ଚଣ୍ଡିଗଡ଼: ଆଇପିଏଲ ୨୦୨୫ । ଶନିବାର ଦ୍ବିତୀୟ ମ୍ୟାଚରେ ମୁହାଁମୁହିଁ ହୋଇଛନ୍ତି ପଞ୍ଜାବ କିଙ୍ଗସ୍ ଓ ରାଜସ୍ଥାନ ରୟାଲ୍ସ । ମହାରାଜା ଯାଦବୀନ୍ଦ୍ର ସିଂହ ଅନ୍ତର୍ଜାତୀୟ କ୍ରିକେଟ୍ ଷ୍ଟାଡିୟମରେ ଏହି ମ୍ୟାଚ୍ ଖେଳାଯାଉଛି । ପ୍ରଥମେ ବ୍ୟାଟିଂ କରି ରାଜସ୍ଥାନ ରୟାଲ୍ସ ୨୦ ଓଭରରେ ୪ ୱିକେଟ୍ ହରାଇ ୨୦୫ ରନ୍ କରିଛି । ଫଳରେ ପଞ୍ଜାବ କିଙ୍ଗ୍ସ ସାମ୍ନାରେ ୨୦୬ ରନର ବିଜୟ ଲକ୍ଷ୍ୟ ରହିଛି । ରାଜସ୍ଥାନ ପକ୍ଷରୁ ଯଶସ୍ୱୀ ଜୈସ୍ବାଲ ୬୭ ଏବଂ ରିୟାନ ପରାଗ ୪୩ ରନ କରିଛନ୍ତି । ସେହିପରି ପଞ୍ଜାବ ପକ୍ଷରୁ ଲକି ଫର୍ଗସନ ଦୁଇଟି, ଅର୍ଶଦୀପ ଏବଂ ମାର୍କୋ ୟନସନ୍ ଗୋଟିଏ ଲେଖାଏଁ ୱିକେଟ ନେଇଛନ୍ତି ।
ପ୍ରଥମେ ବ୍ୟାଟିଂ କରି ରାଜସ୍ଥାନ ରୟାଲ୍ସ ଭଲ ଆରମ୍ଭ କରିଥିଲା । ପାୱାର-ପ୍ଲେରେ ଯଶସ୍ୱୀ ଜୈସ୍ୱାଲ ଏବଂ ସଞ୍ଜୁ ସାମସନ ୫୩ ରନ୍ କରିଥିଲେ । ରାଜସ୍ଥାନକୁ ୧୧ତମ ଓଭରରେ ପ୍ରଥମ ଝଟକା ଲାଗିଲା । ଅଧିନାୟକ ସଞ୍ଜୁ ସାମସନ ୨୬ ବଲ୍ରେ ୩୮ ରନ୍ କରି ଆଉଟ୍ ହୋଇଥିଲେ। ଯଶସ୍ୱୀ ଜୈସ୍ୱାଲ ୪୫ ବଲ୍ ରେ ୬୭ ରନ୍ ର ଅର୍ଦ୍ଧଶତକୀୟ ଇନିଂସ ଖେଳିଥିଲେ। ନୀତିଶ ରାଣା ୭ ବଲ୍ରେ ମାତ୍ର ୧୨ ରନ୍ କରିପାରିଥିଲେ। ହେଟମାୟର ୧୨ ବଲ୍ରେ ୨୦ ରନ୍ ଯୋଗଦାନ ଦେଇଥିଲେ। ରିୟାନ ପରାଗ ଅପରାଜିତ ୪୩ ରନ୍ କରିଥିଲେ । ଧ୍ରୁବ ଜୁରେଲ ୫ଟି ବଲ୍ରେ ୧୩ ରନ୍ କରିଥିଲେ ।
