ନୂଆଦିଲ୍ଲୀ ୦୨/୦୭: ଟି-୨୦ ବିଶ୍ୱକପ ୨୦୨୪ ଚାମ୍ପିଅନ ହେବା ପରେ ଅନ୍ତରାଷ୍ଟ୍ରୀୟ ଟି-୨୦ରୁ ଅବସର ନେଇଛନ୍ତି ରୋହିତ ଶର୍ମା । ହେଲେ ଏବେ ଆଇପିଏଲ (ଇଣ୍ଡିଆନ୍ ପ୍ରିମିୟର ଲିଗ୍) ର ଭବିଷ୍ୟତ ଉପରେ ନୀରବତା ଭାଙ୍ଗିଛନ୍ତି । ପ୍ରଶଂସକଙ୍କ ମନରେ ଏକ ପ୍ରଶ୍ନ ଥିଲା କି ରୋହିତ ଟି-୨୦ର ଅନ୍ତର୍ଜାତୀୟ ଫର୍ମାଟ ଛାଡିବା ପରେ ଫଟାଫଟ୍ ଫର୍ମାଟକୁ ସଂପୂର୍ଣ୍ଣ ଛାଡିବେ କି?
ବର୍ତ୍ତମାନ ରୋହିତ ତାଙ୍କ ନୀରବତାକୁ ଭାଙ୍ଗି ଏହି ସମସ୍ତ ଆଶଙ୍କା ଦୂର କରିଛନ୍ତି । ରୋହିତ ଶର୍ମା ତାଙ୍କ ଅଧିନାୟକତ୍ୱରେ ଭାରତ ଟି-୨୦ ବିଶ୍ୱକପ ୨୦୨୪ରେ ଚାମ୍ପିଅନ ହୋଇଥିଲା। ଚାମ୍ପିଅନ ହେବା ପରେ ଗଣମାଧ୍ୟମକୁ ସମ୍ବୋଧିତ କରୁଥିବାବେଳେ ରୋହିତଙ୍କୁ ଆଇପିଏଲରେ ତାଙ୍କ ଭବିଷ୍ୟତ ବିଷୟରେ ପଚରାଯାଇଥିଲା । ଏହା ଉପରେ ସେ ସମସ୍ତଙ୍କୁ ଆଶ୍ୱାସନା ଦେଇଛନ୍ତି ଯେ ସେ ବର୍ତ୍ତମାନ ସେ ଆଇପିଏଲ ଛାଡିବା ନେଇ କିଛି ନିଷ୍ପତ୍ତି ନେଇନାହାଁନ୍ତି ।
ଗଣମାଧ୍ୟମ ସହ କଥାବାର୍ତ୍ତା ବେଳେ ରୋହିତ କହିଛନ୍ତି- ମୁଁ ଏହି ସମୟରେ ଟି -୨୦ ରୁ ଅବସର ନେବାକୁ ଚିନ୍ତା କରି ନ ଥିଲି, କିନ୍ତୁ ପରିସ୍ଥିତି କିପରି ଆସିଛି, ମୁଁ ଅନୁଭବ କଲି ଯେ ଟି-୨୦କୁ ବିଦାୟ ଦେବା ମୋ ପାଇଁ ଠିକ୍ ହେବ । କିନ୍ତୁ ପ୍ରତିଶୃତି ଦେଉଛି ମୁଁ IPL ଶତପ୍ରତିଶତ ଖେଳିବି ।
କହିବାକୁ ଗଲେ ଭାରତ ୨୦୨୪ଟି-୨୦ ବିଶ୍ୱକପ ଟାଇଟଲ ଜିତିବା ପରେ ରୋହିତ ଶର୍ମା ଟି-୨୦ କ୍ରିକେଟରୁ ଅବସର ଘୋଷଣା କରିଥିଲେ । ରୋହିତଙ୍କ ପୂର୍ବରୁ ବିରାଟ କୋହଲି ମ୍ୟାଚ୍ ପରେ ତୁରନ୍ତ ଅବସର ନେଇଥିଲେ, ପରେ ରବିନ୍ଦ୍ର ଜାଡେଜା ମଧ୍ୟ ଏହି ଫର୍ମାଟରୁ ଅବସର ନେଇଥିବା ବ୍ୟକ୍ତିଙ୍କ ତାଲିକାରେ ଅନ୍ତର୍ଭୁକ୍ତ ହୋଇଥିଲେ । ୨୦୦୭ ରେ ଟି-୨୦ ଆନ୍ତର୍ଜାତୀୟ କ୍ରିକେଟ୍ ରେ ଡେବ୍ୟୁ କରିଥିବା ରୋହିତଙ୍କର ଏପର୍ଯ୍ୟନ୍ତ ଅନୁଷ୍ଠିତ ପ୍ରତ୍ୟେକ ଟି-୨୦ ବିଶ୍ୱକପ୍ରେ ଖେଳିଥିବା ଏକମାତ୍ର ଭାରତୀୟ କ୍ରିକେଟର ହେବାର ଅନନ୍ୟ ପାର୍ଥକ୍ୟ ରହିଛି ।
