ଚେନ୍ନାଇ ୧୨।୨: ଲାର୍ସନ ଆଣ୍ଡ ଟୁବ୍ରୋ (ଏଲ ଆଣ୍ଡ ଟି) ଚେୟାରମ୍ୟାନ ଏସ.ଏନ.ସୁବ୍ରମଣ୍ୟନ ପୁଣି ଥରେ ବିବାଦକୁ ଆସିଛନ୍ତି। ଏଥର ସେ ଶ୍ରମିକ ସେମାନଙ୍କ ଗୃହ ନଗର ଛାଡୁ ନଥିବାର ଟିପ୍ପଣୀ କରିଛନ୍ତି। ସେ କହିଛନ୍ତି ସରକାରୀ ଯୋଜନାମାନଙ୍କ କାରଣରୁ ଲୋକେ ସେମାନଙ୍କ ଘର ଛାଡୁ ନାହାନ୍ତି। ‘ଭାରତରେ ଶ୍ରମିକ କାମ କରିବାକୁ ପ୍ରସ୍ତୁତ ନୁହନ୍ତି’। ନିକଟରେ ସେ ୯୦ ଘଣ୍ଟାର କାର୍ଯ୍ୟ ସପ୍ତାହ ସପକ୍ଷରେ ଓକିଲାତି କରିଥିଲେ। ଏହା ପରେ ତାଙ୍କୁ ସାରା ଦେଶରେ ସମାଲୋଚନାର ଶରବ୍ୟ ହେବାକୁ ପଡିଥିଲା।
ସୁବ୍ରମଣ୍ୟନ ଚେନ୍ନାଇରେ ଚାଲିଥିବା ସିଆଇଆଇର ‘ମିଷ୍ଟିକ୍ ସାଉଥ ଗ୍ଲୋବାଲ ଲିଙ୍କେଜ ସମ୍ମିଟ-୨୦୨୫’କୁ ସମ୍ବୋଧିତ କରି ନିର୍ମାଣ ଉଦ୍ୟୋଗ ଲାଗି ଶ୍ରମିକ ମିଳିବା କଷ୍ଟକର କାରଣ ସେମାନେ ଆରାମ କାରଣରୁ ଗୃହନଗରରୁ ଯାତ୍ରା କରିବାକୁ ଆଗ୍ରହୀ ହେଉ ନାହାନ୍ତି ବୋଲି କହିଛନ୍ତି। ସେ କହିଛନ୍ତି ଯେ ମନରେଗା, ପ୍ରତ୍ୟକ୍ଷ ଲାଭ ହସ୍ତାନ୍ତରଣ (ଡିବିଟି) ଓ ଜନଧନ ଖାତା ଭଳି ଯୋଜନା ଯୋଗୁ ଶ୍ରମିକ ସଂଗ୍ରହ ଉପରେ ପ୍ରଭାବ ପଡୁଛି।
ଅବସର ନିମନ୍ତେ ଶ୍ରମିକ ଆଗକୁ ବଢିବାକୁ ପ୍ରସ୍ତୁତ ନୁହନ୍ତି
ସେ କହିଛନ୍ତି ଯେ ‘ଶ୍ରମିକ ଅବସର ନିମନ୍ତେ ଆଗକୁ ବଢିବାକୁ ପ୍ରସ୍ତୁତ ନୁହନ୍ତି। ହୋଇପାରେ ସେମାନଙ୍କ ସ୍ଥାନୀୟ ଅର୍ଥ ବ୍ୟବସ୍ଥା ଭଲ ହୋଇ ଥାଇପାରେ, ହୁଏତ ଏହା ବିଭିନ୍ନ ସରକାରୀ ଯୋଜନା କାରଣରୁ ମଧ୍ୟ ହୋଇପାରେ’ । ସେ କହିଛନ୍ତି ଯେ ଶ୍ରମିକଙ୍କ ଅଭାବ ଯୋଗୁ ଭାରତର ଭିତ୍ତିଭୂମି ନିର୍ମାଣ ଉପରେ ପ୍ରଭାବ ପଡିବ।
୪ଲକ୍ଷ ସ୍ଥାନରେ ୧୬ଲକ୍ଷଙ୍କୁ ନିଯୁକ୍ତି
ସୁବ୍ରମଣ୍ୟନ କହିଛନ୍ତି ଯେ ଭାରତକୁ ପ୍ରବାସର ଅଜବ ପ୍ରକାର ସମସ୍ୟାର ସମ୍ମୁଖୀନ ହେବାକୁ ପଡୁଛି। ସେ କହିଛନ୍ତି ଯେ ଏଲ ଆଣ୍ଡ ଟିକୁ ୪ ଲକ୍ଷ କର୍ମଚାରୀଙ୍କ ଆବଶ୍ୟକତା ରହିଛି। ହେଲେ ଆମକୁ ୧୬ ଲକ୍ଷ କର୍ମଚାରୀଙ୍କୁ ନିଯୁକ୍ତ କରିବାକୁ ପଡୁଛି। ସେ ମୁଦ୍ରାସ୍ପିତି ଅନୁରୂପ ଶ୍ରମିକଙ୍କ ଲାଗି ବେତନରେ ସଂଶୋଧନର ଆବଶ୍ୟକତା ଉପରେ ଗୁରୁତ୍ୱ ଦେଇଛନ୍ତି। ସେ କହିଛନ୍ତି ମଧ୍ୟପ୍ରାଚ୍ୟରେ ଶ୍ରମିକଙ୍କ ସଂଖ୍ୟା ଭାରତ ତୁଳନାରେ ୩ରୁ ସାଢେ ୩ଗୁଣା ଅଧିକ।
ପୂର୍ବରୁ ମଧ୍ୟ ଦେଇଛନ୍ତି ବିବାଦୀୟ ବୟାନ
ଲାର୍ସନ ଆଣ୍ଡ ଟୁବ୍ରୋର ଚେୟାରମ୍ୟାନ ଗତମାସରେ କହିଥିଲେ ଯେ ସେ ଚାହାନ୍ତି ତାଙ୍କ କର୍ମଚାରୀ ରବିବାର ମଧ୍ୟ କାମ କରନ୍ତୁ। ସେ କହିଥିଲେ ଆପଣ ଘରେ ରହି କ’ଣ କରନ୍ତି?ଆପଣ କେତେ ସମୟ ପତ୍ନୀଙ୍କ ମୁହଁ ଚାହିଁ ବସିବେ? ଅଫିସ ଆସନ୍ତୁ କାମ ଆରମ୍ଭ କରନ୍ତୁ। ସେ ଏହା ମଧ୍ୟ କହିଥିଲେ ଯେ ନିଜେ ରବିବାର ମଧ୍ୟ କାମ କରନ୍ତି। ଏହି ବିତର୍କରେ ଅଦାର ପୁନାୱାଲା, ଆନନ୍ଦ ମହିନ୍ଦ୍ରା ଓ ଆଇଟିସିର ସଞ୍ଜୀବ ପୁରୀଙ୍କ ଭଳି ଉଦ୍ୟୋଗ ଜଗତର ଲିଡରମାନେ ଉତ୍ପାଦକତା ଲାଗି କାର୍ଯ୍ୟ-ଜୀବନ ସନ୍ତୁଳନର ଆବଶ୍ୟକତା ଉପରେ ଗୁରୁତ୍ୱ ଦେଇଥିଲେ।
