ଭଦ୍ରକ ୨୦।୧୧: ଭଦ୍ରକ ବ୍ଲକ୍ ଅଧିନ ଗୁଜିଦରଡା ପଞ୍ଚାୟତ ମିରାମହଲା ସାହିରେ ଅଗ୍ନିକାଣ୍ଡ । ନିଆଁରେ ଜଳିଗଲା ସେକ୍ ସାଲାଦିନଙ୍କ ୪ ବଖରା ଘର । ସମ୍ପୂର୍ଣ୍ଣ ଜଳିପୋଡି ଭସ୍ମୀଭୂତ ହୋଇଯାଇଛି ସମ୍ପତ୍ତି ।
ସୂଚନାଯୋଗ୍ୟ ଯେ, ମଙ୍ଗଳବାର ରାତି ସମୟରେ ହଠାତ ସେକ୍ ସାଲାଦିନଙ୍କ ଘରେ ନିଆଁ ଲାଗିଯାଇଥିଲା । ଘର ଲୋକେ କୌଣସି କାମରେ ବାହାରକୁ ଯାଇଥିବା ସମୟରେ ଏହି ଅଘଟଣ ଘଟିଥିଲା । କେହି କିଛି ବୁଝିବା ଆଗରୁ ସମ୍ପୂର୍ଣ୍ଣ ଘରଟି ଜଳିପୋଡି ପାଉଁଶ ହୋଇଯାଇଥିଲା । ଗ୍ରାମବାସୀ ମାନେ ନିଆଁ ଲିଭାଇବାକୁ ପ୍ରୟାସ କରିଥିଲେ ହିଁ ନିଆଁକୁ ଆୟତ୍ତ କରିପାରି ନଥିଲେ । ପରେ ଖବର ପାଇ ଘଟଣାସ୍ଥଳରେ ଦମକଳ ବାହିନୀ ପହଞ୍ଚି ନିଆଁ ଲିଭାଇବା ବେଳକୁ ଘରଟି ସମ୍ପୂର୍ଣ୍ଣ ନଷ୍ଟ ହୋଇଯାଇଥିଲା । ଘରେ ଥିବା ସମସ୍ତ ଆସବାବପତ୍ର ଧାନ, ଚାଉଳ, ଲୁଗା, ବାସନ, ସୁନା, ରୁପା, ବହି, ଖାତା ସହ ଘରେ ଥିବା ୨ଟି ଗାଈ ଓ ୫ଟି ଛେଳି ସମ୍ପୂର୍ଣ୍ଣ ଜଳିପୋଡି ଯାଇଥିବା ସୂଚନା ମିଳିଛି ।
You Can Read:
ବାଲିଯାତ୍ରାରେ ନୂଆ ଓଡ଼ିଆ ସିନେମାର ପ୍ରଚାର, ଉନ୍ମୋଚିତ ହେଲା ‘ଅନନ୍ତା ଜୋନ୍’
