ସୋର ୨୪/୨: ମୋର ହେଲୁନି । ତୋତେ କାହାର ହେବାକୁ ଦେବିନି । ଏତେ ଭଲ ପାଉଥିବା ପ୍ରେମିକ ପାଲଟିଗଲା ହିଂସ୍ର । ପ୍ରେମିକାର ଗଳାକାଟି କଲା ହତ୍ୟା । ବାଲେଶ୍ବର ଜିଲ୍ଲା ସୋର ଲିଙ୍ଗପଡାରୁ ଆସିଛି ବୀଭତ୍ସ ହତ୍ୟାକାଣ୍ଡର ଖବର । ଘରେ କେହି ନଥିଲେ ଏକୁଟିଆ ଥିଲେ ଯୁବତୀ । ଏମିତି ମୁହୁର୍ତ୍ତକୁ ଅପେକ୍ଷା କରିଥିଲା ପ୍ରେମିକ । ଘରେ ପଶି ଯୁବତୀଙ୍କ ବେକ କାଟି ଦେଇଥିଲା । ଯୁବତୀ ଜଣକ ଜୀବନ ବଞ୍ଚାଇବାକୁ ଅନେକ ଚେଷ୍ଟା କରିଥିଲେ ହେଲେ ବଞ୍ଚିପାରିନଥିଲେ । ନିର୍ମମ ଭାବରେ ଗଳାକାଟି ହତ୍ୟା କରିଥିଲା ପ୍ରେମିକ । ଅଭିଯୁକ୍ତ ଯୁବକଙ୍କ ନାଁରେ ପୂର୍ବରୁ ଏତଲା ଦେଇଥିଲେ ଯୁବତୀ । ହତ୍ୟା ପରେ ଘଟଣାସ୍ଥଳରୁ ଫେରାର ହୋଇଯାଇଛି ହତ୍ୟାକାରୀ । ଅଭିଯୁକ୍ତକୁ ଧରିବାକୁ ପୋଲିସ ବିଭିନ୍ନ ସ୍ଥାନରେ ଛାନଭିନ ଚଳାଇଛି ।