ଉଦଳା ୪।୧୦: ଘରେ କେହି ନଥିଲେ । ସୁଯୋଗ ଦେଖି ଘରେ ପଶିଲା ଦୁର୍ବୃତ୍ତ । ସିସିଟିଭିରେ ଗାମୁଛା ଗୁଡ଼ାଇ କଲା ଲୁଟ୍ । ମୟୁରଭଞ୍ଜ ଜିଲ୍ଲା କପ୍ତିପଦା ଥାନା ଗଡ଼ସାହି ଗ୍ରାମରେ । 

ସୂଚନାଯୋଗ୍ୟ ଯେ, ଗଡ଼ସାହି ଗ୍ରାମର ନାରାୟଣ ଦାସ ଗତ ୨୮ ତାରିଖରେ ଆଖି ଅପରେସନ ପାଇଁ ଭୁବନେଶ୍ୱର ଯାଇଥିଲେ । ଗୁରୁବାର ଘରେ ପହଞ୍ଚିବା ପରେ ଘର ଗେଟ୍ ତାଲା ଭଙ୍ଗା ଯାଇଥିବା ଏବଂ ଘରୁ ଲୁଟ୍ ହୋଇଥିବା ଜାଣିପାରି ଥିଲେ । ଏ ନେଇ ସେ ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିବା ସହିତ ସାଇଣ୍ଟିଫିକ୍ ଟିମ୍ ସହାୟତାରେ ତଦନ୍ତକୁ ତ୍ୱରାନ୍ୱିତ କରିଛି । 

ତେବେ ଲୁଟେରା ଘର ଭିତରକୁ ପଶିବା ପୂର୍ବରୁ ସିସିଟିଭିରେ ଗାମୁଛା ଗୁଡ଼ାଇ ଘରେ ପଶି ଲୁଟ କରିଥିଲେ । ଘର ଭିତର ଗଡ଼ରେଜ ଭାଙ୍ଗିବା ସହିତ ନଗଦ ୨୦ ହଜାରରୁ ଅଧିକ ଟଙ୍କା ସହ ଦେଢ଼ ଲକ୍ଷ ଟଙ୍କାର ସୁନା ଅଳଙ୍କାର ଲୁଟି ନେଇଛନ୍ତି । ଏହି ଲୁଟ୍ ଘଟଣାରେ କେତେ ଜଣ ଲୁଟେରା ସାମିଲ ରହିଛନ୍ତି ତାର ତଦନ୍ତ କରୁଛି ପୋଲିସ ।

You Can Read:

ଆସନ୍ତା ୬ରୁ ହବିଷ୍ୟାଳୀ ଯୋଜନା ଆବେଦନ, ୨୫ ଶହ ହବିଷ୍ୟାଳୀଙ୍କ ପାଇଁ ବ୍ୟବସ୍ଥା