ପୋର୍ଟ ଅଫ ସ୍ପେନ ୨୦।୦୭ : ଗୁରୁବାର ଭାରତ-ଓ୍ୱେଷ୍ଟଇଣ୍ଡିଜ୍ ମଧ୍ୟରେ ୨ୟ ଟେଷ୍ଟ ମ୍ୟାଚ୍ । ଦୁଇ ଟିକିଆ ଟେଷ୍ଟ ସିରିଜ୍ରେ ପ୍ରଥମ ମ୍ୟାଚ୍ ଭାରତ ବିଜୟୀ ହୋଇସାରିଛି । ଟିମ୍ ଏବେ ସିରିଜ୍ରେ ୧-୦ରେ ଆଗୁଆ ରହିଛି । ଘରୋଇ ଦଳ ପାଇଁ ଏହି ମ୍ୟାଚ୍ ‘କର ବା ମର’ ପରିସ୍ଥିତି ସୃଷ୍ଟି କରିଛି । ବିଶ୍ୱ ଟେଷ୍ଟ ଚାମ୍ପିଅନ୍ସିପ୍ ଅଧିନରେ ଏହି ସିରିଜ ରହିଥିବାରୁ ଘରୋଇ ଦଳ ପଏଣ୍ଟ ଖାତା ଖେଲିବାକୁ ପ୍ରୟାସ କରିବ ।
ତେବେ ଉଭୟ ଟିମ୍ଙ୍କ ମଧ୍ୟରେ ଏହା ୧୦୦ ତମ ଟେଷ୍ଟ ମ୍ୟାଚ୍ । ୧୯୪୮ ମସିହାରେ ପ୍ରଥମ ଥର ପାଇଁ ଆରମ୍ଭ ହୋଇଥିଲା ଟେଷ୍ଟ ସିରିଜ୍ । ନୂଆଦିଲ୍ଲୀ ର ଫିରୋଜ ଶାହା କୋଟ୍ଲା ଗ୍ରାଉଣ୍ଡରେ ଖେଳାଯାଇଥିଲା ପ୍ରଥମ ଟେଷ୍ଟ । ଇତିମଧ୍ୟରେ ୭୫ ବର୍ଷ ବିତିସାରିଲାଣି । ଏକଦା କ୍ରିକେଟ୍ ଦୁନିଆର ସବୁଠୁ ଦୁର୍ଦ୍ଧର୍ଷ ଦଳ ବୋଲାଉଥିବା ୱେଷ୍ଟ ଇଣ୍ଡିଜ୍ ଦଳ ଗତ ୨୧ ବର୍ଷ ମଧ୍ୟରେ ଭାରତ ବିପକ୍ଷରେ ଗୋଟିଏ ହେଲେ ଟେଷ୍ଟ ଜିତିପାରି ନାହିଁ । ଉଭୟ ଦଳ ମଧ୍ୟରେ ଖେଳାଯାଇଥିବା ୯୯ଟି ଟେଷ୍ଟରୁ ୱେଷ୍ଟ ଇଣ୍ଡିଜ୍ ୩୦ଟି ଟେଷ୍ଟ ଜିତିଛି । ଭାରତ ୨୩ଟି ଟେଷ୍ଟରେ ବିଜୟୀ ହୋଇଥିବାବେଳେ ବାକି ୪୬ଟି ଟେଷ୍ଟ ଡ୍ର’ ରହିଛି । ୨୦୦୨ରେ ୱେଷ୍ଟ ଇଣ୍ଡିଜ୍ ଶେଷ ଥର ପାଇଁ ଭାରତ ବିପକ୍ଷରେ ଟେଷ୍ଟ ଜିତିଥିଲା ।
wp:embed {"url":"https://www.prameyanews7.com/most-hundreds-in-wtc-history/","type":"wp-embed","providerNameSlug":"prameya-news-7"} /wp:embedଭାରତ ଯୁବ ଖେଳାଳିଙ୍କୁ ଖେଳାଉଥିବାରୁ ଏଣିକି ଦ୍ରୁତ ବେଗରେ ରନ୍ ସଂଗୃହୀତ ହେବ । ଯଶସ୍ୱୀ ଜୈସ୍ୱାଲ, ଶୁଭମନ ଗିଲ, ଇଶାନ କିଷନ ପ୍ରମୁଖ ବିସ୍ଫୋରକ ବ୍ୟାଟିଂରେ ସିଦ୍ଧହସ୍ତ । ରୋହିତ ଶର୍ମା ମଧ୍ୟ ଆକ୍ରମଣାତ୍ମକ ବ୍ୟାଟିଂ କରିବାକୁ ପସନ୍ଦ କରନ୍ତି । ତେଣୁ ଦ୍ୱିତୀୟ ଟେଷ୍ଟରୁ ଭାରତ ମଧ୍ୟ ବିସ୍ଫୋରକ ବ୍ୟାଟିଂ କରିବା ଆଶା କରାଯାଉଛି । ପଦାର୍ପଣ କରିବେ ମାକେଞ୍ଜି, ସିନକ୍ଲେୟାର: ପ୍ରଥମ ଟେଷ୍ଟରେ ପରାଜିତ ହେବା ପରେ ଘରୋଇ ଦଳ ଦ୍ୱିତୀୟ ଟେଷ୍ଟ ପାଇଁ ଏକାଦଶରେ ପରିବର୍ତ୍ତନ କରିବ । ରେମନ ରିଫରଙ୍କ ସ୍ଥାନରେ କିର୍କ ମାକେଞ୍ଜି ପଦାର୍ପଣ କରିବା ସମ୍ଭାବନା ରହିଛି ।
ସେହିପରି ରହକିମ କର୍ଣ୍ଣୱାଲଙ୍କ ସ୍ଥାନରେ କେଭିନ ସିନକ୍ଲେୟାରଙ୍କୁ ସୁଯୋଗ ମିଳିପାରେ । କୁଇନ୍ସ ପାର୍କ ଓଭାଲ ଗ୍ରାଉଣ୍ଡ ପେସ୍ ବୋଲରଙ୍କୁ ସହାୟତା କରିବାର ରେକର୍ଡ ରହିଛି । ତେଣୁ ସାନନ ଗାବ୍ରିଏଲଙ୍କୁ ମଧ୍ୟ ଏକାଦଶରେ ସ୍ଥାନ ଦେବାକୁ ଟିମ ମ୍ୟାନେଜମେଣ୍ଟ ପ୍ରୟାସ କରିବ । ପେସ ବୋଲରଙ୍କୁ ସୁହାଇବ ପିଚ୍: ସ୍ଥାନୀୟ ପିଚ୍ ପାରମ୍ପରିକ ଭାବେ ପେସ୍ ବୋଲରଙ୍କୁ ସହାୟତା କରିବାର ରେକର୍ଡ ରହିଛି । ଭାରତୀୟ ବ୍ୟାଟରଙ୍କୁ ଅଟକାଇବା ପାଇଁ ୱେଷ୍ଟ ଇଣ୍ଡିଜ୍ ଏଠାରେ ପେସ୍ ବୋଲରଙ୍କୁ ସୁହାଇବା ଭଳି ପିଚ ପ୍ରସ୍ତୁତ କରିଛି ।
ସମ୍ଭାବ୍ୟ ଦଳ
ଭାରତ : ରୋହିତ ଶର୍ମା(ଅଧିନାୟକ), ଯଶସ୍ୱୀ ଜୈସ୍ୱାଲ, ଶୁଭମନ ଗିଲ୍, ବିରାଟ କୋହଲି, ଅଜିଙ୍କ୍ୟ ରାହାଣେ, ରବିନ୍ଦ୍ର ଜାଡେଜା, ଇଶାନ କିଷନ, ରବି ଚନ୍ଦ୍ରନ ଅଶ୍ୱିନ, ସର୍ଦୁଲ ଠାକୁର, ମହମ୍ମଦ ସିରାଜ, ଜୟଦେବ ଉନାକାତ ।
ୱେଷ୍ଟ ଇଣ୍ଡିଜ୍ : କ୍ରେଗ ବ୍ରାଥୱେଟ୍(ଅଧିନାୟକ), ତେଜନାରାୟଣ ଚନ୍ଦରପଲ୍, ଆଲିକ ଆଥାଞ୍ଜି, ଜର୍ମେନ ବ୍ଲାକଉଡ୍, କିର୍କ ମାକେଞ୍ଜି, ଜାସନ ହୋଲ୍ଡର, ଜୋଶୁଆ ଡା ସିଲଭା, ରହକିମ କର୍ଣ୍ଣୱାଲ୍/କେଭିନ ସିନକ୍ଲେୟାର, ଅଲଜାରୀ ଜୋଶେଫ, କିମାର ରୋଚ, ସାନନ ଗାବ୍ରିଏଲ୍/ଜୋମେଲ ୱାରିକାନ ।
wp:embed {"url":"https://www.prameyanews7.com/ajit-agarkar-will-be-traveling-to-the-west-indies/","type":"wp-embed","providerNameSlug":"prameya-news-7"} /wp:embed