ମୁମ୍ଵାଇ ୦୨।୧୦; ବଲିଉଡ୍ର ଗ୍ରୀକ୍ ଗଡ୍ ହ୍ରିତିକ ରୋଶନ । ସେ ତାଙ୍କ ପ୍ରୋଫେସନାଲ ଅପେକ୍ଷା ପର୍ସନାଲ ଲାଇଫ୍କୁ ଖୁବ୍ ଚର୍ଚ୍ଚାରେ ରୁହନ୍ତି। ଅଭିନେତା ଦୀର୍ଘ ଦିନ ଧରି ସବା ଆଜାଦଙ୍କୁ ଡେଟ କରୁଛନ୍ତି। ଦୁହେଁ ପ୍ରାୟତଃ ଏକାଠି ଅନେକ କାର୍ଯ୍ୟକ୍ରମରେ ନଜର ଆସନ୍ତି। ପ୍ରାୟତଃ ଦୁହେଁ ଛୁଟିଦିନ ମଧ୍ୟ କାଟିବାକୁ ଯାଆନ୍ତି। ଯାହାର ଫଟୋ ସୋସିଆଲ ମିଡିଆରେ ଦେଖିବାକୁ ମିଳେ। ଏହାରି ମଧ୍ୟରେ ଉଭୟ ନିଜ ସମ୍ପର୍କକୁ ଗ୍ରହଣ କରିବାକୁ କେବେ ବି ପଛଘୁଞ୍ଚା ଦିଅନ୍ତି ନାହିଁ। କହିବାକୁ ଗଲେ ସବା ହ୍ରିତିକଙ୍କ ଠାରୁ ୧୨ ବର୍ଷ ସାନ, ତଥାପି ଉଭୟଙ୍କ ମଧ୍ୟରେ ଚମତ୍କାର କେମେଷ୍ଟ୍ରି ଅଛି। ବର୍ତ୍ତମାନ ତିନି ବର୍ଷ ବିତିଗଲାଣି ଦୁହେଁ ରିଲେସନଶିପ୍ରେ ଅଛନ୍ତି। ବର୍ତ୍ତମାନ ଦୁହେଁ ଏକ ପୋଷ୍ଟ ସେୟାର କରିଛନ୍ତି। ଯାହାକୁ ଦେଖିବା ପରେ ଦ୍ୱନ୍ଦ୍ୱରେ ପଡ଼ିଯାଇଛନ୍ତି ୟୁଜର୍ସ।
ହ୍ରିତିକ ରୋଶନ ଏବଂ ସବା ଏବେ ଛୁଟି କାଟୁଛନ୍ତି। ଉଭୟ ନିଜ ଇନଷ୍ଟାଗ୍ରାମ ହ୍ୟାଣ୍ଡେଲରେ ସମାନ ଫଟୋ ସେୟାର କରିଛନ୍ତି। ହ୍ରିତିକ୍ ତାଙ୍କ ପୋଷ୍ଟର କ୍ୟାପସନ୍ ଦେଇଛନ୍ତି, ହାପି ଆନିଭର୍ସରି ପାର୍ଟନର । ଏହା ସହ ହାର୍ଟ ଇମୋଜି ଦେଇ ୧.୧୦.୨୦୨୪ ଲେଖିଛନ୍ତି। ଏହି ପୋଷ୍ଟରେ ଅଭିନେତାଙ୍କ ପୂର୍ବତନ ପତ୍ନୀ ସୁସେନ ଖାନ ନିଜର ପ୍ରତିକ୍ରିୟା ସେୟାର କରିଛନ୍ତି। ସେ ଲେଖିଛନ୍ତି, 'ସୁପର ଫଟୋ।' ହ୍ରିତିକଙ୍କ ଭଉଣୀ ପଶ୍ମିନା ଏବଂ ଫାଇଟରର କୋ ଷ୍ଟାର ବିବେକ ମଧ୍ୟ କମେଣ୍ଟ ଦେଇଛନ୍ତି। ସବା ତାଙ୍କ ଇନଷ୍ଟାଗ୍ରାମ ହ୍ୟାଣ୍ଡେଲରେ ସମାନ ଫଟୋ ସେୟାର କରି ଲେଖିଛନ୍ତି, 'ହାପି ୩ ଇୟର ପାର୍ଟନର।
ଦ୍ୱନ୍ଦ୍ୱରେ ପଡ଼ିଲେ ୟୁଜର୍ସ
ବର୍ତ୍ତମାନ ଲୋକମାନେ ଏହି ଆନିଭର୍ସରି ପୋଷ୍ଟ ଦେଖିବା ପରେ ଦ୍ୱନ୍ଦ୍ୱରେ ଅଛନ୍ତି । ଏହାକୁ ବିବାହ ସହିତ ଲିଙ୍କ୍ କରୁଛନ୍ତି । ଦୁହେଁ କେବେ ବିବାହ କରିଥିଲେ ଲୋକମାନେ ପ୍ରଶ୍ନ କରୁଛନ୍ତି। ହ୍ରିତିକ ରୋଶନଙ୍କ ଜଣେ ପ୍ରଶଂସକ ଲେଖିଛନ୍ତି, 'ତୁମେ କେବେ ବିବାହ କଲ?' ଆଉ ଜଣେ ଲେଖିଛନ୍ତି, 'ସେମାନେ ବିବାହିତ କି?' ଏପରି ଅନେକ ପ୍ରଶ୍ନ ସାମ୍ନାକୁ ଆସୁଛି । କିନ୍ତୁ କହିବାକୁ ଗଲେ ହ୍ରିତିକ ରୋଶନ ଏବଂ ସବା ଆଜାଦ ବିବାହିତ ନୁହଁନ୍ତି, ଉଭୟ ଏପର୍ଯ୍ୟନ୍ତ ରିଲେଶନସିପ୍ରେ ଅଛନ୍ତି। ଦୁହେଁ ତିନି ବର୍ଷର ଡେଟିଂ ପୂରା କରିଛନ୍ତି। ଯାହାକୁ ସେମାନେ ଏକାଠି ପାଳନ କରୁଛନ୍ତି ।