ପୋର୍ଟ ଅଫ ସ୍ପେନ,୨୨/୭: ରୋମାଞ୍ଚକର ସ୍ଥିତିରେ ୱେଷ୍ଟଇଣ୍ଡିଜ-ଇଣ୍ଡିଆ ଦ୍ବିତୀୟ ଟେଷ୍ଟ । ପ୍ରଥମ ଇନିଂସରେ ଟିମ୍ ଇଣ୍ଡିଆ ୪୩୮ ପରେ ଲଢୁଆ ବ୍ୟାଟିଂ ପ୍ରଦର୍ଶନ ଦେଖାଇଛି ଘରୋଇ ଦଳ । କ୍ରେଗ ବ୍ରାଥ୍ୱେଟ୍ଙ୍କ ଅର୍ଦ୍ଧଶତକ ବଳରେ କାରବିୟାନ ଦଳ ୫ ଓ୍ବିକେଟ୍ ହରାଇ ୨୨୬ ରନ୍ ସଂଗ୍ରହ କରିଛି । ଦଳ ପକ୍ଷରୁ ଆଲିକ ଆଥାଞ୍ଜି ୩୫ ଓ ଜାସନ ହୋଲ୍ଡର ୧୧ ରନ୍ କରି ଅପରାଜିତ ରହିଛନ୍ତି । ତୃତୀୟ ଦିବସରେ ବର୍ଷା ବାଧକ ସାଜିଥିଲା । ବର୍ଷା ଯୋଗୁ ୨ଥର ଖେଳ ସ୍ଥଗିତ ରହିଥିଲା । ଭାରତ ପକ୍ଷରୁ ପଦାର୍ପଣ ମ୍ୟାଚ୍ ଖେଳୁଥିବା ଯୁବ ପେସ୍ ବୋଲର ମୁକେଶ କୁମାର ପ୍ରଥମ ୱିକେଟ୍ ହାସଲ କରିବାରେ ସଫଳ ହୋଇଛନ୍ତି ।
wp:embed {"url":"https://www.prameyanews7.com/bajrang-vinesh-can-participate-in-asian-games-without-trials/","type":"wp-embed","providerNameSlug":"prameya-news-7"}ତୃତୀୟ ଦିବସରେ ୱେଷ୍ଟ ଇଣ୍ଡିଜ୍ ଅସମାପ୍ତ ପ୍ରଥମ ଇନିଂସ ୧/୮୬ ରନ୍ରୁ ବ୍ୟାଟିଂ ଆରମ୍ଭ କରିଥିଲା । ପୂର୍ବ ଦିନରୁ ଅପରାଜିତ ଥିବା ବ୍ରାଥ୍ୱେଟ୍ ଓ କିର୍କ ମାକେଞ୍ଜି ସତର୍କତାର ସହ ଭାରତୀୟ ବୋଲରଙ୍କ ସାମ୍ନା କରିଥିଲେ । ପ୍ରଥମ ୧୦ ଓଭରରେ ଉଭୟ ୩୧ ରନ୍ ସଂଗ୍ରହ କରିଥିଲେ । ଦିବସର ୧୧ତମ ଓଭରରେ ମୁକେଶ ଯୋଡି ଭାଙ୍ଗିଥିଲେ । ମାକେଞ୍ଜି ବ୍ୟକ୍ତିଗତ ୩୨ ରନ୍ କରି ୱିକେଟ୍ କିପରଙ୍କ ହାତରେ କ୍ୟାଚ୍ ଆଉଟ୍ ହୋଇଥିଲେ । ମାକେଞ୍ଜିଙ୍କ ୱିକେଟ୍ର ପତନ ସହ ବର୍ଷା ଆରମ୍ଭ ହୋଇ ଯାଇଥିଲା । ପରେ ବ୍ରାଥ୍ୱେଟଙ୍କ ସହ ଜର୍ମେନ ବ୍ଲାକଉଡ୍ କ୍ରିଜ୍ରେ ଯୋଗ ଦେଇ ଦଳୀୟ ସ୍କୋରକୁ ଆଗେଇ ନେଇଥିଲେ । ଉଭୟ ୪୦ ରନ୍ର ଭାଗିଦାରୀ ଗଢିଥିଲେ । ବ୍ରାଥ୍ୱେଟ୍ ଅର୍ଦ୍ଧଶତକ ଅର୍ଜନ କରିଥିଲେ । ଦଳୀୟ ସ୍କୋର ୧୫୭ ବେଳେ ଅଶ୍ୱିନଙ୍କ ବଲ୍ର ଶିକାର ହୋଇଥିଲେ ବ୍ରାଥ୍ୱେଟ୍ । ସେହିପରି ୨୦୮ ରନରେ ଘରୋଇ ଦଳ ପଞ୍ଚମ ଓ୍ବିକେଟ୍ ହରାଥିଲା ।
