ଚଣ୍ଡିଖୋଲ: ମାଆଙ୍କ ଆଗମନ ପାଇଁ ଚଳଚଞ୍ଚଳ ହୋଇଉଠିଛି ଧରାପୃଷ୍ଠ। ଦେବୀ ପୀଠମାନଙ୍କରେ ଷୋଡ଼ଶ ଉପଚାର ପୂଜା ଚାଲିଥିବାବେଳେ ନବରାତ୍ର ମଧ୍ୟ ଆରମ୍ଭ ହୋଇଗଲାଣି । ଏମିତିରେ ବିଭିନ୍ନ ମନ୍ଦିରରେ ଦେଖିବାକୁ ମିଳିଛି ଆଧ୍ୟାତ୍ମିକ ପରିବେଶ । ଏହି ଅବସରରେ ଯାଜପୁର ଜିଲ୍ଲା ଚଣ୍ଡିଖୋଲ ଚଣ୍ଡୀ ମନ୍ଦିର ପରିସର ଚଳଚଞ୍ଚଳ ହୋଇଉଠିଛି ।
ଯାଜପୁର ଜିଲ୍ଲା ଚଣ୍ଡିଖୋଲ ଚଣ୍ଡି ମନ୍ଦିର ପରିସରରେ ନବରାତ୍ର ପୂଜା ଅବସରରେ ମାଆ ଚଣ୍ଡୀଙ୍କୁ ବିଦ୍ୱାନ ପଣ୍ଡିତ ମାନେ ପ୍ରଭାତରୁ ସ୍ନାନ, ବେଶ, ଗୋ-ପୂଜା, ସୂର୍ଯ୍ୟ ପୂଜା, ଷୋଡ଼ଶ ଉପଚାର ପୂଜା, ୧୦୮ ପଦ୍ମରେ ବଡ଼ସିଂହାର, ଚଣ୍ଡୀପାଠ, ଘୃତାହୁତି, ମହା ଆଳତୀ ସହ ସଂପୂର୍ଣ୍ଣ ନୀତିକାନ୍ତିରେ ପୂଜାର୍ଚ୍ଚନା ଚାଲିଛି ।
ନଅଦିନ ଧରି ଏହି ପୂଜା ଚଳିବାକୁ ଥିବାବେଳେ, ବିଭିନ୍ନ ଦିବସରେ ୯ଟି ବେଶ, ୯ ଦେବୀଙ୍କ ନାମରେ ମାଆ ପୂଜା ପାଇବେ। ଏହି ପୂଜା ଅବସରରେ ଅନେକ ଶ୍ରଦ୍ଧାଳୁ ଭକ୍ତ ଅଖଣ୍ଡ ଦୀପ ଲଗାଇ ପୂଜାର୍ଚ୍ଚନା କରି ବିଭୂ କୃପା ଲାଭ କରୁଛନ୍ତି।
