ଦିଗପହଣ୍ଡି ୧୪।୭: ବିଦ୍ୟୁତ ଝଟକାରେ ୧୪ରୁ ଅଧିକ ପିଲା ଆହତ ହୋଇଛନ୍ତି । ଗ୍ରାମରେ ରାମାୟଣ ଚାଲିଥିବା ବେଳେ ଲାଗିଲା ବିଦ୍ୟୁତ ଆଘାତ । ଗଞ୍ଜାମ ଜିଲ୍ଲା ଦିଗପହଣ୍ଡି ବ୍ଲକ୍ ଅନ୍ତର୍ଗତ ଫାସିଗୁଡ଼ା ଗ୍ରାମରେ ଘଟିଛି ଏଭଳି ଅଘଟଣ ।
ସୂଚନାଯୋଗ୍ୟ ଯେ, ଗଞ୍ଜାମ ଜିଲ୍ଲା ଦିଗପହଣ୍ଡି ବ୍ଲକ୍ ଅନ୍ତର୍ଗତ ଫାସିଗୁଡ଼ା ଗ୍ରାମରେ ଚାଲିଥିଲା ରାମାୟଣ ନାଟକ । ସମସ୍ତେ ନାଟକ ଦେଖୁଥିବା ସମୟରେ ହଠାତ ବର୍ଷା ହେବା କାରଣରୁ ନାଟକ ବନ୍ଦ ହୋଇଥିଲା । ଗ୍ରାମର କିଛି ଛୋଟ ପିଲା ମଞ୍ଚ ତଳେ ବର୍ଷା ଦାଉରୁ ରକ୍ଷା ପାଇବା ପାଇଁ ମଞ୍ଚ ତଳେ ରହିଯାଇଥିଲେ । କିନ୍ତୁ ହଠାତ ବିଦ୍ୟୁତ ଝଟକା ଲାଗିଥିଲା । ବିଦ୍ୟୁତ ଝଟକାରେ ୧୪ରୁ ଅଧିକ ପିଲା ଆହତ ହୋଇଥିବା ସୂଚନା ମିଳିଛି । ଆହତ ହୋଇଥିବା ଛୁଆଙ୍କୁ ଦିଗପହଣ୍ଡି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ । ଗୁରୁତର ଆହତ ହୋଇଥିବା ପିଲାମାନଙ୍କୁ ବ୍ରହ୍ମପୁର ମେଡିକାଲକୁ ସ୍ଥାନାନ୍ତର କରିଥିଲେ ।
You Can Read: