ନୂଆଦିଲ୍ଲୀ ୦୧।୦୪; ଏପ୍ରିଲ୍ ୧ରେ ଲୋକମାନେ ପରସ୍ପରକୁ ବୋକା ବନେଇ ଥାଆନ୍ତି। କିନ୍ତୁ ଇତିହାସରେ ଏହି ଦିନ ଅନେକ ଗୁରୁତ୍ୱପୂର୍ଣ୍ଣ ଘଟଣା ମଧ୍ୟ ଘଟିଛି । ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆର ପ୍ରତିଷ୍ଠା  ଓ ଆମେରିକାରେ ଆପଲ୍ କମ୍ପାନୀର ଶୁଭାରମ୍ଭ ଏହି ଦିନ ଯୋଡି ହୋଇ ରହିଛି। ଭାରତୀୟ ରିଜର୍ଭ ବ୍ୟାଙ୍କ  ୧ ଏପ୍ରିଲ ୧୯୩୫ରେ ପ୍ରତିଷ୍ଠିତ ହୋଇଥିଲା । ୧ ଜାନୁଆରୀ ୧୯୪୯ରେ ଜାତୀୟକରଣ କରାଯାଇଥିଲା। ଏହା ଭାରତୀୟ କେନ୍ଦ୍ରୀୟ ବ୍ୟାଙ୍କିଙ୍ଗ ବ୍ୟବସ୍ଥାର ଏକ ଗୁରୁତ୍ୱପୂର୍ଣ୍ଣ ଅଂଶ ଏବଂ ଏହାର ଆଞ୍ଚଳିକ କାର୍ଯ୍ୟାଳୟ ଗୁଡ଼ିକ ନୂଆଦିଲ୍ଲୀ, ମୁମ୍ବାଇ, କୋଲକାତା ଏବଂ ଚେନ୍ନାଇରେ ଅବସ୍ଥିତ।

ଆମେରିକୀୟ କମ୍ପାନୀ ଆପଲ୍ ର କାହାଣୀ ଏକ ପରିକଥା ଠାରୁ କମ୍ ନୁହେଁ । ଏପ୍ରିଲ ୧, ୧୯୭୬ରେ, ଷ୍ଟିଭ ଜବ୍ସ , ଷ୍ଟିଭ ୱୋଜନାଇକ ଏବଂ ରୋନାଲ୍ଡ ୱେନ କାଲିଫର୍ଣ୍ଣିଆରେ ଆପଲ ଇଙ୍କ ପ୍ରତିଷ୍ଠା କରିଥିଲେ । ପ୍ରାରମ୍ଭରେ କମ୍ପାନୀର ନାମ ଥିଲା 'ଆପଲ୍ କମ୍ପ୍ୟୁଟର' କିନ୍ତୁ ଜାନୁଆରୀ ୯, ୨୦୦୭ ରେ 'କମ୍ପ୍ୟୁଟର' ଶବ୍ଦକୁ ହଟାଇ ଦିଆଗଲା । ସେହି ସମୟରେ ଷ୍ଟିଭ ଜବ୍ସ ପ୍ରଥମ ଆଇଫୋନ୍ ଲଞ୍ଚ କଲେ। ଅଳ୍ପ ସମୟ ମଧ୍ୟରେ, ଆପଲ୍ ରାଜସ୍ୱ ଦୃଷ୍ଟିରୁ ବିଶ୍ୱର ସର୍ବବୃହତ ସୂଚନା ପ୍ରଯୁକ୍ତିବିଦ୍ୟା କମ୍ପାନୀ ହେଲା ଏବଂ ସ୍ମାର୍ଟଫୋନ୍ ଉତ୍ପାଦନ କ୍ଷେତ୍ରରେ ମଧ୍ୟ ନିଜର ସ୍ୱତନ୍ତ୍ର ପରିଚୟ ସୃଷ୍ଟି କଲା ।

୧ ଏପ୍ରିଲର ପ୍ରମୁଖ ଘଟଣା 

୧୫୮୨: ଫ୍ରାନ୍ସରେ ଏହି ଦିନ ମୂର୍ଖ ଦିବସ ଭାବରେ ପାଳନ ହେଲା।

୧୭୯୩: ଜାପାନରେ ସେନସାନ୍ ଆଗ୍ନେୟଗିରି ବିସ୍ଫୋରଣ ହେବାପରେ ପ୍ରାୟ ୫୩,୦୦୦ ଲୋକ ପ୍ରାଣ ହରାଇଥିଲେ।

