ନୂଆଦିଲ୍ଲୀ: ମାର୍ଚ୍ଚ ୨୨ ତାରିଖରୁ ଇଣ୍ଡିଆ ପ୍ରିମିୟର ଲିଗ୍ ଆରମ୍ଭ ହେଉଛି । ସିଜିନ୍ ଆରମ୍ଭ ହେବାର ଗୋଟିଏ ସପ୍ତାହ ପୂର୍ବରୁ ଆଇପିଏଲକୁ ନେଇ ବଡ଼ ଖବର ସାମ୍ନାକୁ ଆସିଛି । ଦିଲ୍ଲୀ କ୍ୟାପିଟାଲ୍ସ ନିଜର ଅଧିନାୟକଙ୍କ ନାଁ ଘୋଷଣା କରିଛି । ଆଇପିଏଲ-୨୦୨୫ ସିଜିନରେ ଅଲରାଉଣ୍ଡର ଅକ୍ଷର ପଟେଲ ଦିଲ୍ଲୀ କ୍ୟାପିଟାଲ୍ସର ନେତୃତ୍ବ ନେବେ ।
ଦିଲ୍ଲୀ କ୍ୟାପିଟାଲ୍ସର ନିଲାମୀ ବେଳେ କେଏଲ୍ ରାହୁଲ ଦିଲ୍ଲୀ କ୍ୟାପିଟାଲ୍ସର ଅଧିନାୟକ ହେବେ ବୋଲି ଆଶା କରାଯାଉଥିଲା । କାରଣ ଡିସି ରିଷଭ ପନ୍ତଙ୍କୁ ରିଲିଜ୍ କରିବା ପରେ ରାହୁଲଙ୍କୁ ୧୪ କୋଟି ଟଙ୍କାରେ କିଣିଥିଲା । ମାତ୍ର ଆଇପିଏଲ୍ ସିଜିନ୍ ଆରମ୍ଭ ହେବାର ଗୋଟିଏ ସପ୍ତାହ ପୂର୍ବରୁ ଅକ୍ଷର ପଟେଲକୁ ଅଧିନାୟକ ଭାବେ ଘୋଷଣା କରିଛି । ଅକ୍ଷର ଟି-୨୦ କ୍ରିକେଟରେ ୧୬ରୁ ୨୦ଟି ମ୍ୟାଚରେ ବରୋଦାର ନେତୃତ୍ବ ନେଇଛନ୍ତି । ଏଥିରୁ ସେ ୧୦ଟି ମ୍ୟାଚରେ ଜିତ୍ ହାସଲ କରିଛନ୍ତି ।
ଗତ ବର୍ଷ ଆଇପିଏଲରେ ଏମ. ଚିନ୍ନସ୍ବାମୀ ଷ୍ଟାଡିୟମରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ବିରୋଧରେ ଦିଲ୍ଲୀ କ୍ୟାପିଟାଲ୍ସ ଅଧିନାୟକ ହୋଇଛନ୍ତି । ଏହି ମ୍ୟାଚରେ ଦିଲ୍ଲୀ ୪୭ ରନରେ ପରାସ୍ତ ହୋଇଥିଲା । ଅଧିନାୟକ ଭାବେ ଅକ୍ଷର ପଟେଲ ଟି-୨୦ ମ୍ୟାଚରେ ୩୬.୪୦ ହାରରେ ୩୬୪ ରନ ସଂଗ୍ରହ କରିଥିଲେ । ସେହିପରି ଅଧିନାୟକ ଭାବେ ଅକ୍ଷର ପଟେଲ ୨୯.୦୭ ହାରରେ ୧୩ଟି ଓ୍ବିକେଟ୍ ହାସଲ କରିଛନ୍ତି ।
ଅଧିନାୟକ ହେବା ଅକ୍ଷର ପଟେଲ୍ କହିଛନ୍ତି, ଦିଲ୍ଲୀ କ୍ୟାପିଟାଲ୍ସର ନେତୃତ୍ବ ନେବା ବହୁତ ସମ୍ମାନ ଜନକ କଥା । ଦିଲ୍ଲୀ ଫ୍ରାଞ୍ଚାଇଜ୍ ତାଙ୍କ ଉପରେ ଭରସା କରିଥିବାରୁ ସେ କୃତଜ୍ଞତା ଜଣାଇଛନ୍ତି । ଦିଲ୍ଲୀ କ୍ୟାପିଟାଲ୍ସର ନେତୃତ୍ବ ନେବା ଖୁସିର କଥା, ଏଥିପାଇଁ ସେ ପ୍ରସ୍ତୁତ ଅଛନ୍ତି ବୋଲି ଅକ୍ଷର ପଟେଲ୍ କହିଛନ୍ତି ।
ଦିଲ୍ଲୀ କ୍ୟାପିଟାଲ୍ସ ସ୍କ୍ବାର୍ଡ: ଅକ୍ଷର ପଟେଲ୍ (ଅଧିନାୟକ), କୁଲଦୀପ ଯାଦବ, ଟ୍ରିଷ୍ଟନ ଷ୍ଟବ୍ସ, ଅଭିଷେକ ପୋରେଲ୍, ମିଚେଲ୍ ଷ୍ଟାକ୍, କେଏଲ୍ ରାହୁଲ, ଜୈକ୍ ଫ୍ରେଜର-ମୈକଗର୍କ, ଟି. ନଟରାଜନ, କରୁଣ ନାୟର, ସମୀର ରିଜବୀ, ଅଶୁତୋଷ ଶର୍ମା, ମୋହିତ ଶର୍ମା, ଫାଫ୍ ଡୁ ପ୍ଲେସି, ମୁକେଶ କୁମାର, ଦର୍ଶନ ନାଲକଣ୍ଡେ, ବିପ୍ରଜ ନିଗମ, ଦୁଷ୍କନ୍ଥା ଚାମିରା, ଡୋନଓ୍ବନ ଫରେରା, ଅଜୟ ମଣ୍ଡଳ, ମାନବନ୍ତ କୁମାର, ତ୍ରିପୁରାନା ବିଜୟ, ମାଧବ ତିଓ୍ବାରୀ ।...
