ରାଉରକେଲା: ଷ୍ଟିଲ ସିଟିରେ ପୁଣି ଲଜ୍ଜା। ନାବାଳିକାକୁ ଗଣ ଦୁଷ୍କର୍ମ ନେଇ ଉଦିତ ନଗର ଥାନାରେ ଅଭିଯୋଗ ହୋଇଛି। ପୋଲିସ ମାମଲା ରୁଜୁ କରି ତଦନ୍ତ ଚଳାଇଛି।

ସୂଚନା ଅନୁଯାୟୀ, ଗତ ୧୭ ତାରିଖ ଅପରାହ୍ନରେ ଷ୍ଟେସନ ଅଞ୍ଚଳର ନାବାଳିକା ବୁଲା ବୁଲି କରୁଥିଲେ। ଏହି ସମୟରେ ଖାଇବାକୁ ଦେବାକୁ କହି ଦୁଇ ଯୁବକ କୌଶଳ କ୍ରମେ ନାବାଳିକାକୁ ନେଇଯାଇଥିଲେ। ୨୦ କିଲୋମିଟର ଦୂର ବିଶ୍ରା ଅଞ୍ଚଳ ଏକ ଝାଟି ମାଟି ଘରେ ରଖି ଦୁଇ ଯୁବକ ସହ ଆଉ ଜଣେ ଯୁବକ ମୋଟ ତିନି ଜଣ ଗଣ ଦୁଷ୍କର୍ମ କରିଥିବାର ଅଭିଯୋଗ ହୋଇଛି ଉଦିତ ନଗର ଥାନାରେ ।

ଆଜି ସକାଳେ ନାବାଳିକାଙ୍କୁ ବିଶ୍ରା ଛକରେ ଛାଡ଼ିଦେବା ସହ ଘଟଣା ପ୍ରଘଟ ନକରିବାକୁ ଦେଇଥିଲେ ଧମକ। ପରେ ନାବାଳିକା ଜଣେ ପୋଲିସ କର୍ମଚାରୀଙ୍କ ସହାୟତାରେ ପହଞ୍ଚିଥିଲେ ଘରେ । ପରେ ପରିବାର ଲୋକଙ୍କୁ ସମସ୍ତ ଘଟଣା କହିଥିଲେ। ପରିବାର ଲୋକଙ୍କ ସହାୟତାରେ ନାବାଳିକା ଉଦିତ ନଗର ଥାନାରେ ଲିଖିତ ଅଭିଯୋଗ କରିବା ପରେ ଅଭିଯୁକ୍ତ ମାନଙ୍କୁ ଧରିବା ପାଇଁ ପୋଲିସ ତନାଘନା  ଚଳାଇଛି।

Also read: ଶ୍ରୀଜଗନ୍ନାଥଙ୍କ ଜମି ଜାଲିଆତି କରି ବିକ୍ରି ଘଟଣା, ୬ ଜଣଙ୍କୁ ବାନ୍ଧିଲା ପୋଲିସ