ମୁମ୍ବାଇ ୨୮।୯: ବହୁ ପ୍ରତୀକ୍ଷିତ ଆକ୍ସନ୍-ଥ୍ରୀଲର ଫିଲ୍ମ  'ଦେବରା - ପାର୍ଟ -1' ରିଲିଜ ହୋଇଯାଇଛି। ଯେଉଁଥିପାଇଁ ଚର୍ଚ୍ଚାରେ ସୈଫ୍ ଅଲି ଖାନ୍। ଏହି ସମୟରେ ତାଙ୍କର ଏକ ଭିଡିଓ ଟ୍ୱିଟରରେ ଖୁବ୍ ଟ୍ରେଣ୍ଡ କରୁଛି। ଭିଡିଓର ଖାସ୍ କଥା ହେଉଛି ଏଥିରେ ସେ କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ପ୍ରଶଂସା କରୁଥିବା ଦେଖିବାକୁ ମିଳିଛି।କେବଳ ଏତିକି ନୁହେଁ, ଅନ୍ୟ ୟୁଜରମାନେ ମଧ୍ୟ ଏହି ଭିଡିଓରେ ନିଜର ପ୍ରତିକ୍ରିୟା ପ୍ରକାଶ କରୁଛନ୍ତି। କେତେକ ୟୁଜର ତାଙ୍କ ସହ ସହମତ ହୋଇଥିବାବେଳେ କେତେକ ଏଥିପାଇଁ ରାହୁଲଙ୍କୁ ଟ୍ରୋଲ କରୁଛନ୍ତି। 

ସୈଫ ଅଲି ଖାନଙ୍କ ଏହି ଭିଡିଓ ଏକ ସାକ୍ଷାତକାର ସମୟର।  ଯେଉଁଠାରେ ତାଙ୍କୁ ପଚରାଯାଇଥିଲା ଯେ ସେ କେଉଁ ନେତାଙ୍କୁ ପସନ୍ଦ କରନ୍ତି? ଏହାର ଉତ୍ତରରେ ସୈଫ କହିଛନ୍ତି, 'ମୁଁ ସେହି ନେତାମାନଙ୍କୁ ପସନ୍ଦ କରେ ଯେଉଁମାନେ ସଚ୍ଚୋଟ ଏବଂ ସାହସୀ ଅଟନ୍ତି। ଏହା ପରେ ଦେଶର କିଛି ନେତାଙ୍କ ନାଁ ନିଆଯାଇଥିଲା।ଯେମିତି କି  'ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ଅରବିନ୍ଦ କେଜ୍ରିୱାଲ ଏବଂ ରାହୁଲ ଗାନ୍ଧୀ। ଏମାନଙ୍କ ମଧ୍ୟରୁ କାହାକୁ ସେ  ସବୁଠାରୁ ସଚ୍ଚୋଟ ଏବଂ ସାହସୀ ମନେ କରନ୍ତି? ଏହା ଉପରେ ସୈଫ୍  କହିଛନ୍ତି, 'ମୁଁ ଭାବୁଛି ଏହି ତିନି ନେତା ସାହସୀ, କିନ୍ତୁ ରାହୁଲ ଗାନ୍ଧୀ ଯାହା କରିଛନ୍ତି ତାହା ପ୍ରଶଂସନୀୟ। ପୂର୍ବରୁ ଲୋକମାନେ ତାଙ୍କ କଥାକୁ ହାଲୁକା ଭାବରେ ବ୍ୟବହାର କରୁଥିଲେ, କିନ୍ତୁ ସେ ଖୁବ୍ ପରିଶ୍ରମ ଓ ସ୍ମାର୍ଟ ତରିକାରେ ଏହି ଧାରଣାକୁ ପରିବର୍ତ୍ତନ କରିଛନ୍ତି । ରାହୁଲ ଗାନ୍ଧୀଙ୍କ ପ୍ରଶଂସକମାନେ ସୈଫ୍ ଅଲି ଖାନଙ୍କ ଏହି ଭିଡିଓକୁ ସୋସିଆଲ ମିଡିଆରେ ସେୟାର କରୁଛନ୍ତି।

Also Read- ସିନ୍‌ କାଟିଲେ ‘ଏମର୍ଜେନ୍ସି’କୁ ରିଲିଜ୍‌ ପାଇଁ ମିଳିବ ଅନୁମତି, ବମ୍ବେ ହାଇକୋର୍ଟରେ ହୋଇଛି ଶୁଣାଣି