ନୂଆଦିଲ୍ଲୀ ୨୯।୦୬: ଦୁନିଆରେ ଅନେକ ମନ୍ଦିର ଅଛି ଯାହା ନିଜର ଅନନ୍ୟ ବିଶେଷତ୍ବ ପାଇଁ ସାରା ବିଶ୍ବରେ ପରିଚିତ । ଦୁନିଆରେ ଏପରି ଏକ ଅଦ୍ଭୁତ ମନ୍ଦିର ରହିଛି ଯାହା ସମୁଦ୍ର ମଝିରେ ଅବସ୍ଥିତ । ଏହି ମନ୍ଦିରକୁ ଚାରିପାଖରୁ ଘେରି ରହିଛି ପାଣି । ମନ୍ଦିରଟି ଇଣ୍ଡୋନେସିଆର ବାଲରେ ଅବସ୍ଥିତ ।
ସମୁଦ୍ର ମଝିରେ ଅବସ୍ଥିତ ଏହି ମନ୍ଦିରକୁ 'ତନହା ଲୋତ୍ ମନ୍ଦିର' କୁହାଯାଏ । ସ୍ଥାନୀୟ ଭାଷାରେ ଏହାର ଅର୍ଥ ହେଉଛି ସମୁଦ୍ର ସ୍ଥଳ । ଏହି ମନ୍ଦିର ସହିତ ଏଠାରେ ଆହୁରି ୬ଟି ମନ୍ଦିର ନିର୍ମାଣ କରାଯାଇଛି । ଯାହା ଗୋଟିଏ ମନ୍ଦିରରୁ ଅନ୍ୟ ମନ୍ଦିରକୁ ସ୍ପଷ୍ଟ ଦେଖାଯାଏ ।
ଧାର୍ମିକ ବିଶ୍ୱାସ ଅନୁଯାୟୀ, ପଞ୍ଚଦଶ ଶତାବ୍ଦୀରେ, ନୀରଥା ନାମକ ଜଣେ ପୁରୋହିତ ସମୁଦ୍ର କୂଳରେ ବୁଲୁଥିବା ସମୟରେ ଏହି ସ୍ଥାନକୁ ଆସିଥିଲେ । ଏହି ସ୍ଥାନର ସୌନ୍ଦର୍ଯ୍ୟ ହେତୁ ପୁରୋହିତ ମତ୍ସ୍ୟଜୀବୀଙ୍କ ସାହାଯ୍ୟରେ ଏଠାରେ ଏକ ମନ୍ଦିର ନିର୍ମାଣ କରିବାକୁ ସ୍ଥିର କଲେ ।
ଏକ ବିରାଟ ପଥର ଉପରେ ନିର୍ମିତ ଏହି ମନ୍ଦିର ସମୁଦ୍ର ଦେବତାଙ୍କୁ ସମର୍ପିତ ଏପରିକି ନିରର୍ଥଙ୍କୁ ମଧ୍ୟ ପୂଜା କରାଯାଏ । ମନ୍ଦ ଆତ୍ମା ଏବଂ ଖରାପ ଲୋକମାନଙ୍କଠାରୁ ଏହି ମନ୍ଦିରକୁ ରକ୍ଷା କରିବା ପାଇଁ ପୁରୋହିତ ନିରର୍ଥ ନିଜ ଶକ୍ତି ଦ୍ବାରା ଏକ ବିରାଟ ସମୁଦ୍ର ସାପ ସୃଷ୍ଟି କରିଥିଲେ । ଯାହା ଏବେ ବି ମନ୍ଦିରର ସୁରକ୍ଷା କରୁଛି ।
