ବୌଦ୍ଧ: ମାତିଲେ ଦୁର୍ବୃତ୍ତ। ସହର ମଝିରେ ଖେଳାଇଲେ ଆତଙ୍କରାଜ। ଯୁବକଙ୍କୁ ଛୁରୀ ଭୁଷି କଲେ ହତ୍ୟା ଉଦ୍ୟମ । ଘଟଣା ଘଟିଛି ବୌଦ୍ଧ ସହର ସୁଦସାହି ଅଞ୍ଚଳରେ । ଗୁରୁତର ବଢ଼ିଗାଁ ଗ୍ରାମର ସରୋଜ ପଟ୍ଟନାୟକ । ପୁଅକୁ ଟିଉସନରୁ ନେବାକୁ ଆସିଥିବା ବେଳେ ତାଙ୍କ ଉପରକୁ ମରଣାନ୍ତକ ଆକ୍ରମଣ ଫେରାର ମାରିଛନ୍ତି ଦୁର୍ବୃତ୍ତ। ସରୋଜଙ୍କ ପିଠିରେ ଆଘାତ ଲାଗିଥିବାବେଳେ ଗୁରୁତର ଅବସ୍ଥାରେ ତାଙ୍କୁ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଘଟଣାର ତଦନ୍ତ ଆରମ୍ଭ କରିଛି ଆଦର୍ଶ ଥାନା ପୋଲିସର ତଦନ୍ତ ଜାରି ।
ସୂଚନା ଅନୁଯାୟୀ, ବଢ଼ିଗାଁ ଗ୍ରାମର ସରୋଜ ପଟ୍ଟନାୟକ ନିଜ ପୁଅକୁ ବୌଦ୍ଧ ସହର ସୁଦସାହିକୁ ଟିଉସନରୁ ଘରକୁ ନେବା ପାଇଁ ଆସିଥିଲେ। ଏହି ସମୟରେ କେହି ଦୁର୍ବୃତ୍ତ ତାଙ୍କୁ ପଛରୁ ଏକ ଛୁରୀ ଭୁଷି ହତ୍ୟା ଉଦ୍ୟମ କରିଥିଲେ। ଆଉ ଛୁରୀ ଭୁଷି ଘଟଣା ସ୍ଥଳରୁ ଫେରାର ମାରିଥିଲେ । ତେବେ ଏହି ଆକ୍ରମଣରେ ଗୁରୁତର ଆହତ ହୋଇପଡ଼ିଥିଲେ ସରୋଜ ।
ତେବେ ସ୍ଥାନୀୟ ଲୋକେ ସରୋଜଙ୍କୁ ଉଦ୍ଧାର କରି ବୌଦ୍ଧ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିବାବେଳେ, ତାଙ୍କ ପରିବାର ପକ୍ଷରୁ ଆଦର୍ଶ ଥାନାରେ ଏତଲା ଦିଆଯାଇଛି । ସେପଟେ ଯୁବକଙ୍କ ଅବସ୍ଥା ଗୁରୁତର ଥିବା ବେଳେ ଚିକିତ୍ସା ଜାରି ରହିଛି। ସେପଟେ ଖବର ପାଇ ପୋଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି।
