ନୂଆଦିଲ୍ଲୀ: ରାତ୍ରୀ ଭୋଜନ ପାଇଁ ଏକାଠି ବସିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ବାଂଲାଦେଶ ମଧ୍ୟବର୍ତ୍ତୀକାଳୀନ ସରକାର ମୁଖ୍ୟ ମହମ୍ମଦ ୟୁନୁସ ଓ ନେପାଳ ପ୍ରଧାନମନ୍ତ୍ରୀ କେପି ଶର୍ମା ଓଲି। ଯଦିଓ ୩ ନେତା ଏକାଠି ବସିଥିଲେ ତେବେ ୟୁନୁସ ଓ ମୋଦୀ ରାତ୍ରୀ ଭୋଜନ ପାଇଁ ଏକାଠୀ ହେବା ଚର୍ଚ୍ଚାର ବିଷୟ ପାଲିଟିଛି। ବିମଷ୍ଟେକ୍(BIMSTEC) (ବେ ଅଫ୍ ବେଙ୍ଗଲ ଇନିସିଏଟିଭ୍ ଫର୍ ମଲ୍ଟି-ସେକ୍ଟରାଲ୍ ଟେକ୍ନିକାଲ୍ ଆଣ୍ଡ୍ ଇକୋନୋମିକ୍ କୋଅପରେସନ୍) ଶିଖର ସମ୍ମିଳନୀରେ ଯୋଗ ଦେବାକୁ ମୋଦୀ ଥାଇଲାଣ୍ଡ ଯାଇଛନ୍ତି।
ହେଲେ ଶିଖର ସମ୍ମିଳନୀ ପୂର୍ବରୁ ଥାଇଲାଣ୍ଡ ପ୍ରଧାନମନ୍ତ୍ରୀ ପିଏଟୋଙ୍ଗଟାର୍ଣ୍ଣ ସିନାୱାତ୍ରା ଏକ ସରକାରୀ ରାତ୍ରୀଭୋଜନ ଆୟୋଜନ କରିଥିଲେ। ଯେଉଁଥିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ମହମ୍ମଦ ୟୁନୁସ୍ ପାଖାପାଖି ବସିଥିବା ଦେଖାଯାଇଛି। ରାତ୍ରୀ ଭୋଜନରେ ବସିବା ପାଇଁ ଏଭଳି ସିଟ୍ ଖଞ୍ଜିବାକୁ ନେଇ ଭାରତ ଓ ବାଂଲାଦେଶ ମଧ୍ୟରେ ଦ୍ୱିପାଖିକ ଆଲୋଚନା ହୋଇପାରେ ଚର୍ଚ୍ଚା ଆରମ୍ଭ ହୋଇଗଲାଣି। ଏହି ସମ୍ମିଳନୀ ଦ୍ୱାରା ପ୍ରଥମ ଥର ପାଇଁ ପ୍ରଧାନମନ୍ତ୍ରୀ ମୋଦି ଓ ମହମ୍ମଦ ୟୁନୁସଙ୍କ ମଧ୍ୟରେ ମୁହାଁମୁହିଁ ହୋଇଛି।
ପ୍ରଧାନମନ୍ତ୍ରୀ ମୋଦିଙ୍କ ବ୍ୟତୀତ, ବିମଷ୍ଟେକ୍ ସମ୍ମିଳନୀରେ ଥାଇଲ୍ୟାଣ୍ଡ, ବାଂଲାଦେଶ, ଶ୍ରୀଲଙ୍କା, ନେପାଳ, ମିଆଁମାର ଏବଂ ଭୁଟାନର ନେତାମାନେ ଅଂଶଗ୍ରହଣ କରିବେ।
ଅଗଷ୍ଟ ୨୦୨୪ ରେ ତତ୍କାଳୀନ ପ୍ରଧାନମନ୍ତ୍ରୀ ଶେଖ ହାସିନା କ୍ଷମତା ଚ୍ୟୁତ ହେବା ପରେ ବାଂଲାଦେଶରେ ହିନ୍ଦୁ ଏବଂ ସଂଖ୍ୟାଲଘୁଙ୍କ ଉପରେ ହିଂସା ଜାରି ରହିଛି। ଯାହାକୁ ନେଇ ଭାରତ ଅନେକ ସମୟରେ ଚିନ୍ତା ପ୍ରକଟ କରିଛି। ଫଳରେ ଗତ ବର୍ଷଠାରୁ ଭାରତ ଓ ବାଂଲାଦେଶ ସମ୍ପର୍କରେ ତକ୍ତତା ଦେଖା ଦେଇଛି।
ନିକଟରେ ମହମ୍ମଦ ୟୁନୁସ ଚୀନ ଗସ୍ତରେ ଯାଇ ଉତ୍ତରପୂର୍ବ ଭାରତ ବିରୋଧରେ ପ୍ରତିକ୍ରିୟା ଦେଇଥିଲେ। ଯାହାକୁ ନେଇ ଭାରତ ପକ୍ଷରୁ ମଧ୍ୟ ତୀବ୍ର ଜବାବ ଦିଆଯାଇଥିଲା।
ଚୀନ୍ ଗସ୍ତ ସମୟରେ, ୟୁନୁସ୍ ଭାରତର ଉତ୍ତର-ପୂର୍ବ ରାଜ୍ୟ ତାଙ୍କ ଦେଶକୁ ସବୁଆଡ଼ୁ ଘେରି ରହିଛି। ଫଳରେ ବାଂଲାଦେଶ ସମୁଦ୍ର ପର୍ଯ୍ୟନ୍ତ ପହଞ୍ଚିବାର କୌଣସି ଉପାୟ ପାଉ ନାହିଁ ବୋଲି କହିଥିଲେ। ତେବେ ବାଂଲାଦେଶ ହିଁ ଏହି ସାମୁଦ୍ରିକ ଅଞ୍ଚଳର ପ୍ରବେଶ ଦ୍ୱାର ବୋଲି ୟୁନୁସ କହିଥିଲେ। ଏଥିସହିତ ଚୀନ ବାଂଲାଦେଶରେ ଆର୍ଥିକ ନିବେଶ କରୁ ଏବଂ ଚୀନକୁ ଏହି କ୍ଷେତ୍ରରେ ଏକମାତ୍ର ରକ୍ଷକ ବୋଲି ୟୁନୁସ କହିଥିଲେ।ଯାହାକୁ ନେଇ ଭାରତରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଥିଲା। ୟୁନୁସଙ୍କ ଏଭଳି ବୟାନ ଗ୍ରହଣୀୟ ନୁହେଁ ବୋଲି ସେ କହିଥିଲେ।
