ପାଟଣା: ଦିନ ଦ୍ବିପ୍ରହରରେ ମାତିଲେ ଦୁର୍ବୃତ୍ତ। ରାଜରାସ୍ତାରେ ଯୁବକଙ୍କୁ ମାଡ଼ ମାରି ଲୁଟିନେଲେ ସାଢ଼େ ୪ ଲକ୍ଷ ଟଙ୍କା। ଘଟଣା ଘଟିଛି ଏନ୍ଏଚ୍ ୪୯ ଡାବରଚୁଆ ନିକଟରେ। ଜଣେ ବଳଦ ବ୍ୟବସାୟୀଙ୍କୁ ମାଡ଼ମାରି ସାଢ଼େ ୪ ଲକ୍ଷରୁ ଅଧିକ ଟଙ୍କା ଲୁଟିନେଇଥବା ଅଭିଯୋଗ ହୋଇଛି।
ସୂଚନା ଅନୁଯାୟୀ, ସଂକୀର୍ତ୍ତନ ହାତୀ ନାମକ ଜଣେ ବ୍ୟବସାୟୀ ବେଲଦା ହାଟରୁ ବଳଦ ବିକ୍ରି କରି ଫେରୁଥିଲେ। ହେଲେ ଏନ୍ଏଚ୍ ୪୯ ଡାବରଚୁଆ ନିକଟରେ ୬ ଦୁର୍ବୃତ୍ତ କେଉଁଆଡ଼ୁ ଆସି ତାଙ୍କୁ ଆକ୍ରମଣ କରିଥିଲେ। ଏହା ସହ ତାଙ୍କ ପାଖରେ ଥିବା ପ୍ରାୟ ୪ ଲକ୍ଷ ୫୦ ହଜାର ଟଙ୍କା ଲୁଟି କରି ଫେରାର ମାରିଥିଲେ। ଯେଉଁଥିରେ ଗୁରୁତର ହୋଇପଡ଼ିଥିଲେ ସେ।
ତେବେ ଗୁରୁତର ଅବସ୍ଥାରେ ସଂକୀର୍ତ୍ତନଙ୍କୁ କେନ୍ଦୁଝର ମେଡିକାଲ ସ୍ଥାନାନ୍ତର କରାଯାଇଥିବାବେଳେ, ଖବର ପାଇ ତୁରୁମୁଙ୍ଗା ପୋଲିସ ପହଞ୍ଚି ଛାନ୍ ଭିନ୍ ଜାରି ରହିଛି।
