ୧୯।୪: ପ୍ରୟାଗରାଜ ମହାକୁମ୍ଭରେ ତମ୍ବୁ ସହର ନିର୍ମାଣ କରିଥିବା ଟେଣ୍ଟ ହାଉସ୍ କମ୍ପାନୀ ଗୋଦାମରେ ନିଆଁ ଲାଗିଯାଇଛି। ଏହି ଅଗ୍ନିକାଣ୍ଡ ସଙ୍ଗମ କ୍ଷେତ୍ରରେ ହୋଇଛି। ଏହି ନିଆଁ ଏତେ ଭୟଙ୍କର ଭାବେ ଲାଗିଛି ଯେ ୩ କିଲୋମିଟର ଦୂରକୁ ଏହାର ଶିଖା ଦେଖାଯାଉଛି। ଘଟଣାସ୍ଥଳରେ ଦମକଳ ବିଭାଗର ୬ଟି ଦମକଳଗାଡ଼ି ନିଆଁକୁ ଆୟତ୍ତ କରିବାକୁ ଚେଷ୍ଟା କରୁଛନ୍ତି। କୁହାଯାଉଛି ପ୍ରାୟ ୩ଲକ୍ଷ ବାଉଁଶ ବଲ୍ଲା ଓ ଟେଣ୍ଟ କପଡାରେ ନିଆଁ ଲାଗିଛି।
ଉଲ୍ଲେଖଯୋଗ୍ୟ ଯେ ମହାକୁମ୍ଭରେ ଟେଣ୍ଟ ଲଗାଇବାର କାମ ଲଲ୍ଲୁଜୀ ଆଣ୍ଡ ସନସ୍ କମ୍ପାନୀକୁ ଦିଆଯାଇଥିଲା। ମହାକୁମ୍ଭ ଶେଷ ହେବା ପରେ ଏବେ ତମ୍ବୁ ସବୁ ଖୋଲା ଯାଇ ସଙ୍ଗମ କ୍ଷେତ୍ରରେ ଅସ୍ଥାୟୀ ଗୋଦାମରେ ଜମା କରାଯାଇଛି। ଏଥିରେ ଶନିବାର ସକାଳେ ନିଆଁ ଲାଗିଯାଇଥିବାର ଦେଖାଯାଇଥିଲା। ନିଆଁ ଲାଗିବା ଘଟଣା ଜଣାପଡିବାମାତ୍ରେ ଦମକଳ ବିଭାଗକୁ ଖବର ଦିଆଯାଇଥିଲା। ୬ଟି ଦମକଳ ପହଞ୍ଚି ନିଆଁକୁ ଆୟତ୍ତ କରିବାକୁ ଚେଷ୍ଟା କରୁଥିଲେ ହେଁ ନିଆଁ ଅସମ୍ଭାଳ ହୋଇପଡିଛି।
प्रयागराज में महाकुंभ के परेड मैदान में बने अस्थाई गोदाम में लगी भीषण आग,
— Tushar Srivastava (@TusharSrilive) April 19, 2025
लल्लू जी एंड संस के गोदाम में लगी भीषण आग, महाकुंभ क्षेत्र में टेंट शिविर निर्माण का कार्य करती है लल्लू जी एंड संस कंपनी pic.twitter.com/yY90Towlby
ଲଲ୍ଲୁଜୀ ଆଣ୍ଡ ସନସ୍ କମ୍ପାନୀ ଗତ ୧୦୪ ବର୍ଷ ହେଲା କୁମ୍ଭମେଳାରେ ତମ୍ବୁ ଲଗାଇ ଆସୁଛି। ଏଣୁ ଏହି କମ୍ପାନୀକୁ କୁମ୍ଭ ମେଳାର ବିଶ୍ୱକର୍ମା ବୋଲି ମଧ୍ୟ କୁହାଯାଏ। ଲଲ୍ଲୁଜୀ ଆଣ୍ଡ ସନସ୍ ର ପ୍ରୟାଗରାଜ ପରେଡ ଗ୍ରାଉଣ୍ଡ, ରାମବାଗ, ଝୁଁସୀ ଓ ନୈନୀ ସହିତ ସାରା ଦେଶରେ ଗୋଦାମ ଓ କାର୍ଯ୍ୟାଳୟ ରହିଛି। କମ୍ପାନୀ ହରିଦ୍ୱାର, ଉଜ୍ଜୈନ ଓ ନାସିକରେ ହେଉଥିବା ମେଳାରେ ମଧ୍ୟ ଟେଣ୍ଟ ବାନ୍ଧି ଥାଏ। କମ୍ପାନୀର ଦିଲ୍ଲୀ, ଉଜ୍ଜୈନ, ହରିଦ୍ୱାର ଓ ଅହମଦାବାଦରେ ମଧ୍ୟ ସେଟଅପ ଅଛି।
