ମୁମ୍ଵାଇ ୩୧।୧୨; ୨୦୨୪ ଶର୍ଭରୀ ୱାଗ୍ଙ୍କ ପାଇଁ ଖୁବ୍ ଉତ୍ସାହଜନକ ଥିଲା । ‘ମୁଞ୍ଜ୍ୟା’ ଓ ‘ବେଦା’ ଭଳି ଫିଲ୍ମରେ ନିଜର ଭୂମିକା ପାଇଁ ସେ ଖୁବ୍ ପ୍ରଶଂସା ସାଉଁଟିଲେ । ଏ ବର୍ଷ ସେ ୟଶରାଜ ଫିଲ୍ମସ ସ୍ପାଇ ୟୁନିଭର୍ସର ଆକ୍ସନ୍-ପ୍ୟାକ୍ଡ ଫିଲ୍ମ ‘ଆଲ୍ଫା’ର ସୁଟିଂ ଆରମ୍ଭ କରିଛନ୍ତି। ଏଥିରେ ତାଙ୍କ ସହ ଆଲିୟା ଭଟ୍ଟ ମୁଖ୍ୟ ଭୂମିକାରେ ଅଛନ୍ତି । ବର୍ଷ ଶେଷରେ ତାଙ୍କ ଶେଷ ଦିନ କାମର ଏକ ଝଲକ୍ ଦେଖିବାକୁ ମିଳିଛି।
ଗତ ୨୯ ତାରିଖରେ ଶର୍ଭରୀ ନିଜ ଇନ୍ଷ୍ଟା ଷ୍ଟୋରୀରେ ‘ଆଲ୍ଫା’ ସେଟ୍ରୁ ଏକ ଫଟୋ ଶେୟାର କରିଥିଲେ । ଏଥିରୁ ସଷ୍ଟ ହେଉଥିଲା ଯେ ଶର୍ଭରୀ ଫିଲ୍ମର ଆକ୍ସନ୍ ସିନ୍ର ସୁଟିଂ କରୁଥିଲେ । ସେ କହିଛନ୍ତି, ୨୦୨୪ରେ ପ୍ରତ୍ୟେକ ଦିନର କାମ ପାଇଁ ନିଜକୁ କୃତଜ୍ଞ ମନେକରୁଛନ୍ତି । ଏହାକୁ ସେ ପରୀକ୍ଷା ସମୟ ବୋଲି କହିଛନ୍ତି । କାମକୁ ଯିବା ତାଙ୍କ ପାଇଁ ସବୁଠୁ ବଡ଼ ଆଶୀର୍ବାଦ, ଯାହା ତାଙ୍କୁ ଉତ୍ସାହିତ ଓ ଆଗକୁ ଯିବାକୁ ପ୍ରେରିତ କରିଛି ।
‘ଆଲ୍ଫା’ରେ ଆଲିୟା ଓ ଶର୍ଭରୀ ମୁଖ୍ୟ ଭୂମିକା ନିର୍ବାହ କରିଛନ୍ତି । ବବି ଦେଓଲ ଏଥିରେ ଭିଲେନ୍ ଭୂମିକାରେ ନଜର ଆସିବେ। ଅନିଲ କପୁରଙ୍କର ଗୁରୁତ୍ୱପୂର୍ଣ୍ଣ ଭୂମିକା ରହିଛି । ‘ୱାର୍’ ଫ୍ରାଞ୍ଚାଇଜରେ ଏଜେଣ୍ଟ୍ କବିର ଭୂମିକା ପାଇଁ ପରିଚିତ ଋତ୍ୱିକ ରୋଶନଙ୍କ ଝଲକ୍ ମଧ୍ୟ ଫିଲ୍ମରେ ଦେଖିବାକୁ ମିଳିବ । ଶିବ ରୱେଲଙ୍କ ନିର୍ଦ୍ଦେଶିତ, ଆଦିତ୍ୟ ଚୋପ୍ରାଙ୍କ ପ୍ରଯୋଜିତ ‘ଆଲ୍ଫା’ ୨୦୨୫, ଡିସେମ୍ବର ୨୫ରେ ସିନେମାଘରକୁ ଆସିବ । କ୍ରିସ୍ମାସରେ ଏହା ଗର୍ଲ ପାୱାର୍କୁ ପରଦାକୁ ଆଣିବ, ଯାହାକୁ ନେଇ ଦର୍ଶକ ଖୁବ୍ ଉତ୍ସାହିତ ।