ସମ୍ପ୍ରତି ଟି-୨୦ ବିଶ୍ୱକପ୍ର ୮ଟି ମ୍ୟାଚରେ ରୋହିତ ୨୫୭ରନ୍ ସଂଗ୍ରହ କରିଥିଲେ । ଯାହା ଜଣେ ଭାରତୀୟ ଖେଳାଳିଙ୍କ ପାଇଁ ସର୍ବାଧିକ ଥିଲା । ତେବେ ରୋହିତ ଅଧିନାୟକ ପଦରୁ ଇସ୍ତଫା ଦେବାବେଳେ ପାଣ୍ଡ୍ୟା ଟ୍ରୋଲ ହୋଇଥିଲେ । ରୋହିତ ଶର୍ମା ମୁମ୍ବାଇ ଇଣ୍ଡିଆନ୍ସକୁ ୫ ଥର ଆଇପିଏଲରେ ଚାମ୍ପିଅନ କରିଛନ୍ତି । ଏଥର ଅର୍ଥାତ୍ ଆଇପିଏଲ୍ ୨୦୨୪ରେ ରୋହିତ ହାର୍ଦ୍ଦିକ ପାଣ୍ଡ୍ୟାଙ୍କ ଅଧୀନରେ ଖେଳୁଥିବା ଦେଖିବାକୁ ମିଳିଥିଲା ।
ଏହା ପରେ ହାର୍ଦ୍ଦିକଙ୍କୁ ସୋସିଆଲ ମିଡିଆରେ ଅନେକ ଟ୍ରୋଲ୍ କରାଯାଇଥିଲା । ହାର୍ଦ୍ଦିକଙ୍କ ଅଧିନାୟକତ୍ୱରେ ମୁମ୍ବାଇର ପ୍ରଦର୍ଶନ ମଧ୍ୟ ନିରାଶାଜନକ ଥିଲା । ଆଇପିଏଲ ୨୦୨୫ ମେଗା ନିଲାମ ପାଖେଇ ଆସୁଥିବାରୁ ମୁମ୍ବାଇ ଇଣ୍ଡିଆନ୍ସ (MI) ସହିତ ରୋହିତଙ୍କ ଭବିଷ୍ୟତ ଅନିଶ୍ଚିତ । IPL ୨୦୨୪ପାଇଁ MI ନେତୃତ୍ୱରେ ପରିବର୍ତ୍ତନ ଅନେକଙ୍କୁ କରିଥିଲା ଚକିତ ।
MI ଗୁଜୁରାଟ ଟାଇଟାନ୍ସରୁ ହାର୍ଦ୍ଦିକ ପାଣ୍ଡ୍ୟାଙ୍କୁ କିଣି ରୋହିତଙ୍କ ସ୍ଥାନରେ ଅଧିନାୟକତ୍ୱ ଦେଇଥିଲେ ସେତେବେଳେ ପ୍ରଶଂସକମାନେ ଆଶ୍ଚର୍ଯ୍ୟ ହୋଇଯାଇଥିଲେ । କାରଣ ୨୦୨୩ରେ T-୨୦ରୁ ବିରତି ନେବା ସତ୍ତ୍ୱେ ରୋହିତ ୨୦୨୪ରେ ଭାରତର ସମସ୍ତ ଫର୍ମାଟର ଅଧିନାୟକ ଥିଲେ । ରୋହିତ ଯେତେବେଳେ ଆଇପିଏଲରେ ହାର୍ଦ୍ଦିକ ପାଣ୍ଡ୍ୟାଙ୍କ ଅଧୀନରେ ଖେଳିଥିଲେ । ସେତେବେଳେ ହାର୍ଦ୍ଦିକ ୨୦୨୪ ଟି-୨୦ ବିଶ୍ୱକପରେ ତାଙ୍କ ଡେପୁଟି ଭାବରେ କାର୍ଯ୍ୟ କରିଥିଲେ ।
ରୋହିତ ଶର୍ମା ହାରାହାରି ୪୫.୪୬ରେ ୫୯ଟି ଟେଷ୍ଟରେ ୪୧୩୭ ରନ୍ ସଂଗ୍ରହ କରିଛନ୍ତି । ଯେତେବେଳେ କି ହିଟମ୍ୟାନ୍ ହାରାହାରି ୪୯.୧୨ରେ ୨୬୨ ODI ମ୍ୟାଚ୍ରେ ୧୦୭୦୯ ରନ୍ ସଂଗ୍ରହ କରିଛନ୍ତି । ରୋହିତ ତାଙ୍କ ଟି-୨୦ ଆନ୍ତର୍ଜାତୀୟ କ୍ୟାରିୟରର ୧୫୯ଟି ମ୍ୟାଚରେ ୪୨୩୧ ରନ୍ ସଂଗ୍ରହ କରିଛନ୍ତି । ଅନ୍ତର୍ଜାତୀୟ କ୍ରିକେଟରେ ରୋହିତଙ୍କ ନାମରେ ୧୨ଟି ୱିକେଟ୍ ମଧ୍ୟ ରହିଛି ।
ରୋହିତ ମଧ୍ୟ ନିଷ୍ପତ୍ତି ନେଇଥିଲେ ଯେ ଟି-୨୦ ବିଶ୍ୱକପ ପରେ ସେ ଏହି ଫର୍ମାଟରୁ ଦୂରେଇ ଯିବେ, ସେ ମଧ୍ୟ ସେପରି କରିଥିଲେ । ରୋହିତ ଶର୍ମା ଆଇପିଏଲ୍ ୨୦୨୪ର ୧୪ଟି ମ୍ୟାଚରେ ଷ୍ଟ୍ରାଇକ୍ ହାରରେ ୧୫୦ ଏବଂ ହାରାହାରି ୩୨.୦୮ ରନ୍ କରିଛନ୍ତି । ଆଇପିଏଲର ମୋଟ ୨୫୭ ମ୍ୟାଚରେ ରୋହିତ ୬୬୨୮ ରନ୍ ସଂଗ୍ରହ କରିଛନ୍ତି । ଏହି ଅବଧି ମଧ୍ୟରେ ତାଙ୍କର ହାରାହାରି ୨୯.୭୨ ଏବଂ ଷ୍ଟ୍ରାଇକ୍ ହାର ହେଉଛି ୧୩୧.୧୪ ।
