କୋଲକାତା: ଆନ୍ଦୋଳନରୁ ହଟିଲେ ଜୁନିଅର ଡାକ୍ତର। ଆରଜି କର ମେଡିକାଲ କଲେଜରେ ଦୀର୍ଘ ୪୧ ଦିନ ଧରି ଚାଲିଥିବା ଆନ୍ଦୋଳନରୁ ହଟିଛନ୍ତି ଜୁନିଅର ଡାକ୍ତର। ଶନିବାର କାର୍ଯ୍ୟରେ ଯୋଗଦେବେ ବୋଲି ସୂଚନା ମିଳିଛି।
କୋଲକାତାର ସ୍ୱାସ୍ଥ୍ୟ ମୁଖ୍ୟାଳୟ ସମ୍ମୁଖରେ ଜୁନିଅର ଡାକ୍ତରଙ୍କ ବିରୋଧ ଶୁକ୍ରବାର (ସେପ୍ଟେମ୍ବର 20) ରୁ ପ୍ରତ୍ୟାହାର କରାଯିବ। ଆନ୍ଦୋଳନକାରୀ ଡାକ୍ତରମାନେ ଶୁକ୍ରବାର (20 ସେପ୍ଟେମ୍ବର) ଶେଷ ବିରୋଧ ପ୍ରଦର୍ଶନ କରିବେ ଏବଂ ଏହା ପରେ ସେମାନେ ପରଦିନ ଶନିବାର (21 ସେପ୍ଟେମ୍ବର) କାର୍ଯ୍ୟକୁ ଫେରିବେ।
ଜୁନିୟର ଡକ୍ଟର କହିଛନ୍ତି ଯେ ବିରୋଧର ୪୧ ତମ ଦିନରେ ପଶ୍ଚିମବଙ୍ଗ ଜୁନିଅର ଡାକ୍ତର ଫ୍ରଣ୍ଟ କହିବାକୁ ଚାହିଁବ ଯେ ଆମର ଆନ୍ଦୋଳନ ସମୟରେ ଆମେ ଅନେକ କିଛି ଦାବି ହାସଲ କରିଛୁ, କିନ୍ତୁ ଅନେକ ଜିନିଷ ଏପର୍ଯ୍ୟନ୍ତ ହାସଲ ହୋଇପାରି ନାହିଁ। "ଆମେ କୋଲକାତା ପୋଲିସ କମିଶନର ଏବଂ ସ୍ୱାସ୍ଥ୍ୟ ସଚିବଙ୍କୁ ଇସ୍ତଫା ଦେବାକୁ ବାଧ୍ୟ କରିଛୁ।
କୋଲକାତାର ଆର.ଜି କର ମେଡିକାଲ କଲେଜରେ ଜୁନିଅର ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା ମାମଲାରେ ନ୍ୟାୟ ଦାବି କରି ହଜାର ହଜାର ଜୁନିଅର ଡାକ୍ତର କୋଲକାତାରେ ବିରୋଧ କରୁଥିଲେ। ଶେଷରେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ବୈଠକ ହୋଇଥିଲା। ଡାକ୍ତରଙ୍କ ପ୍ରମୁଖ ସର୍ତ୍ତ ପୂରଣ ନେଇ ପ୍ରତିଶ୍ରୁତି ଦେଇଥିଲେ।
ଅଗଷ୍ଟ ୮ ତାରିଖରେ ଆରଜି କର ମେଡିକାଲ କଲେଜ ଏବଂ ହସ୍ପିଟାଲରେ ମହିଳା ଟ୍ରେନି ଡାକ୍ତରଙ୍କୁ ଦୁଷ୍କର୍ମ ଏବଂ ହତ୍ୟା ହୋଇଥିଲା । ଏହି ମାମଲାରେ ସିବିଆଇ ମୁଖ୍ୟ ଅଭିଯୁକ୍ତ ସଞ୍ଜୟ ରୟକୁ ଗିରଫ କରିଛି । ଏହାଛଡ଼ା ଅର୍ଥ ହେରଫେର ମାମଲା ଓ ପ୍ରମାଣ ନଷ୍ଟ କରିବା ଅଭିଯୋଗରେ ଜଣେ ହସ୍ପିଟାଲର ପୂର୍ବତନ ପ୍ରିନ୍ସିପାଲ ଏବଂ ଜଣେ ପୋଲିସ ଅଧିକାରୀଙ୍କୁ ସିବିଆଇ ବାନ୍ଧିଛି।