ସମ୍ବଲପୁର ୨୬।୦୮ : ହୀରାକୁଦ୍ରେ କମୁଛି ଜଳସ୍ତର । ବର୍ତ୍ତମାନ ୨୦ଟି ଗେଟ୍ ଦେଇ ହୀରାକୁଦ୍ ଡ୍ୟାମ୍ରୁ ଜଳ ନିଷ୍କାସନ ଜାରି ରହିଛି । ଆଗକୁ ସ୍ଥିତି ଦେଖି ଗେଟ୍ ବନ୍ଦ କରାଯାଇପାରେ ବୋଲି ସୂଚନା ମିଳିଛି ।
ଖବର ଅନୁଯାୟୀ, ହୀରାକୁଦ ଜଳଭଣ୍ଡାରକୁ ବର୍ତ୍ତମାନ ପ୍ରତି ସେକେଣ୍ଡ ପିଛା ୩ ଲକ୍ଷ ୧୦ ହଜାର ୩୨୬ କ୍ୟୁସେକ୍ ଜଳ ପ୍ରବେଶ କରୁଥିବା ବେଳେ ପ୍ରତି ସେକେଣ୍ଡ ପିଛା ୩ ଲକ୍ଷ ୫୪ ହଜାର ୫୧୧ କ୍ୟୁସେକ ଜଳ ନିଷ୍କାସିତ ହେଉଛି। ହୀରାକୁଦ ଜଳସ୍ତର ଏବେ ସକାଳ ୬ଟା ସୁଦ୍ଧା ୬୨୧.୭୭ ଫୁଟ ରହିଛି । ବର୍ତ୍ତମାନ ୨୦ଟି ଗେଟ୍ ଦେଇ ଜଳ ନିଷ୍କାସନ ଜାରି ରହିଛି ।