ନୂଆଦିଲ୍ଲୀ ୦୫।୦୧; ଝାଡଖଣ୍ଡରେ ଭୟଙ୍କର ସଡକ ଦୁର୍ଘଟଣା। ଶନିବାର ସନ୍ଧ୍ୟାରେ ଡୁମକା ଜିଲ୍ଲାରେ ଏହି ଦୁର୍ଘଟଣା ଘଟିଥିଲା । ଯେଉଁଥିରେ ଚାରି ଜଣଙ୍କର ମୃତ୍ୟୁ ଘଟିଥିବା ବେଳେ ୬ ଜଣ ଆହତ ହୋଇଛନ୍ତି। ମୃତକଙ୍କ ମଧ୍ୟରେ ଦୁଇଜଣ ମହିଳା ମଧ୍ୟ ଅଛନ୍ତି। ଆହତମାନଙ୍କୁ ଚିକିତ୍ସା ପାଇଁ ସ୍ଥାନୀୟ ହସ୍ପିଟାଲ୍ରେ ଭର୍ତ୍ତି କରାଯାଇଛି ।
ଦସୋରାଡିହ ଗ୍ରାମ ନିକଟରେ ଏହି ଦୁର୍ଘଟଣା ଘଟିଥିବା ବେଳେ ଏକ ଟ୍ରକ ଯାତ୍ରୀମାନଙ୍କୁ ନେଇ ଯାଉଥିବା ଅଟୋକୁ ଧକ୍କା ଦେଇଥିଲା। ଆହତମାନେ ନୋନିହାଟ ବ୍ଲକର ବାସିନ୍ଦା ଥିଲେ । ସଭିଏଁ ଡୁମକା ଲୋକପ୍ରିୟ ପର୍ଯ୍ୟଟନ ସ୍ଥାନରୁ ପିକନିକ୍ ସାରି ଫେରୁଥିଲେ। ଟ୍ରକ ସହିତ ଧକ୍କା ହେବାରୁ ଅଟୋଟି ଖଣ୍ଡ ଖଣ୍ଡ ହୋଇଯାଇଥିଲା । ଦୁର୍ଘଟଣା ପରେ ଚିତ୍କାର ଶୁଣି ନିକଟସ୍ଥ ଲୋକମାନେ ଧାଇଁ ଆସିଥିଲେ ।
ଘଟଣା ସମ୍ପର୍କରେ ସୂଚନା ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚିଥିଲା । ଏହା ପରେ ସମସ୍ତ ଆହତଙ୍କୁ ସ୍ଥାନୀୟ ହସ୍ପିଟାଲ୍ରେ ବର୍ତ୍ତି କରାଯାଇଥିଲା । ଆହତଙ୍କ ମଧ୍ୟରେ ତିନି-ଚାରି ଜଣଙ୍କ ଅବସ୍ଥା ଅତ୍ୟନ୍ତ ଗୁରୁତର ଥିବା ନେଇ କୁହାଯାଉଛି। ବର୍ତ୍ତମାନ ମୃତ ଓ ଆହତଙ୍କ ନାମ ଜଣାପଡି ନାହିଁ । ସେପଟେ ଟ୍ରକକୁ ଜବତ କରାଯାଇଛି। କହିବାକୁ ଗଲେ ଡିସେମ୍ବର ୩୧ ଠାରୁ ଝାଡଖଣ୍ଡରେ ବିଭିନ୍ନ ସଡ଼କ ଦୁର୍ଘଟଣାରେ ୩୦ ଜଣଙ୍କର ମୃତ୍ୟୁ ଘଟିଛି।
