ନୂଆଦିଲ୍ଲୀ: ଭାରତର ଗଣମାଧ୍ୟମ ଏବଂ ମନୋରଞ୍ଜନ କ୍ଷେତ୍ରରେ ଲିଙ୍ଗଗତ ଅସମାନତା ଜାରି ରହିଛି । ଏହି ଉଦ୍ୟୋଗରେ ୧୪୪ ନିର୍ଦ୍ଦେଶକ ଏବଂ ମୁଖ୍ୟ ଅଭିଜ୍ଞତା ଅଧିକାରୀ (ସିଏକ୍ସଓ) ପଦବୀ ମଧ୍ୟରେ ମହିଳାଙ୍କ ପ୍ରତିନିଧିତ୍ୱ କେବଳ ୧୨ ପ୍ରତିଶତ ରହିଛି । ଓ ୱମାନିଆ ୨୦୨୪ ରିପୋର୍ଟ ଅନୁସାରେ ଦେଶର ୨୫ଟି ଅଗ୍ରଣୀ ମିଡିଆ ଏବଂ ମନୋରଞ୍ଜନ ସଂସ୍ଥାର ବିଶ୍ଳେଷଣ କରାଯାଇଛି !
ଆମାଜନ୍ ପ୍ରାଇମ୍ ଭିଡିଓ ଦ୍ୱାରା ଓ ୱମାନିଆର ଚତୁର୍ଥ ସଂସ୍କରଣ ପ୍ରକାଶିତ ହୋଇଛି । ଏହି ରିପୋର୍ଟ ହେଉଛି ଭାରତୀୟ ମନୋରଞ୍ଜନ କ୍ଷେତ୍ରର ମହିଳାଙ୍କ ପ୍ରତିନିଧିତ୍ୱ ଉପରେ ଏକ ଅଧ୍ୟୟନ । ଏହି ରିପୋର୍ଟକୁ ଓରମାକ୍ସ ମିଡିଆ ଦ୍ୱାରା ଅନୁସନ୍ଧାନ ଏବଂ କ୍ୟୁରେଟ୍ କରାଯାଇଛି ।
ଏହା ଅନୁସାରେ ଗତ ବର୍ଷ ତୁଳନାରେ ମିଡିଆ ଏବଂ ମନୋରଞ୍ଜନ କ୍ଷେତ୍ରରରେ ମହିଳାଙ୍କ ପ୍ରତିନିଧିତ୍ୱରେ ସାମାନ୍ୟ ହ୍ରାସ ପାଇଛି ।୨୦୨୩ ମସିହାରେ ପ୍ରମୁଖ ୨୫ଟି ସଂସ୍ଥାରେ ମହିଳାଙ୍କ ପ୍ରତିନିଧିତ୍ୱ ୧୩ ପ୍ରତିଶତ ଥିଲା । ୨୦୨୪ ମସିହାରେ ନିର୍ଦ୍ଦେଶନା, ସିନେମାଟୋଗ୍ରାଫି, ଏଡିଟିଂ, ଲେଖନି ଏବଂ ପ୍ରଡକ୍ଟସନ ଡିଜାଇନ୍ ଭଳି ପ୍ରମୁଖ ବିଭାଗର ମୁଖ୍ୟ ଭାବେ ପଦବୀଗୁଡିକରେ କେବଳ ୧୫ ପ୍ରତିଶତ ମହିଳା ଅଛନ୍ତି ।
ପ୍ରାଇମ୍ ଭିଡିଓ ଇଣ୍ଡିଆ ନିର୍ଦ୍ଦେଶିକା ସ୍ତୁତି ରାମଚନ୍ଦ୍ର କହିଛନ୍ତି, “ଓ ୱମାନିଆ ! ଏହି ଉଦ୍ୟୋଗରେ ମହିଳାଙ୍କ ପ୍ରତିନିଧିତ୍ୱକୁ ସମାଧାନ କରିବାରେ ସହଯୋଗର ଶକ୍ତି ଦେଉଛି ।‘ ରିପୋର୍ଟର ଏହି ନୂତନ ସଂସ୍କରଣ ଆମ ସମସ୍ତଙ୍କୁ ଏହି ପରିବର୍ତ୍ତନଶୀଳ ପ୍ରୟାସକୁ ତ୍ୱରାନ୍ୱିତ କରିବାକୁ ଆହ୍ୱାନ କରୁଛି - କେବଳ ଛୋଟ ପଦକ୍ଷେପ ନେବା ନୁହେଁ ବରଂ ସାହସିକ ପଦକ୍ଷେପ ନେବା ଦରକାର, ଯେଉଁଠାରେ ପ୍ରତିଭା ଏବଂ ଦକ୍ଷତା ଆଧାରରେ ସୁଯୋଗ ମିଳିବା ଦରକାର, ଲିଙ୍ଗଗତ ଆଧାରରେ ନୁହେଁ ।
