ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆସନ୍ତା ଫେବ୍ରୁଆରୀ ଫ୍ରାନ୍ସ ଗସ୍ତ କରିବେ । ପିଏମ୍ ମୋଦୀ ଫେବ୍ରୁଆରୀ ୧୦-୧୧ରେ ପ୍ୟାରିସରେ ଆୟୋଜିତ ହେବାକୁ ଥିବାକୁ ଆର୍ଟିଫିସିଆଲ ଇଣ୍ଟେଲିଜେନ୍ସି (ଏଆଇ) ସମିଟରେ ଭାଗ ନେବେ । ଫ୍ରାନ୍ସରେ ରାଷ୍ଟ୍ରପତି ଇମାନୁଏଲ୍ ମାକ୍ରୋନ୍ ଏହି ଘୋଷଣା କରିଛନ୍ତି । ଏଆଇ କ୍ଷେତ୍ରରେ ଭାରତ ସହ ସମ୍ପର୍କକୁ ମଜଭୁତ କରିବା ଏହାର ଉଦ୍ଦେଶ୍ୟ ବୋଲି ସେ କହିଛନ୍ତି ।
ଦ ହିନ୍ଦୁର ରିପୋର୍ଟ ଅନୁସାରେ ପିଏମ୍ ମୋଦୀଙ୍କ ଏହି ଗସ୍ତରେ ଭାରତ ଏବଂ ଫ୍ରାନ୍ସ ମଧ୍ୟରେ ଦୁଇଟି ବଡ଼ ପ୍ରତିରକ୍ଷା ବୁଝାମଣା ଉପରେ ହସ୍ତାକ୍ଷର ହୋଇପାରେ । ଏହି ଚୁକ୍ତିର ଆନୁମାନିକ ମୂଲ୍ୟ ୧୦ ବିଲିୟନ ଡଲାରରୁ ଅଧିକ ହୋଇପାରେ । ଏଥିରେ ଭାରତୀୟ ନୌସେନା ପାଇଁ ୨୬ ରାଫେଲ୍-ଏମ୍ ଯୁଦ୍ଧ ବିମାନ କ୍ରୟ ଏବଂ ତିନି ଅତିରିକ୍ତ ସ୍କର୍ପିୟନ ଶ୍ରେଣୀର ପାରମ୍ପାରିକ ବୁଡ଼ାଜାହାଜ ଚୁକ୍ତି ସାମିଲ ରହିଛି । ଏହି କ୍ରୟ ପାଇଁ ଆଗାମୀ କିଛି ଦିନରେ କ୍ୟାବିନେଟ୍ କମିଟି ଅନ୍ ସିକ୍ୟୁରିଟିରୁ ମଞ୍ଜୁରି ମିଳିବାର ସମ୍ଭାବନା ରହିଛି । ଏହି ବୁଝାମଣା ଭାରତ ଏବଂ ଫ୍ରାନ୍ସ ମଧ୍ୟରେ ପ୍ରତିରକ୍ଷା ସହଯୋଗକୁ ଅଧିକ ମଜଭୁତ କରିବ ।
ରାଫେଲ୍ ଏମ୍ ଏବଂ ସ୍କର୍ପିୟନ ବୁଡ଼ାଜାହାଜର ଆବଶ୍ୟକତା
ଭାରତୀୟ ନୌସେନା ପାଖରେ ବର୍ତ୍ତମାନ ଦୁଇଟି ବିମାନବାହାକ ପୋତ ରହିଛି । ଗୋଟିଏ ଆଇଏନ୍ଏସ୍ ବିକ୍ରମାଦିତ୍ୟ ଏବଂ ଦ୍ୱିତୀୟଟି ସ୍ୱଦେଶୀ ଆଇଏନ୍ଏସ୍ ବିକ୍ରାନ୍ତ । ଏହି ଦୁଇ ବୁଡ଼ା ଜାହାଜ ପାଇଁ ୨୬ ରାଫେଲ୍-ଏମ୍ ଯୁଦ୍ଧ ବିମାନ ନେଇ ଚୁକ୍ତି ଏକ ଗୁରୁତ୍ୱପୂର୍ଣ୍ଣ ଆବଶ୍ୟକତାକୁ ପୂରଣ କରିବ । ଏଥିରେ ୨୨ ସିଙ୍ଗଲ୍-ସିଷ୍ଟର ଏବଂ ୪ ଟ୍ରେନର ବିମାନ ସାମିଲ ରହିବ । ଏହାହ ତିନି ଅତିରିକ୍ତ ସ୍କର୍ପିୟନ ଶ୍ରେଣୀର ବୁଡ଼ା ଜାହାଜ ପାଇଁ ଚୁକ୍ତି ନୌସେନାର କ୍ଷମତାକୁ ଅଧିକ ବଢାଇବ । ଏହି ତିନି ବୁଡ଼ାଜାହାଜକୁ ଫ୍ରାନ୍ସର ନେଭଲ ଗ୍ରୁପ୍ ଏଭାରତର ମାଝଗାଁଓ ଡକ୍ ଶିପବିଲ୍ଡର୍ସ ଲିମିଟେଡ୍ ଦ୍ୱାରା ନିର୍ମାଣ କରାଯିବ । ନୌସେନା ପାଇଁ ଅତିରିକ୍ତ ସ୍କର୍ପିୟନ ଏକ ଗୁରୁତ୍ୱପୂର୍ଣ୍ଣ ଅବଶ୍ୟକତା ଅଟେ । ଏହି ତିନି ସ୍କର୍ପିୟନ ବୁଡ଼ାଜାହାଜର ପ୍ରଥମ ଡେଲିଭରି ୨୦୩୧ରେ ହେବାର ସମ୍ଭାବନା ରହିଛି ।
