ନୂଆଦିଲ୍ଲୀ ୦୪/୦୭: ବିଶ୍ୱ ବିଜୟୀ ପରେ ସ୍ୱଦେଶ ଫେରିଛି ବିଶ୍ୱ ଚାମ୍ପିଅନ୍ ଟିମ୍ ଇଣ୍ଡିଆ । ଟି-୨୦ ବିଶ୍ୱକପରେ ଦକ୍ଷିଣ ଆଫ୍ରିକାକୁ ପରାସ୍ତ କରି ବିଶ୍ୱ ଚାମ୍ପିୟନ ହୋଇଥିବା ଟିମ୍ ଇଣ୍ଡିଆ ବାରବାଡୋସରେ ସାମୁଦ୍ରିକ ଝଡ ହୁରିକେନ୍ ପାଇଁ କିଛି ଦିନ ଧରି ଅଟକି ରହିଥିଲା । ବାରବାଡୋସରେ ସାଇକ୍ଲୋନିକ୍ ଷ୍ଟର୍ମ ବେରିଲ ଯୋଗୁଁ ତାଙ୍କୁ ଏକ ସ୍ୱତନ୍ତ୍ର ଚାର୍ଟାର୍ଡ ବିମାନ ଦ୍ୱାରା ଭାରତ ଅଣାଯାଇଛି ।
ଏବେ ଟିମ୍ ଇଣ୍ଡିଆ ଦିଲ୍ଲୀ ପହଞ୍ଚିବା ପରେ ଆଇଟିସି ମୌର୍ଯ୍ୟ ହୋଟେଲରେ ଅଛି । ଯେଉଁଠାରେ ସେମାନଙ୍କ ପାଇଁ ଏକ ସ୍ୱତନ୍ତ୍ର ଜଳଖିଆ ପ୍ରସ୍ତୁତ କରାଯାଇଛି । ବିଶ୍ୱ ଚାମ୍ପିଅନ୍ ଦଳ ପାଇଁ ଦିଲ୍ଲୀର ଆଇଟିସି ମୌର୍ଯ୍ୟ ହୋଟେଲ ଦ୍ୱାରା ପ୍ରସ୍ତୁତ ହୋଇଛି ସ୍ୱତନ୍ତ୍ର ଜଳଖିଆ । ଏଥିରେ ହୋଟେଲ ଖେଳାଳିଙ୍କ ପସନ୍ଦ ତଥା ସେମାନଙ୍କ ସ୍ୱାସ୍ଥ୍ୟର ଯତ୍ନ ନେଇଛି।
ଆଇଟିସି ମୌର୍ଯ୍ୟର କାର୍ଯ୍ୟନିର୍ବାହୀ ରୋଷେୟା ଶିବନେଟ୍ ପହୋଜା କହିଛନ୍ତି ଯେ ବିଶ୍ୱ ଚାମ୍ପିଅନ୍ ଦଳ ପାଇଁ ଆମେ ସ୍ୱତନ୍ତ୍ର ଭାବେ ଜଳଖିଆ ପ୍ରସ୍ତୁତ କରିଛୁ । ଏହି ଖେଳାଳିମାନେ ଦୀର୍ଘ ସମୟ ଧରି ଭ୍ରମଣରେ ଥିଲେ ଏବଂ ଜିତିବା ପରେ ଫେରି ଆସିଛନ୍ତି । ଏପରି ପରିସ୍ଥିତିରେ, ଆମେ ସେମାନଙ୍କୁ ଏକ ସ୍ୱତନ୍ତ୍ର ଜଳଖିଆ ପ୍ରଦାନ କରିବୁ, ବିଶେଷତଃ ସେମାନେ ପସନ୍ଦର ।
#WATCH | Delhi: Executive chef at ITC Maurya, Chef Shivneet Pahoja says, "The cake is in the colour of the Team's jersey. Its highlight is this trophy, it may look like an actual trophy but this is made out of chocolate...This is our welcome to the winning team...We have arranged… https://t.co/W0vwpDrCTZ pic.twitter.com/Hz5C7NPF1T
— ANI (@ANI) July 4, 2024
ଯେମିତିକି ମେନ୍ୟୁରେ ରହିଛି ଛୋଲେ ଭଟୁରେ ସହ ଚକୋଲେଟ ଓ ମିଲେଟ୍ସ ପରି ଫୁଡ୍ । ଏହା ସହିତ, ଖେଳାଳିଙ୍କ ସ୍ୱାସ୍ଥ୍ୟକୁ ଧ୍ୟାନରେ ରଖି ଆମେ ଅନେକ ଖାଦ୍ୟ ମଧ୍ୟ ଅନ୍ତର୍ଭୁକ୍ତ କରିଛୁ । ସେ କହିଛନ୍ତି ଯେ ଆମେ ତାଙ୍କ ପାଇଁ ଚକୋଲେଟ୍ ମଧ୍ୟ ପ୍ରସ୍ତୁତ କରିଛୁ । ସେମାନଙ୍କ ହୋଟେଲ ରୁମରେ ଚକୋଲେଟରେ ନିର୍ମିତ ଅନେକ ଆଇଟମ୍ ମଧ୍ୟ ରହିବ, ଯାହାକୁ ସେମାନେ ପସନ୍ଦ କରିବେ ।
ସେହିଭଳି ଟିମ୍ ଇଣ୍ଡିଆର ଜର୍ସି ରଙ୍ଗରେ ପ୍ରସ୍ତୁତ ସ୍ୱତନ୍ତ୍ର କେକ୍ କଟାଯିବାର ବ୍ୟବସ୍ଥା ବି ହୋଇଛି । ଏହି କେକ୍ ଟିମ୍ ଇଣ୍ଡିଆର ଜର୍ସି ରଙ୍ଗରେ ହୋଇଛି । ପାହୁଜା କହିଛନ୍ତି ଯେ ଏହି କେକ୍ ସମ୍ପୂର୍ଣ୍ଣ ଚକୋଲେଟରେ ତିଆରି । ଏହା କେବଳ ବିଶ୍ୱ ଚାମ୍ପିଅନ୍ ଟିମ୍ ପାଇଁ । ଆହୁରି ବି ସେମାନଙ୍କ ପାଇଁ ଏକ ସ୍ୱତନ୍ତ୍ର ଜଳଖିଆ ମଧ୍ୟ ପ୍ରସ୍ତୁତ ହୋଇଛି ।
