ନୂଆଦିଲ୍ଲୀ: ବିଶ୍ୱରେ ଭାରତ ହେବ ଖେଳଣାର ହବ୍। ଅର୍ଥମନ୍ତ୍ରୀ ନିର୍ମଳା ସୀତାରମଣ ଭାରତରେ ଖେଳଣା ନିର୍ମାଣ ଏବଂ ଉତ୍ପାଦନକୁ ପ୍ରୋତ୍ସାହିତ କରିବାକୁ ଘୋଷଣା କରିଛନ୍ତି। ଏବେ ସାରା ଦେଶରେ ଖେଳଣା ଶିଳ୍ପକୁ ପ୍ରୋତ୍ସାହନ ମିଳିବ। ଦେଶର ମେକ୍ ଇନ୍ ଇଣ୍ଡିଆ ଖେଳଣା ଏବେ ସମଗ୍ର ବିଶ୍ୱର ଖେଳଣା ବଜାରରେ ରାଜ କରିବ। ଭାରତର ଏହି ଘୋଷଣା ପରେ ଏବେ ଚୀନ ପାଇଁ ବଡ଼ ଟେନସନ୍। ଏପର୍ଯ୍ୟନ୍ତ ଚୀନ୍ ବିଶ୍ୱର ସବୁଠାରୁ ବଡ଼ ଖେଳଣା ଉତ୍ପାଦନକାରୀ ଦେଶ। ସାରା ବିଶ୍ୱରେ ଖେଳଣା ବଜାରରେ ଚୀନର ଏକ ଦୃଢ଼ ଉପସ୍ଥିତି ରହିଛି। କିନ୍ତୁ ଏବେ ଭାରତ ଖେଳଣା ବଜାରରେ ଚୀନର ପ୍ରାଧାନ୍ୟକୁ ହ୍ରାସ କରିବାକୁ ଯାଉଛି। ମୋଦି ସରକାର ଭାରତକୁ ବିଶ୍ୱର ଖେଳଣା କେନ୍ଦ୍ର କରିବାକୁ ଘୋଷଣା କରିଛନ୍ତି।
ବିଶ୍ୱରେ ଖେଳଣା ବଜାର କେତେ ବଡ଼?
ବର୍ତ୍ତମାନ ସାରା ବିଶ୍ୱରେ ଖେଳଣା ବଜାରର ମୂଲ୍ୟ ପ୍ରାୟ ୧୦୫ ବିଲିୟନ ଆମେରିକୀୟ ଡଲାର। ଯଦି ଆମେ ଏହାକୁ ଭାରତୀୟ ଟଙ୍କାରେ ଆକଳନ କରିବା, ତେବେ ଏହା ପ୍ରାୟ 8 ଲକ୍ଷ କୋଟି ଟଙ୍କାରେ ପହଞ୍ଚିବ। ଏବେ ବିଶ୍ୱବ୍ୟାପୀ ଖେଳଣା ବଜାର ୨୦୨୫ ସୁଦ୍ଧା $131 ରୁ $135 ବିଲିୟନକୁ ବୃଦ୍ଧି ପାଇବାର ଆଶା କରାଯାଉଛି। ଏପରି ପରିସ୍ଥିତିରେ, ଭାରତକୁ ବିଶ୍ୱ ଖେଳଣା ବଜାରରେ କବଜା କରିବା ଉଦ୍ଦେଶ୍ୟରେ, ପ୍ରଧାନମନ୍ତ୍ରୀ ମୋଦି ବଜେଟରେ ଦେଶକୁ ଖେଳଣାର ଏକ ବିଶ୍ୱ କେନ୍ଦ୍ର କରିବାକୁ ଘୋଷଣା କରିଛନ୍ତି। ଯାହା ଦ୍ଵାରା ଭାରତ ମଧ୍ୟ ବିଶ୍ୱର ବଢୁଥିବା ଖେଳଣା ବଜାରର ଲାଭ ଉଠାଇପାରିବ ଏବଂ ଚୀନର ପ୍ରାଧାନ୍ୟକୁ ଚ୍ୟାଲେଞ୍ଜ କରିପାରିବ।
ଭାରତ ଏବେ କେତେ ଖେଳଣା ଆମଦାନୀ ଏବଂ ରପ୍ତାନି କରୁଛି?
ଭାରତ ସରକାରଙ୍କ ଅର୍ଥ ମନ୍ତ୍ରଣାଳୟର ତଥ୍ୟ ଅନୁଯାୟୀ, ୨୦୨୩-୨୪ ମସିହାରେ ମୋଟ ବିଶ୍ୱ ଖେଳନା ବଜାରରେ ଦେଶର ଖେଳନା ରପ୍ତାନି ପ୍ରାୟ ୧୫୦ ନିୟୁତ ଆମେରିକୀୟ ଡଲାର ଥିଲା। କେବଳ ଭାରତରେ ଖେଳଣା ବଜାରର ମୂଲ୍ୟ ପ୍ରାୟ ୧୬ ହଜାର କୋଟି ଟଙ୍କା। ଏଥିମଧ୍ୟରୁ କେବଳ 25 ପ୍ରତିଶତ ଖେଳଣା ସ୍ୱଦେଶୀ। ବାକି ଖେଳଣାଗୁଡ଼ିକ ଚୀନ୍ ଭଳି ଦେଶରୁ ଆମଦାନୀ କରାଯାଏ। ଏବେ ୨୦୨୫ ବଜେଟରେ ଭାରତର ଏହି ଘୋଷଣା ସହିତ, ଆମ ଦେଶର ବଜାରରେ ସ୍ୱଦେଶୀ ଖେଳଣା ବୃଦ୍ଧି କରିବା ଉପରେ ମଧ୍ୟ ଧ୍ୟାନ ଦିଆଯାଇଛି। ବର୍ତ୍ତମାନ, ଭାରତରେ ୭୦ ପ୍ରତିଶତ ଖେଳଣା ଚୀନରୁ ଆମଦାନୀ ହେଉଛି। କିନ୍ତୁ ଖୁବ ଶୀଘ୍ର ବଦଳିବ ସମୟ, ଯେତେବେଳେ ଦେଶରେ ସମ୍ପୂର୍ଣ୍ଣ ସ୍ୱଦେଶୀ ଖେଳଣା ବିକ୍ରି ହେବ। କେବଳ ଏତିକି ନୁହେଁ, ଭାରତ ସାରା ବିଶ୍ୱର ବଜାରରେ ଚୀନର ଖେଳଣା ବଜାରକୁ ଚ୍ୟାଲେଞ୍ଜ କରୁଥିବାର ଦେଖାଯିବ।
