ଭୁବନେଶ୍ୱର ୨୧।୧୨ : ରାଜଧାନୀରେ ଅଣନିଶ୍ୱାସୀ କଲେଣି ଲୁଟେରା । ଜୁଏଲାରୀ ମରାମତି ଦୋକାନର ତାଲା କାଟି ନେଇଗଲେ ଲକ୍ଷାଧିକ ଟଙ୍କାର ଅଳଙ୍କାର । ପ୍ରାୟ ଦୁଇ କିଲୋଗ୍ରାମ ରୂପା ଓ ୨୦ ଗ୍ରାମ ସୁନା ଲୁଟି ନେଇଥିବା ଜଣାପଡିଛି । ଲୁଟ୍ର ସମସ୍ତ ଘଟଣା ସିସିଟିଭି କ୍ୟାମେରାରେ କଏଦ ହୋଇଛି ।
ଖବର ଅନୁଯାୟୀ, ମଞ୍ଚେଶ୍ୱର ଥାନା ଚକେଇସିଆଣି ମୁଖ୍ୟ ବଜାରରେ ଥିବା ସୂବର୍ଣ୍ଣା ଜୁଏଲାରୀରୁ ହୋଇଛି ସିନ୍ଧି ଚୋରି । ୧୯ ତାରିଖ ବିଳମ୍ବିତ ରାତିରେ ଦୋକାନର ସାମ୍ନା ପଟ ତାଲା କାଟି ଅଳଙ୍କାର ଲୁଟି ନେଇଛନ୍ତି ଲୁଟେରା । ଶାବଳରେ ଦୋକାନର ଲୁହା କବାଟ ତାଡି ପଶିଥିଲେ । ଆଉ ଲୁଟି ନେଇଥିଲେ ସୁନା ଏବଂ ରୂପା । ତେବେ ଚୋରି ପୂର୍ବରୁ ସିସିଟିଭିର ମୁହଁ ଉପରକୁ କରିବା ସହ ସିସିଟିଭି ଡିଭିଆର୍ ନେଇଯାଇଛି ଚୋର । ସେପଟେ ଏହି ଲୁଟ୍ ନେଇ ସ୍ଥାନୀୟ ମଞ୍ଚେଶ୍ୱର ଥାନା ଅଭିଯୋଗ କରିଛନ୍ତି ଦୋକାନ ମାଲିକ ବ୍ରହ୍ମା ସାହୁ । ଅଭିଯୋଗ ପରେ ପୋଲିସ ପାଖ ଅଞ୍ଚଳରେ ସିସିଟିଭି ଯାଞ୍ଚ କରିବା ସହ ଛାନ୍ଭିନ୍ ଜାରି ରଖିଛି ।