୧୮୬୯: ଏକ ନୂତନ ଛାଡପତ୍ର ନିୟମ ଲାଗୁ ହେଲା ।

୧୮୮୨: ଡାକ ସଞ୍ଚୟ ବ୍ୟାଙ୍କ ସିଷ୍ଟମର ଆରମ୍ଭ ।

୧୯୧୨: ଭାରତର ରାଜଧାନୀ କୋଲକତାରୁ ଦିଲ୍ଲୀକୁ ଆନୁଷ୍ଠାନିକ ଭାବରେ ସ୍ଥାନାନ୍ତରିତ କରାଗଲା।

୧୯୩୦: ବିବାହ ପାଇଁ ସର୍ବନିମ୍ନ ବୟସ ଝିଅମାନଙ୍କ ପାଇଁ ୧୪ ବର୍ଷ ଏବଂ ପୁଅମାନଙ୍କ ପାଇଁ ୧୮ ବର୍ଷ ସ୍ଥିର କରାଯାଇଥିଲା |

୧୯୩୫: ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ ପ୍ରତିଷ୍ଠା ।

୧୯୩୫: ଭାରତୀୟ ଡାକ ଅର୍ଡର ଆରମ୍ଭ 

୧୯୩୬: ଓଡ଼ିଶା ରାଜ୍ୟ ପ୍ରତିଷ୍ଠା ।

୧୯୩୭: ପୂର୍ବତନ ଉପରାଷ୍ଟ୍ରପତି ହମିଦ ଅନସାରୀଙ୍କ ଜନ୍ମ ।

୧୯୫୪: ସୁବ୍ରତ ମୁଖାର୍ଜୀଙ୍କୁ ଭାରତୀୟ ବାୟୁସେନାର ପ୍ରଥମ ମୁଖ୍ୟ ଭାବରେ ନିଯୁକ୍ତ କରାଯାଇଥିଲା।

୧୯୫୬: କମ୍ପାନୀର ଅଧିନିୟମ ଲାଗୁ ହେଲା ।

୧୯୭୩: ଜିମ୍ କର୍ବେଟ୍ ନ୍ୟାସନାଲ ପାର୍କରେ ବାଘ ସଂରକ୍ଷଣ ପ୍ରକଳ୍ପ ଆରମ୍ଭ ହୋଇଥିଲା ।

୧୯୭୬: ଟେଲିଭିଜନ୍ ପାଇଁ ଏକ ପୃଥକ ନିଗମ ପ୍ରତିଷ୍ଠା କରାଯାଇଥିଲା। ଯାହାର ନାମ ଦୁରଦର୍ଶନ ଦିଆଗଲା।

୧୯୭୬: ଷ୍ଟିଭ ଜବ୍ସ ଏବଂ ତାଙ୍କ ସାଙ୍ଗମାନେ ଆପଲ୍ କମ୍ପାନୀ ପ୍ରତିଷ୍ଠା କଲେ ।

୧୯୭୮: ଭାରତର ଷଷ୍ଠ ପାଞ୍ଚ ବର୍ଷର ଯୋଜନା ଆରମ୍ଭ ।

୧୯୭୯: ଇରାନ ଇସଲାମିକ୍ ରିପବ୍ଲିକ୍ ପ୍ରତିଷ୍ଠା କଲା ।

୧୯୯୨: ଅଷ୍ଟମ ପାଞ୍ଚ ବର୍ଷ ଯୋଜନା ଆରମ୍ଭ ହୋଇଥିଲା ।

୨୦୦୪: ଗୁଗୁଲ୍ Gmail ସେବା ଘୋଷଣା ହୋଇଥିଲା।

୨୦୧୦: ଦେଶରେ ୧୫ ତମ ଜନଗଣନା କାର୍ଯ୍ୟ ରାଷ୍ଟ୍ରପତି ପ୍ରତୀଭା ସିଂ ପାଟିଲଙ୍କ ସହ ଆରମ୍ଭ ହୋଇଥିଲା।

୨୦୨୧: ଅଭିନେତା ରଜନୀକାନ୍ତଙ୍କୁ ଦାଦାସାହେବ ଫାଲକେ ପୁରସ୍କାରରେ ସମ୍ମାନିତ କରିବାକୁ ଘୋଷଣା କରାଯାଇଥିଲା ।

୨୦୨୨: ୧୯୯୦ ମସିହାରୁ ରାଜ୍ୟସଭାରେ ଶହେ ସଦସ୍ୟ ପାଇବାରେ ବିଜେପି ପ୍ରଥମ ଦଳ ହେବାର ରେକର୍ଡ ସୃଷ୍ଟି କରିଛି।