ଚଣ୍ଡୀଖୋଲ ୦୮/୧୨: ନିଜ ଉପସ୍ଥିତ ବୁଦ୍ଧି ପାଇଁ କିଡନାପ୍ରୁ ଅଳ୍ପକେ ବର୍ତ୍ତିଗଲେ ଷଷ୍ଠ ଶ୍ରେଣୀର ଛାତ୍ର । ଏଭଳି ଅଭାବନୀୟ ଘଟଣା ଘଟିଛି ଯାଜପୁର ଜିଲ୍ଲା ଧର୍ମଶାଳା ଅଂଚଳରେ । ଧର୍ମଶାଳା ଥାନା ଅଧୀନ ଚୋରମୁହାଁ ଗ୍ରାମର ସୁଶାନ୍ତ କୁମାର ବେହେରାଙ୍କ ପୁଅ ଓମ ସାଇ ପ୍ରସାଦ ଷଷ୍ଠ ଶ୍ରେଣୀର ଛାତ୍ର ଆଦର୍ଶ ସ୍କୁଲକୁ ଯାଉଥିଲେ ।
ଏହି ସମୟରେ ଆରଡ଼ି ଅଫିସ ସମୁଖ ରାସ୍ତାରେ ୨ ଜଣ ଅଜଣା ଯୁବକ ବାଇକରେ ଆସି ଛାତ୍ର ଜଣକୁ କେଉଁ ଆଡେ ଯାଉଛ ପଚାରିବା ସହ ବାଇକରେ ଛାଡି ଦେବା ପାଇଁ କହିଥିଲେ । ତେବେ ଛାତ୍ର ଜଣକ ରାଜି ନ ହେବାରୁ ଛାତ୍ରକୁ ରୁମାଲରେ ମୁହଁର ଝାଳ ପୋଛିବା ପାଇଁ କହିଥିଲେ । ହେଲେ ଛାତ୍ର ଜଣକ ମନା କରିବାରୁ ଯୁବକ ଜଣକ ହଠାତ ଏକ ଛୁରୀ ବାହାର କରି ଛାତ୍ରକୁ ଧରିବା ପାଇଁ ଉଦ୍ୟମ କରିଥିଲେ ।
କିନ୍ତୁ ଛାତ୍ର ଜଣକ ସେଠାରୁ ଦୌଡ଼ି ପଳାଇଥିଲେ । ଏହି ସମୟରେ ଏକ ଅଟୋ ଆସିବାରୁ ଦୁର୍ବୃତ୍ତମାନେ ଘଟଣା ସ୍ଥଳରୁ ଚମ୍ପଟ ମାରିଥିଲେ । ଏ ଛାତ୍ରଙ୍କୁ ଅପହରଣ ଓ ହତ୍ୟା ଉଦ୍ୟମ କରାଯାଇ ଥିବା ଛାତ୍ରଙ୍କ ବାପା ଜାରକା ପୋଲିସ ବିଟ୍ ହାଉସରେ ଅଭିଯୋଗ କରିଥିଲେ । ଏ ନେଇ ପୋଲିସ ଘଟଣାର ଅଧିକ ତଦନ୍ତ ଚଳାଇଛି ।
