ଭୁବନେଶ୍ୱର ୧୦।୧୧ : ଭୁବନେଶ୍ବରରେ ଦୁଇଟି ସ୍ଥାନରେ ପୃଥକ ପୃଥକ ଦୁର୍ଘଟଣା। ଡମଣା ଛକ ଏବଂ ନୟାପଲ୍ଲୀ ଓଭର୍ ବ୍ରିଜ ଉପରେ ଦୁର୍ଘଟଣା ହୋଇଛି। ଯେଉଁଥିରେ ବର୍ତ୍ତମାନ ପର୍ଯ୍ୟନ୍ତ ଏହି ଦୁଇଟି ଦୁର୍ଘଟଣାରେ କେତେ ଜଣ ଆହତ ହୋଇଛନ୍ତି । ସେନେଇ କୌଣସି ସ୍ପଷ୍ଟ ସୂଚନା ମିଳିନାହିଁ ।
ଖବର ଅନୁଯାୟୀ, ଭୁବନେଶ୍ୱର ଡ଼ମଣା ଛକରେ କାର ଧକ୍କାରେ ଖୁଣ୍ଟି ଭାଙ୍ଗିବା ସହ ରାସ୍ତା ପାରି ହେବାକୁ ଠିଆ ହୋଇଥିବା ବୟସ୍କ ଦମ୍ପତ୍ତିଙ୍କ ଉପରେ ଚଢ଼ିଗଲା କାର୍। ସେହିପରି ନୟାପଲ୍ଲୀ ଓଭର ବ୍ରିଜ ଉପରେ ଦ୍ରୁତ ଗତିରେ ଯାଉଥିବା ଦୁଇଟି କାର୍ ଗୋଟିଏ ଟ୍ରକ ପଛରେ ପିଟି ହୋଇଛନ୍ତି । ଉଭୟ ସ୍ଥାନରେ ସ୍ଥାନୀୟ ଲୋକେ ଏବଂ ପୋଲିସ ଉଦ୍ଧାର କାର୍ଯ୍ୟ କରିଛନ୍ତି। ତେବେ ଡ଼ମଣା ଛକରେ ନିଶାସକ୍ତ ଚାଳକଙ୍କୁ ସ୍ଥାନୀୟ ଲୋକେ କାବୁ କରିଛନ୍ତି । ସେହିପରି ଉଭୟ ନୟାପଲ୍ଲୀ ଓଭର ବ୍ରିଜ ଓ ଡମଣା ଛକରେ ଆହତ ଲୋକଙ୍କୁ ମେଡିକାଲ ପଠାଇଥିଲେ ସ୍ଥାନୀୟ ଥାନା କର୍ମଚାରୀ।
