ବଡ଼ବିଲ ୨୮।୫: କେନ୍ଦୁଝର ଜିଲ୍ଲା ଯୋଡ଼ା ବ୍ଳକ ସେରେଣ୍ଡା ପଞ୍ଚାୟତରେ ଥିବା କାଶିଆ ଭଦ୍ରାସାହି ଉଚ୍ଚ ବିଦ୍ୟାଳୟ ଜନଜାତି ଛାତ୍ରୀନିବାସରେ କଳାକନା ବୁଲାଇଲେ ଦୁର୍ବୃତ୍ତ । ଗ୍ରୀଷ୍ମ ଛୁଟି ଯୋଗୁଁ ହଷ୍ଟେଲ ବନ୍ଦ ରହିଥିବା ବେଳେ, ହଷ୍ଟେଲର କବାଟ-ଝରକା ତାଡ଼ି ଦୃର୍ବୃତ୍ତ ଭିତରେ ପଶିବା ପରେ ସେଠାରେ ଥିବା ଛାତ୍ରୀମାନଙ୍କର ବାକ୍ସ ଗୁଡ଼ିକ ତଡ଼ା ଯାଇଥିବା ଦେଖିବାକୁ ମିଳିଛି ।
ସେହିପରି ପୋଷାକପତ୍ର ଏବଂ ଅନ୍ୟ ଆସବାବପତ୍ର ଏଣେତେଣେ ବିଛାଡ଼ି ହୋଇପଡ଼ିଛି । ତେବେ ଏଠାରୁ କେତେ କ'ଣ ଚୋରି ହୋଇଛି ତାହା ଜଣାପଡିନାହିଁ । ଖବର ଜଣାପଡ଼ିବା ପରେ ସ୍ଥାନୀୟ ଲୋକେ ଛାତ୍ରୀ ନିବାସରେ ପହଞ୍ଚି ବିଭାଗୀୟ ଅଧିକାରୀଙ୍କୁ ଜଣାଇବା ପରେ ଏନେଇ ବଡ଼ବିଲ ପୋଲିସକୁ ଖବର ଦିଆଯାଇଛି । ଆଗରୁ ମଧ୍ୟ ଏହି ହଷ୍ଟେଲରେ ସମାନ ଢଙ୍ଗରେ ଚୋରି ହୋଇଥିଲା । ୨ ଜଣ ସୁରକ୍ଷା କର୍ମୀଙ୍କୁ ନିୟୋଜିତ କରିବା ସହ ସିସିଟିଭି ଲଗାଇବା ପାଇଁ ଲୋକେ ଦାବି କରିଛନ୍ତି ।
You Can Read :
