ମୁମ୍ବାଇ: ଡିସେମ୍ବର ୪ରେ ହାଇଦ୍ରାବାଦର ସନ୍ଧ୍ୟା ଥିଏଟରରେ ପୁଷ୍ପା-2ର ପ୍ରିମିୟର୍ ସମୟରେ ଜଣେ ମହିଳାଙ୍କର ମୃତ୍ୟୁ ଘଟିଥିଲା। ମୃତକଙ୍କ ୮ ବର୍ଷର ପୁଅ ଶ୍ରୀତେଜ ଆହତ ହୋଇ ତାଙ୍କୁ ଆଇସିୟୁରେ ଭର୍ତ୍ତି ହୋଇଛନ୍ତି। ପରେ ଦଳଚକଟା ମାମଲାରେ ଗିରଫ ହୋଇଥିଲେ ସୁପରଷ୍ଟାର ଅଲୁ ଅର୍ଜୁନ। ଜେଲ୍‌ ପରେ ତାଙ୍କୁ ମିଳିଥିଲା ବେଲ୍‌। କିନ୍ତୁ ଜାମିନ ପାଇବା ପରେ ବି ସେ ଗଣମାଧ୍ୟମ ସାମ୍ନାରେ ମୁହଁ ଖୋଲିନଥିଲେ। ଶେଷରେ ଏହି ପ୍ରସଙ୍ଗରେ ନୀରବତା ଭାଙ୍ଗିଛନ୍ତି ଅଲ୍ଲୁ।

ସାମ୍ବାଦିକ ସମ୍ମିଳନୀରେ ପୁଷ୍ପା ଅଭିନେତା କହିଛନ୍ତି ଯେ ଏହା ଏକ ଦୁର୍ଘଟଣା। ମୁଁ ପରିବାର ପ୍ରତି ମୋର ସମବେଦନା ଜଣାଉଛି ମୁଁ କାହାକୁ ଦୋଷ ଦେବାକୁ ଚାହେଁ ନାହିଁ। ଏହା ମୋର ଚରିତ୍ରର ସଂହାର। ଅନେକ ଭୁଲ ତଥ୍ୟ ପ୍ରକାଶ କରାଯାଉଛି। ଯାହା ଘଟିଛି ମୁଁ କ୍ଷମା ମାଗୁଛି।କୌଣସି ରୋଡ୍ ଶୋ’ ନଥିଲା, ଏ ବିଷୟରେ ଭୁଲ ତଥ୍ୟ ବିସ୍ତାର କରାଯାଉଛି।

ଅଲୁ ଏହା ମଧ୍ୟ କହିଛନ୍ତି- ମୋତେ ସର୍ବସାଧାରଣରେ ଅପମାନିତ କରାଯାଉଛି। ମୁଁ କୌଣସି ବିଭାଗ କିମ୍ବା କୌଣସି ରାଜନୈତିକ ଦଳକୁ ବିରୋଧ କରିବାକୁ ଆସି ନାହିଁ। ମୁଁ ସେପରି ବ୍ୟକ୍ତି ନୁହେଁ।  ମୁଁ ୨୦-୨୧ ବର୍ଷ ମଧ୍ୟରେ ଏହି ସମ୍ମାନ ଅର୍ଜନ କରିଛି, ଗୋଟିଏ ସନ୍ଧ୍ୟାର ଘଟଣା ସହିତ ଏହାକୁ ନଷ୍ଟ କରିବାକୁ ଚେଷ୍ଟା କରାଯାଉଛି।

ଅଲୁ ଅର୍ଜୁନ ଆହୁରି କହିଛନ୍ତି, “ମୁଁ ପୂର୍ବରୁ ଅନେକ ଥର ସେହି ଥିଏଟରକୁ ଯାଇଥିଲି। ଅନେକ ପ୍ରକାରର ଭୁଲ ତଥ୍ୟ ମଧ୍ୟ ପ୍ରସାରିତ ହେଉଛି।ସେଦିନ ବହୁତ ଲୋକ ଥିଲେ। ମୁଁ ସେହି ଥିଏଟରରେ ମୋ ପିଲାମାନଙ୍କ ସହିତ ଏକ ଚଳଚ୍ଚିତ୍ର ଦେଖୁଥିଲି। ଆଇନଗତ କାରଣରୁ ସେ ପୀଡିତାଙ୍କ ପରିବାରକୁ ଭେଟି ପାରିବେ ନାହିଁ ବୋଲି ଅଲ୍ଲୁ କହିଛନ୍ତି।

ମୁଁ ସମସ୍ତଙ୍କୁ କହିଥିଲି ଯେ ମୁଁ ତାଙ୍କୁ ଭେଟିବାକୁ ଚାହୁଁଛି। ସେହି ଦିନ ମୋ ବିରୋଧରେ ଏକ ମାମଲା ଦାୟର କରାଯାଇଥିଲା। ସେଥିପାଇଁ ମୁଁ ବ୍ୟକ୍ତିଗତ ଭାବେ ତାଙ୍କୁ ଭେଟିପାରିଲି ନାହିଁ, ଏହା ପଛରେ ଆଇନଗତ କାରଣ ଥିଲା। ମୋ ବିରୋଧରେ ଆସିଥିବା ସମସ୍ତ ଅଭିଯୋଗ ଭିତ୍ତିହୀନ।