ମୁମ୍ବାଇ: ଏବେ ସୋସିଆଲ୍ ମିଡିଆର ଯୁଗ। ଏହି ସମୟରେ ଯିଏ ଯେତେ ଫେମସ୍ ତାକୁ ସେତିକି ସଫଳ ବୋଲି ବିବେଚନା କରାଯାଏ । ଏଥିରୁ ବାଦ୍ ପଡ଼ିନାହାନ୍ତି ସେଲିବ୍ରିଟି । ସେମାନଙ୍କର ବି ମିଲିଅନ୍ ମିଲିଅନ୍ ପଲୋଅର୍ସ। ଆଉ ଏହି ତାଲିକାରେ ଟପ୍ ୫ ଭାରତୀୟଙ୍କ ନାଁ ଆସିଛି ସାମ୍ନାକୁ।  ଯାହାଙ୍କୁ ଇନଷ୍ଟାଗ୍ରାମରେ ସବୁଠୁ ଅଧିକ କରାଯାଇଛି ଫଲୋ। ଏହି ତାଲିକାରେ ତିନି ବଲିଉଟ୍ ଅଭିନେତ୍ରୀଙ୍କ ନାଁ ବି ରହିଛି ସାମିଲ୍। 

ବିରାଟ କୋହଲି- ଏହି ତାଲିକାର ପ୍ରଥମ ନାଁ ହେଉଛି ଭାରତୀୟ କ୍ରିକେଟ୍‌ର ଷ୍ଟାର୍ ଖେଳାଳି ବିରାଟ କୋହଲି। ଯାହାଙ୍କର ଇନଷ୍ଟାଗ୍ରାମରେ ରହିଛନ୍ତି ୨୭୦ ନିୟୁତ ଫଲୋଅର୍ସ । ବିରାଟ କୋହଲି ଅଭିନେତ୍ରୀ ଅନୁଷ୍କା ଶର୍ମାଙ୍କୁ ବିବାହ କରିଛନ୍ତି। ଉଭୟଙ୍କର ଦୁଇ ସନ୍ତାନ ଭାମିକା ଏବଂ ଅକାୟ କୋହଲି। 

ଶ୍ରଦ୍ଧା କପୁର- ତାଲିକାରେ ଅଭିନେତ୍ରୀ ଶ୍ରଦ୍ଧା କପୁର ଦ୍ୱିତୀୟରେ ଅଛନ୍ତି । ଯିଏ ଚଳିତ ବର୍ଷ ପ୍ରିୟଙ୍କା ଚୋପ୍ରାଙ୍କୁ ପଛରେ ପକାଇ ସୋସିଆଲ ମିଡିଆ କ୍ୱିନ୍ ହୋଇଥିଲେ। ଇନଷ୍ଟାଗ୍ରାମରେ୯୪.୩ ନିୟୁତ ଲୋକ ଶ୍ରଦ୍ଧା କପୁରଙ୍କୁ ଫଲୋ କରନ୍ତି। ଏହି ଅଭିନେତ୍ରୀଙ୍କୁ ନିକଟରେ 'ସ୍ତ୍ରୀ-୨' ସିନେମାରେ ଦେଖିବାକୁ ମିଳିଥିଲା।

ପ୍ରିୟଙ୍କା ଚୋପ୍ରା- ସୋସିଆଲ ମିଡିଆର ଏହି ତାଲିକାରେ ବଲିଉଡ୍ ଦେଶୀ ଗାର୍ଲ  ପ୍ରିୟଙ୍କା ଚୋପ୍ରା ତୃତୀୟ ସ୍ଥାନରେ ଅଛନ୍ତି ।  ଇନଷ୍ଟାଗ୍ରାମରେ ପ୍ରିୟଙ୍କା ଚୋପ୍ରାଙ୍କୁ ୯୨ ମିଲିୟନରୁ ଅଧିକ ଲୋକ ଅନୁସରଣ କରନ୍ତି।

ନରେନ୍ଦ୍ର ମୋଦୀ- ଆମ ଦେଶର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହି ତାଲିକାରେ ଚତୁର୍ଥ ସ୍ଥାନରେ ଅଛନ୍ତି। ଇନଷ୍ଟାଗ୍ରାମରେ ୯୨.୨ ନିୟୁତ ଲୋକ ତାଙ୍କୁ ଅନୁସରଣ କରନ୍ତି । 

ଆଲିଆ ଭଟ୍ଟ- ବଲିଉଡ୍ ଗଙ୍ଗୁବାଈ ତଥା ଅଭିନେତ୍ରୀ ଆଲିଆ ଭଟ୍ଟ ଏହି ତାଲିକାରେ ପଞ୍ଚମ ସ୍ଥାନରେ ଅଛନ୍ତି। ୮୬.୧ ମିଲିୟନ ଲୋକ ଏହି ଅଭିନେତ୍ରୀଙ୍କୁ ଅନୁସରଣ କରନ୍ତି ।

Also Read-

'ସିକନ୍ଦର'ର ଟିଜର ରିଲିଜ୍, ଦମଦାର ଡାଇଲଗ୍ ସହ ବ୍ୟାକଗ୍ରାଣ୍ଡ ମ୍ୟୁଜିକ୍; ଛାଇଗଲେ ଦବଙ୍ଗ ଖାନ