ମୁମ୍ୱାଇ ୧୮/୦୨: ଚାମ୍ପିୟନ୍ସ ଟ୍ରଫି ପାଇଁ ସମସ୍ତ ଦଳର ନୂଆ ଜର୍ସି ଦେଖିବାକୁ ମିଳିଛି । ସମସ୍ତ ଦଳ ନିଜ ନିଜର ନୂଆ ଜର୍ସିରେ ଫଟୋସୁଟ କରିଛନ୍ତି । ତେବେ ଏହି ଟୁର୍ଣ୍ଣାମେଣ୍ଟଟି ପାକିସ୍ତାନ ଆୟୋଜନ କରୁଥିବାବେଳେ ଏହା ହାଇବ୍ରିଡ୍ ମଡେଲରେ ଖେଳଯାଉଛି । ଭାରତର ସମସ୍ତ ମ୍ୟାଚ ଦୁବାଇରେ ଖେଳାଯିବ ।
ସେପଟେ ପ୍ରଥମରୁ ଚର୍ଚ୍ଚା ହେଉଥିଲା କି, ଭାରତୀୟ ଜର୍ସିରେ ପାକିସ୍ତାନର ନାମ ରହିବ କି ନାହିଁ । ଆଉ ଏବେ ଭାରତୀୟ ଜର୍ସିରେ ଆୟୋଜକ ପାକିସ୍ତାନର ନାମ ରହିଛି । ICCର ସମସ୍ତ ଇଭେଣ୍ଟରେ ଯେଉଁ ଦେଶ ଆୟୋଜନ କରିଥାଏ ସେହି ଦେଶର ନାମ ସମସ୍ତ ଦଳର ଜର୍ସିରେ ରହିଥାଏ । ଏଣୁ ଭାରତୀୟ ଦଳର ଜର୍ସିରେ ମଧ୍ୟ ପାକିସ୍ତାନର ନାମ ରହିଛି ।
ଭାରତୀୟ ଖେଳାଳିଙ୍କ ଦ୍ବାରା କରାଯାଇଥିବା ବିଭିନ୍ନ ଫଟୋ ସବୁ ଏବେ ପ୍ରଂଶସକମାନେ ସେୟାର କରାଯାଉଛି । କହିବାକୁ ଗଲେ ଚାମ୍ପିଅନ୍ସ ଟ୍ରଫି ୨୦୨୫ ଫେବୃଆରୀ ୧୯ରୁ ଆରମ୍ଭ ହେଉଛି। ଟିମ୍ ଇଣ୍ଡିଆ ଏହି ICC ଟୁର୍ଣ୍ଣାମେଣ୍ଟରେ ଦ୍ୱିତୀୟ ଦିନ ଅର୍ଥାତ୍ 20 ଫେବୃଆରୀରୁ ତା’ର ଅଭିଯାନ ଆରମ୍ଭ କରିବ।
ଏହି ମ୍ୟାଚରେ ବାଂଲାଦେଶକୁ ଭେଟିବ, ଯାହା ଦୁବାଇର ଅନ୍ତର୍ଜାତୀୟ କ୍ରିକେଟ ଷ୍ଟାଡିୟମରେ ଖେଳାଯିବ। ଏହା ପରେ, ଭାରତକୁ ୨୩ ଫେବୃଆରୀରେ ପାକିସ୍ତାନକୁ ଭେଟିବାକୁ ପଡିବ। ମାର୍ଚ୍ଚ ୨ ତାରିଖରେ, ଏହା ଗ୍ରୁପ୍ ପର୍ଯ୍ୟାୟର ଶେଷ ମ୍ୟାଚ୍ରେ ନ୍ୟୁଜିଲାଣ୍ଡକୁ ଭେଟିବ।
