ନୂଆଦିଲ୍ଲୀ ୧୪।୦୧: ସାରା ବିଶ୍ୱରେ କଇଁଛଙ୍କର ରହିଛନ୍ତି ଅନେକ ପ୍ରଜାତି । ଯାହାଙ୍କର ରହିଛି ବହୁତ ଚାହିଦା । ଆଉ ଏହି କାରଣରୁ କଇଁଚଙ୍କର କରାଯାଏ ପ୍ରଚୁର ପରିମାଣରେ ଚୋରାଚାଲାଣ । ସାରା ବିଶ୍ୱରେ କଇଁଛଙ୍କ ପ୍ରଜାତି ଅନୁଯାୟୀ ଦାମ୍ ସ୍ଥିର ହୋଇଥାଏ । ଚୋରାଚାଲାଣ ପଛରେ କାରଣ ହେଉଛି କଇଁଛରୁ ତିଆରି ଔଷଧ, ଧାର୍ମିକ ଗୁରୁତ୍ୱ ଇତ୍ୟାଦି। କିନ୍ତୁ ଏପରି ଏକ କଇଁଛ ରହିଛି ଯାହାର ସାରା ବିଶ୍ବରେ ରହିଛି ସବୁଠାରୁ ଅଧିକ ଡିମାଣ୍ଡ ।
ବାସ୍ତବରେ ଏହି କଇଁଛଙ୍କୁ ଲୋକମାନେ ନିଜ ଘରେ ରଖିଥାନ୍ତି । ଆଉ ଏହାକୁ ଶୁଭ ବୋଲି ମାନିଥାନ୍ତି । ଆଉ ଏହାର ଚାହିଦା ଯୋଗୁଁ କଇଁଛର ଦାମ୍ ମଧ୍ୟ ଖୁବ୍ ଅଧିକା । ଏହାକୁ ଷ୍ଟାର କଇଁଛ କୁହାଯାଏ । ଷ୍ଟାର୍ କଇଁଛକୁ ଗୁଡ୍ଲକ୍ ମାନିଥାନ୍ତି ଲୋକେ । ଦକ୍ଷିଣ ପୂର୍ବ ଏସିଆ ସମେତ ଅନେକ ସ୍ଥାନରେ ଲୋକମାନେ ବିଶ୍ୱାସ କରନ୍ତି ଯେ ଷ୍ଟାର କଇଁଛ ହେଉଛି ଭାଗ୍ୟର ସଙ୍କେତ। ଏହାକୁ ପାଳନ ପୋଷଣ କରିବା ଦ୍ୱାରା ଜଣଙ୍କର ଭାଗ୍ୟ ପରିବର୍ତ୍ତନ ହୋଇଥାଏ ବୋଲି ବିଶ୍ବାସ ରହିଛି ।
ଦିନକୁ ଦିନ ଘରେ ଷ୍ଟାର କଇଁଛ ରଖିବାର ଚାହିଦା ବଢ଼ିବାରେ ଲାଗିଛି। ଜାଣି ଆଶ୍ଚର୍ଯ୍ୟ ହେବେ ଏହି କଇଁଛ ଏତେ ସହଜରେ ମିଳେନାହିଁ । ଏହାର ଦାମ୍ ମଧ୍ୟ ବହୁତ ଅଧିକ । ବାସ୍ତବରେ ଯୌନ ଶକ୍ତି ବୃଦ୍ଧି କରୁଥିବା ଔଷଧ ମଧ୍ୟ ଷ୍ଟାର କଇଁଛରୁ ତିଆରି ହୋଇଥାଏ । ଏହି କାରଣରୁ ଆନ୍ତର୍ଜାତୀୟ ବଜାରରେ ଏମାନଙ୍କର ରହିଥାଏ ଭଲ ଚାହିଦା । ଏଗୁଡ଼ିକର ମୂଲ୍ୟ ୧୫,୦୦୦ ଟଙ୍କାରୁ ୨୫,୦୦୦ ଟଙ୍କା ମଧ୍ୟରେ ହୋଇଥାଏ ।
